كل عام وانتن بخير عالمي الصغير عالم لكي
مبارح كان عيد الفطر اعاده الله علينا وبلغنا رمضان السنوات القادمه وانتن بوافر الصحه والعافيه
قصتي مع المدارس اونلاين او الدراسه عن طريق النت للاطفال
مارح اطول عليكن مافيه قصه ولا روايه كل ما في الامر اني اسكن بمكان افضل مدرسه تبعد عني ساعه يعني بيتوجب علي النقل ..يمكن النقل لوحده حل سهل جدن لكن لما يكون عمل الزوج بمكان قريب ومرتاح النقل رح يكون فيه تعذيب لزوجي ومصروف بالبنزين وبعد اله عنا يعني مارح يقدر يروح فترات الغداء ومارح نقدر نتواصل باي وقت مع معلومi مهمه كثير انه مافيه ضمانه لراحتي مع المدرسه والسبب ابسط انه ينشرح اللي هو وجودنا بمجتمع غربي وتاثيره عالتربيه
اولادنا تقريبا متوحدين بيشكوا نقص العلاقات الاجتماعيه نقص الاصدقاء تأثير المدرسه بيكون بالغ برأيي الشخصي واهمية المجموعه اللي رح احط اولادي فيها مؤثره بحياتهم وتربيتهم كونه مافيه علاقات تعوضهم عن اصدقائهم بالمدارس خفت اطفالي يتعلقوا بدين غيرنا وعادات غيرنا لارضاء غيرنا
يمكن فيه ولايات بعدد اكثر من المسلمين او بمدنيه اقل مشاكل اقل انحلال اقل.....!!? بكره اني ادخل موضوع العنصريه بحياتنا لكن لو المكان بافارقه اقل يمكن الحياه بتكون غير بس رح اتجنب التطرق لموضوعهم على انه عنصر اساسي برفضي دخول اطفالي المدارس لانهم يشكلوا اكثر من النصف حولي ...
ندخل بالمفيد ان شاء الله وقدر وانا غرقانه بحيرتي والمدارس عالابواب وادعي الله ان يدلني عالخير كنت مو قادره انام ليتلها مابدي ابعت اولادي عالمدارس مابدي اخليهم معهم للاربعه المسا واقعد ارقع ورا تربيتهم واخلاقهم خصوصا لما اتعامل مع اطفال الجيران واعرف ان هدول رح يكونوا اصدقاء اطفالي بالبيت وبالمدرسه وادخل بعمليه حسابيه بسيطه للمده الزمنيه شوي ويغمى علي .........
كنت سامعه بالهوم سكول او الدراسه من المنزل وضفت العمليه مرهقه جدن لازم يكون عندي درجة بكالوريوس وانا ماعندي لكن قولوا مجازا اني استعملت درجة زوجي وقلنا زوجي رح يدرسهم وطلبت مساعدته طيب كيف اشرح الدروس زوجي كيف يشرحها الي عشان اشرحها الهم ايش انسب طريقه ؟
طلعت النت وبحثت لقيت الكثير الكثير بيدرسوا اطفالهم بالبيت وبتبادلوا الخبره لكن من وين ابدأ عند مين اروح الكتب من وين؟ انا رح افتح مدرسه بالبيت بدون اي خبره
وانا سهرانه وقلقانه شوي ويطلع الضو وانا ادعي ربي يفرجها من عندهلاني اخر حل رح اضعف وخلص رح ابعتهن واستنى المشاكل تدقلي عالباب ........
شفت دعايه بالتلفزيون لمدارس الانترنت (مدرسه اونلاين) اول شي حسيته سلك كان فاصصل براسي ورجعتله الكهربا وعقلي اللي كان مهجور من علامات المدنيه صار عنده كهربا ومي واشتغل وقمت اعمل بحث ثاني ايش يعني اولاين سكول
لقيت التالي
الهوم سكول هي دراسه تعتمد عالاهل بكل شي الخطه بيبحث عنها الابوين اللي قرروا يكونوا المدرسين والمدير والمدرسه بيحتاجوا رسوم وخطه دراسيه وكتب وكل مايحتاجه المعلم بالفصل الدراسي
بينما الاونلاين سكول هي مدرسه بدون مبنى المبنى داخل منزلك باقي العناصر موجوده انت تساعد المعلم لديك من يساعدك ولديك قوانين تخبر بها الطالب وناس تراقبه وامتحنات فصليه وسنويه واختبارات يوميه وهوم وورك والاهم اصدقاء انت تختار من بينهم من يعجبك
اسبشرت خير لما فهمت انه شيء مثل هالمدرسه موجوده على ارض الواقع (اكزست)
اخذت الرقم وثاني يوم اتصلت طلبوا مني اني ابعث الاطفال عالمدرسه الببلك لبين ما تجهز الاوراق طبيعي لان العمليه بتاخذ وقت بس اعترضت وماكان فيه اي مانع قالوا منعوضهم لان انا لو بدي ابعث اطفالي ما اتصلت ولا تواصلت مع هيك نوع من المدارس
هاد النوع من المدارس حكومي يتبع نفس نظام المدارس الحكوميه مع درجه افضل من الاهتمام كون المعلم يتعامل مع الطلاب بشكل فردي ويتلقى مساعدة الاهل وكونهم لا يبذلون المال بالمبنى فبيذلونه بامور اخرى
فهون انا مش مطلوب مني ان ادفع اي مبلغ فبدات معهم على الفور طبعا ما طلبوا مني اي شهادات ولا اي خبره فقط القدره على التحدث بلغتهم قدرتي انا كأم ويمكن استبدالي لزوجي لو ماكنت عارفه يعني الموضوع سهل ومافيه طلبات من ناحيتهم
قاموا بعمل حساب لي معهم عبر الانترنت ولاطفالي كل واحد على حدى على الفور ليتم التعامل عن طريق الانترنت لان هذا عصب المدرسه الاساسي
وبدات بتعبئة النماذج اولاين وارسال الاوراق المطلوبه فاكس واونلاين سكان واللي ماعرفت ابعثه بعثته بالميل العادي وتم لاموافقه عالاطفال بعد اسبوع طبعا التاخير يعتمد على جاهزية الابوين من حيث الاوراق والتقرير الصحي المطاعيم واوراق ثانيه بتطلبها كل المدراس
وتم ارسال طلبات المدرسه خلال الاسبوعين التواللي استلمت طرد بريدي يحتوي كتب المدرسه جميعها مع كراريس الهوم وورك وكل ما تقدمه اي مدرسه للطفل داخل غرفى الصف من اقلام والوان مائيه كريون معحون كلاي سيديات للرياضه وسيديات للتعليم النظري افلام وثائقيه تابعه للدروس ومنظمه حسب اسم الدرس بالاضافه الى كتب اخرى خاصه بي فيها الخظه الدراسيه وشرح الدروس كامله كل درس بدرسه كمة ستشرحها المدرسه
بدا التواصل مع المعلمات الخاصه ببناتي كل بنت الها معلمه واعطوني بعض الدروس تشرحلي كيفية العمل معهم ووظيفتي كما يسمونها كوتشنق او اداره للعمليه بالمساعده مع المعلمه
انا دوري اجلس مع اطفالي كونهم بعمر صغير مابيعرفوا لحالهم يقرؤوا الدرس او يفتحوا اللنك المطلوب او بدخلوا غرفة الصف اولاين
كمان فيه للاطفال مجموعه من التعليمات تشرحها المعلمه عن طريق فيديو وعن طريق تواجدها بمجموعه اولاين بوقت محدد شيء بيشبه الشاتنق وبتعرض للاطفال الدرس عالشاشه وبتتحكم فيها من عندها وانا دوري طفلي يكون متواجد بالدرس اثناء عرضه المراحله الثانيه الاعادادي والثانوي التواصل بيكون شخصي بين الطالب والمعلم طبعا المعلم متواجد باي لحظه لاي صعوبه او اي سؤال من قبل الام او الطالب
الان الموضوع طويل وانا حابه اشرحه بالتفصيل على مراحل حتى اوفيه حقه من الشرح
وهذه الصور نماذج للدروس لمرحلة الصف الاول الابتدائي والكندر
نموذج برنامج الحصص اليومي المعد من قبل المعلمه وكلدرس بيتم اخذ يتم تعليمه باشاره حتى تشوفه الملعمه انه تم عرضه عالطالب من قبلي
الروابط المفضلة