صباح الخير ياخواتي وياحبايبي في الله طبعا وسنه خير عليكم وعيدكم مبارك ولو بكير على العيد بس بحب اكون اول المهنين في العيد وبهديكم هل الحلويات يارت هيك تعمل قعدة نسوان وكل مين تجيب حلويات وندردش مع بعض
بدي اطعميكم اليوم تراب الملوك مفيدي كتير للاطفال وطيبي كتير للكبار مغذيه كتير يارب تعجبكم
المقادير:
بسكويت عادي زي(داجستيف) او اي بسكويت شاي بسيط بدون سكر
موز 2
2 ملعقه كوب نسكافي
علبه ونص نسلي وحدي اي علبه قشطه
ا كوب سكر
3 بياض بيض
الطريقه:
نص موزي+بياض 3 بيضات+قليل من الفانيلا وملعقه نسكافيه+السكر+القشطه+استكان ونص مي كلوا في الخلاط يخلط لمدة 5 دقائق
بتجيبي بايركس او اي كاسه تقديم وبتفرشي البسكويت فيه ونقطع الموز الباقي لدوائر فوق البسكويت وبعدين بنصب الخليط عليهم وكمان قطعي موز وحطي على الوجه للزينه وكمان فيكي تحطي مكسرات للزيني وبعدين بنحط في التلاجي وبتاكل بارد والف صحه وهنا
لاتسوني بالدعاء على فكرة انا مانقلتها من كتاب شي يوم رحت عند صاحبتي عزمتني على عيد ميلادها وكانت عاملتها وعجبتني وسالت عليها وصرا اضيفلها لمساتي انا
انا مابحب امشي على الطريقه بالزبط بحب امشي على اللي بحبوا انا يعني بغير شوي في الطريقه وصحتين
الروابط المفضلة