السلام عليكم صباياا
كيفكن يا جماعة
اليوم جايبتلكن موضوع رهيييييب
أول تجربة الي بالمطبخ
قلت لماما بدي اثبتلك انه في مني امل ..
شو يعني ما بعرف اقلي بيض بكرة بتعلم وبفتح مطعم استني عليي شوي
واول برهان انني هلأ راح اعمللك كيك ما ذقتي بحياتك متله !!
وفعلا قامت اميرة عالمطبخ وحضرت الأغراض طبعا بمساعدة اختها وسؤالها عن المستلزمات
وبدأت بالتطبيق واختها على راسها تقلها اعملي هيك وحطي هيك
والحمد لله انعمل الكيك وصبيته بالقالب
وحطيته بالفرن على درجة الحرارة المطلوبة حسب توصية اختي وخبراتها
وتركته فترة بالنار
أكمل القصة ولا أترككن مع الصورة بعدين ارجع للقصة ؟؟؟
أنا بقول أترككن مع الصورة بالأول بعدها بنكمل
خليها تنفتح منافسكن
شو رأيكن ؟؟؟؟؟؟؟؟؟؟؟
انفتحت نفسكن مو ؟؟؟
يلا نكمل القصة ....
حطيتها بالفرن وبعد قليل طلعت ريحة حرق
يا عمي ما لحقت احطها !!!
ما لحقت تستوي لحتى تنحرق
قمتلها انا وأختي نشوف شو القصة
لقيتها نافخة كتير وعم بتكبكب عالغاز والسبب مجهول !!!
فتحنا عليها وقعدنا ننقص منها وسكرنا واحنا مذهولين
المهم بعد ما طلعت طلعت بهالشكل هذا
وخدوا شماتة من ماما قعدت تقلي صدقتي كيك ما ذقت بحياتي متله ما شاء الله !!!!
وياريت وقفت على ماما
كنت بدي أصوره مشان افرجي صحباتي وحماواتي عالمنتدى انه كنتهن شطورة وعملت كيك
بس لما طلع هيك طبعا عدلت عن الفكرة
قام اخوي قعد يشمت فيي ويقلي يلا نزليها عالمنتدى فرجيهن شطارتك ليش بطلتي
قلتله صدق الا احطها وشو فيها يعني
هذه تجربتي الاولى وعادي لو فشلت ما حد بنولد متعلم
بس بدكن الصراحة حرمت ادخل عالمطبخ وعمري ما بعيدها
هذه تجربة باشراف اختي وهي فنانة حلويات وطلعت هيك
خلص ما عاد بدي اجرب ولا عاد بدي اعيدها
ماما أثبتتلي انه ما في مني أمل
بس كيف بالله شو رأيكن كيك ولا في الاحلام مو ؟؟؟
يلا مستنية التميز هههههههههه
الروابط المفضلة