ممكن اعرف طريقة مكرونة باللبن مسكرة
تسلمولى

اهلين اختي قصدك شعيريه بالحليب واهلا وسهلا بك اختي

معكرونة باللبنة؟؟
شعيرية بحليب؟؟؟
الاثنين ما اعرف وعجبتني مكوناتهم
اسعفونا بالطرق يا اهل الخير

شعيرية باللبن

تحمرى الشعيرية فى الزبدة الى ان يصير لونها ذهبى ... ثم تضعى عليها ماء بالسكر لغاية ماتستوى وتتشرب الماء شوية وفى الاطباق ضعى شعرية بقليل من الماء اللى بسكر وزيدى عليها حليب واذا كانت تحتاج سكر زيدى

فى ناس تسلقها بالحليب لكن ده بياخد حليب كتير بصراحة فا انا اسلقها بالماء واضيف عليها حليب وقشطة

اتمنى تكونى فهمتينى ... وبالهنا والشفا

حبيبتى
لو قصدك على صينية المكرونة باللبن
تجيبى نصف كيلو مكرونة أقلام وتسلقيها
وبعد السلق تصفيها من الماء جيدا
وتضعى عليها اللبن المغلى حوالى نصف كيلو
وتحليها زى ما يعجبك
وتكونى محضرة ثلاث ملاعق كبيرة نشا
فى كوب لبن بارد
وتدوبيهم كويس ...ولما يغلى اللبن مع المكرونة
تضيفى عليهم النشا المذوبة فى اللبن
كانك هتعملى مهلبية
وتقلبيهم لغاية ما تحسى انها بدأت تتقل تحت أيدك
وبعد كده تضيفيهم فى صينية مدهونة زبدة
وتدخليها الفرن ..نصف ساعة وتحمرى الوش
وبعد ما تخرج تسيبيها تبرد
عشان تعرفى تقطعيها
وبالهنا والشفا

جزاكم الله خيرا
هجرب الطريقة و اصورها لكم