السلام عليكم
كيف حالكم يا صبايا شو اخباكم
كل عام وانتم بخير ينعاد علينا وعلى جميع الامه الاسلاميه ان شاء الله بالخير والبركه
كعك العيد لا يخلو من اى بيت فلسطينى الحمد لله مع كل المصايب الى نحن بها ولاكن
نعيش حياتنا عادى وبنعمل معمول العيد بنسميه
حبيت اورجيكم كعكاتى ان شاء الله يعجبكم المنظر والطريقه
الصراحه طلعو زاكيين وبهفتو هفت يعنى بذوبو فى الثم
بسم اله الرحمن الرحيم نبدا
هاى الصوره الى رح تشوفوها 5 كيلو سميد ولا كن انا رايحه اعطيكم مقادير ال 1 كيلو
وانتو بتزيدو زى ما بدكم
المقادير
1 كيلو سميد ناعم
400 غم مارجرين
3 ملاعق كبار زيت المازولا فقط
2 ملعقه كبيره حليب ناشف
3 ملاعق كبار ينسون مطحون
2 ملعقه صغيره مستكه عربيه مطحون
1 ملعقه صغيره ممسوحه محلب مطحون لانه مر بكفى
طريقة الشغل
اولا نذوب الزبده على النار وفى هذا الاثناء نضع السميد فى جاط عميق ونضع عليه جميع البهارات التى ذكرت ونخلط جيدا
عن ذوبان الزبده نضيف لها الزيت ونضعهم على السميد ونبس السميد بالفرك بين الاصابع حتى
تاخذ جميع الزيوت جيد وتتشربه
نغطى الوعاء ونتركه 24 ساعه
للحشو
700 غم عجوه
1 ملعقه صغيره ينسون مطحون
1 ملعقه صغيره قرفه
رشة هيل مطحون خفيفه
رشة كبش قرنفل مطحون خفيفه جدا لانه مر
1 ملعقه زيت زيتون
تعجن جميع المقادير جيدا
ممكن حشوة الفستق الحلبى انا عملت شوى لانه بنتى بتحبه
فستق حلبي مطحون نضع عليه عسل سائل ونحرك جيدا
طريقة عجن السميد
نرش على السميد 2 ملعقه صغيره خميره ونفرك جيدا حتى يتداخل جيدا
نسخن ماء فاتر ونعجن السميد فرك بالاصابع نضع ماء قليلا قليلا حتى نحصل على عجينه لينه
ونحشى بها العجوه او الفستق الحلبى اوالجوز زى ما تحبو
انا ما بحط بالقالب بنقش بالملقط تنقيش مع انه بوخذ وقت بس ارتب
اذا كان عندكم كمية سميد كبيره لا تحطو عليه ماء كله انقصو فى جاط شوى شوى
واعجنو
بعد الحشى صفو على السدر وخلو يرتاح نصف ساعه وبلشو اخبزو فى فرن حم وسط مش حامى كتير
فى ناس بحبو يرشو عليه سكر ناعم بعد ما يبرد
انا شخصيا ما بحب السكر لاانا ولا حد فى العيله على شان هيك ما حطيت انتو حرين
ما تخلو يتحمر كتير اللون الاشقر احلى
وصحتين وعافيه يا رب
وشكرا لكم جميعا
والسلام
الروابط المفضلة