هذا طرق للشمعة
بالنسبة للشمعة الحارة
عبارة عن دجاج مفروم وتوابل تشكل علي هيئة اصابع تكون غليظة شوية زي الشمعة ممكن تحشيه باللحم المفروم او الخضروات او الجبن وسبانخ او جبن سائل ومكسرات فستق او كاجو وتلف فس سلفر وتطيب علي حمام مائي او في طنجرة به ماء وبعد النضج ممكن تحمريه في
الكوشة اوقليل من الزبدة وبعد ذلك توقف نضع به حبه لوز او قرنفله ونضع عليها الجبن وتدخل الفرن حتي تسيح الجبنه
وهذه عدة طرق لاخوات من ليبيا
الشمعة الحلوة
طريقة الشمعة
جوز هند
عسل او شانتيه
شكولاته بيضاء
قرنفل
الطريقة تخلطي جوز الهند مع العسل
ثم يشكل اصابع ويغمس في الشكولاته
ويزين بالقرنفل من اعلى مثل الشمعة
طريقة الشمعه الحارة لاخت من منتدي ليبي
اول شيء نجيبو الدجاج و نتبلوه بالحرارات و الزعتر و الملح وشوية ليم و ثوم
وبعدين نفرموه في ست البيت الى ان يصبح مفروم
تم نحضر ورق القصدير و نضع الدجاج و نفطحوه و بعدين نحط عليه جبنة المثلث نقطعها الى طروف لكن مش صغار وبعدين نلف الدجاج على الجبن بواسطة ورق القصدير الى ان تتكون اسطوانة ونزيد طبقات من ورق القصدير حتى لا يدخل الماء الى الداخل
لاننا سوف نضعها في طاجين يسع تلك الاسطوانة وبداخله الماء ونقوم بالتقليب كل فترة الى ان نحس انها قد استوت على الغاز
تم نفتحها و نقطعها الى نصفين و نقليهما في قليل من الزبدة مع مراعات تحمير الجوانب
تم نقطعها الى قطع اصغر ونضعها واقفة في طاجين اخر ونضع فوقها الجبنة المبشورة و حبة من القرنفل ونضعها في الفرن حتي تسيح الجبنة وتقعد كانها شمعة دائبة
ونقدمها في طبق خاص 
و بالهناء و الشفاء 
اضغط هنا لمشاهدة الصورة بالحجم الفعلي
وهذه طريقة اخت اخري
الشمعة لاحضت انك تتعبي هلبة لما اديري فيها اني عندي طريقة اسرع تاخدي طواسي شاهي وتحطي فيه الدجاج المفروم وطبعا اتخلي الوسط فاضي وبعدين تحشية باي شي جبنة وخضرة خضرة وجبنة ومكسرات وتسكري اعليه من فوق بالدجاج وبعدين اتحطيه في الكوشة ونفس طريقة التزين اضني هكي اريح من سلفر ومية وبعدين كوشة
ما شاء الله الاخت نانا ديما سباقه بارك الله فيه
ربي يرزقك ما تتمني امين
بالنسبة للصرة زي ما ذكرت الاخت نانا الاسم تختلف ان عند طريقة بنفس فكرة نانا لكن اسمه الاحجار الكريمة
طبعا عجينة بسكويت تختلف علي عجينة نسرين
تفرد دواتر وتحشي زي ماقالت نانا بعجينة اللوز الملونة او من نفس العجين نلونه بثلات الوان طبعا بعجينة اللوز احسن واحلي
المقادير
نفس عجينة الزمردة او العوينة
4 صفار بيض
كوب الاربع سكر
كوب زبدة
ظرف بيكن باودر
دقيق فانليا
الاحجار الكريمة نفس فكرة هذة الصورة
نانا الصرة نفس الشكل هذا ولا غير
وفية الصرة الحارة
عند طريقة له
بالكريب او عجينة عادية والاخت سويت عنده موضوع علي معجنات الصرة راقية جدا بارك الله فيه
هذه
http://lakii.com/vb/showthread.php?p...57#post8344357
نسمةليبية هادي طريقة الصريرة او الزهرء :
مقادير كورة اللوز الحشوة :
نصف كوب سكر عادي و كوب لوز مرحي ومايعجن عطر ورزبدة طبعا العطر والزبدة شوية باش يلم بعض لين تتكركب متماسكة
مقادير العجينة :
2 كوب دقيق وحكة قشطة وشوية ملح على خشم الشيطان مش هلبة راهو
وشوية روح اللوز وقطيرة صبغة على حسب الرغبة وتعجن العجينة هلبة هلبة هلبة لين تخش الصبغة في العجينة وتتمتزج تم تحل بالعصا رقييييييييقة جداجدا زي ماتدير فيها الاخت نسرين في المنتدى نفس الجو
ونقصها دورائر دوائر ونكركب العجينة اللوز ونحطها في وسط الدورة تم تلم تلم من الجناب لين تولي زي الورذة ملمومة من فوق ومفتحة عرفتوها هاديكا الوردة الي في زينة وناحول عرفتوها ولا لا هاديكا الي زي الزنبقة مش زي الوردة العربية فهمتوني؟؟
وبعدين تدخل في الفرن وبعدين اترشي عليها قليتر
وطبعا بنفس العجيتة تقدري ازينيها وتفورميها باي شكل وحاجة تانية اللوز تقدري اتديريه لوز خزايني يغير في الطعم وكانها حلويات تانية
وملاحظة تانية العجينة راهو يابسة مش رطبة وماتنتفخش يعني علي رقها بتكون شكلها
كتبت بواسطة ماما الاء
الروابط المفضلة