السلام عليكم ورحمه الله وبركاته
كيف الصبايا الحلوين
هلاء الكل مشغول في صلاه التهجد الله يتقبل منا الصيام والقيام
واكيد كمان ربات البيوت معجوئن في تجهيز العيد وترتيب البيت والكعك
الله يعيده علينا وعليكم بالخير والبركات
اليوم رح اقدم لكم ليااالي لبنان الشهيه
انا من جهتي هي وحلاوه الجبنه والمفروكه يعتبرو اطيب الحلويات والمقبلات
خصوصا اني بسويها وقت الرجيم وبحط لها مكونات دايت فبمشي الحال مضبوط معي
والاهم انها شي طيب وخفيف وبارد على القلب
المقادير
1 لتر حليب ممكن خالي الدسم
1فنجان شاي سميد ناعم ومغسول
1 فنجان شاي في ماء الورد وماء زهر
2 حبه صغيره مسكه
5 ملاعق سكر للتحليه فقط
1 علبه قيمر K.D.D ( وومكن قشطه لايت)
ملاحظه بعض الاحيان بستخدم لها كريمه الخفق وبتطلع راااااااااااااااااااائعه وناصعه البيااااض وطييبه
الطريقه بنحط الحليب وماء الزهر والورد والمسكه والسكر بنخليهم يغلو مع بعض منيح على النار شي ربع ساعه
ثم بضيف شوي شوي السميد بالتدريج مشان مايكتل معي وبخليه خمس دقائق ببلش القوام يتقل ويصير متماسك شووي بئبئ ولاحظي بعمل بئ بئ بئ بطفي النار عليه
وبشيل الطنجره من الغاز وبحط عليها علبه القيمر وبخفق بشكل سريع....
ثم يصب في صحن التقديم ويزين في الفستق الحلبي او المكسرات المفضله ...
انا هون شكلت خلطت اكتر من نوع لانه كنت موديتها لصديقتي طلبتها مني مخصوص
تبرد بالبراد شي ساعه ثم وتقديم بجابنها عسل للتحليه او قطر شيره تقيله القوام
وصحتين وعوااافي
لاتنسووني من دعواتكم
الروابط المفضلة