السلام عليكم ورحمة الله وبركاته
نازلة الصبح فى امان الله اجيب شوية حاجات من السوبر ماركت الموجود فى شوبنج سنتر صغير الحجم الى حد ما وفى فى نفس المبنى اللى باسكن فيه
اخدت الليفت ( المصعد) الخاص بالشوبنج سنتر للنزول لمكان السوبر ماركت لقيت فيه بوسترين مدورين لونهم احمر ملفت جدا للنظر ومكتوب عليهم
Be Ware!
Buying Halal food funds TERRORISM
انا الحقيقة ركبنى 100 عفريت وعفريت .. كمان بيحاربونا فى اكلنا ؟!! حمدت ربنا انى ما شفتش ال .... اللى عمل كده كان زمانى فى البوليس دلوقتى
قطعت واحدة والليفت وقف اشتريت الحاجات وانا طالعة ركبت الليفت نفسه بس لقيت البوستر التانى كمان متقطع!!
حمدت ربنا اننا موجودين كتير - اقصد المسلمين-
انا اسكن فى استراليا- سيدنى
ونسبة المسلمين تقريبا 27% لان اغلب الشعب واكتر من نصفه لا دينى وبكده فا الاسلام هو الديانة الثانية فى استراليا من حيث العدد
ماتوقعتش دا يحصل فى بلد المفروض انها بتحارب التطرف والانحياز وكل ال.. بلابلابلا
واكتر من كده اما قلت لجوزى قالى انتى اتصرفتى غلط وما وضحش المفروض كنت اتصرف ازاى !!!
طيب بالله عليكم لو كنتو مكانى كنتو هتتصرفو ازاى ؟؟؟؟

!!!!!!!!!! 44 قراءة ولا رد واحد ؟!!!!!!!!!!!!!!

لو كان البوستر ملصق في مبنى تابع للسوبرماركت كنت طلبت مدير السوبرماركت ليقوم بواجبه والاتصال بالشرطه ويحضر صور العنصري في الكاميرا الخارجيه التابعه له لانه الملصق دا ضد القانون وانا كمان اتصل بالبوليس قسم Hate Crime واعطيهم عنوان السوبرماركت .

بصراحة لو انا كنت خفت ويمكن ما كنت دخلت للسوبر ماركت
ورجعت عالبيت
بصراحة اخاف في مثل هالمواقف
لان ما تدري اللي حطها ايش هو يمكن يعمل اي شي يخوف لا سمح الله
مدري متابعة معك اشوف راي باقي البنات

عجبنى راي الاخت انسانة نادرة وفعلا هو ده المفروض الواحد يعمله

بس للاسف ما عنديش الشجاعة انى اعمل كده

انا ممكن اطبع ورقة ابين فيها ان الارهاب لا علاقة له بالاسلام مطلقا او المسلمين

وممكن استدل باحاديث للرسول صلى الله عليه وسلم ومعلومات بسيطة ان الاسلام دين الرحمة وينبذ العنف والارهاب

واعرف فيها يعنى ايه الارهاب ومن الذى يقوم بالارهاب حاليا

واعلقها بجوار البوستر الاول

وبكده ضربت عصفورين بحجر انكرت الكلام المكتوب فى البوستر وكمان دعوت الى الاسلام

اما الصراحة انى اقطع الورقة واكتفى بذلك ما تزعليش منى احسه موقف ضعف

طالما انا شايفة ان الكلام ده غلط وفيه افتراء على الاسلام والمسلمين ادافع عن موقفى وابين الصح

اناعايشة فى كندا بس الحمدلله فى مدينة هادية جدا بعيدة كل البعد عن التطرف والعنصرية

وفى جالية مسلمة كبيرة فى المدينة لدرجة مرة شوفت فى احدى الجرائد صورة لامرأة منتقبة

وتحتها مقال بيوضح اننا_الكنديين يعنى _لازم يتاقلموا مع كل الجنسيات مع اختلاف اديانهم وعقائدهم ويحاولوا يستفيدوا من

ثقافتهم واننا ما نخافش منهم وكلام من هذا القبيل

ربنا يعيينا على توصيل صورة جيدة للاسلام والمسلمين فى بلاد الغرب

ما تزعلي حالك ولا شي
بيكون شي حد عنصري وضعها
انا اعتقد انو افضل حل كان تبليغ الشرطة والمسؤول عن السوبر ماركت
وينتهي الموضوع

هم اصلا كلما وصل ١١ من سبتمبر يزيد جنونهم قليلا

،،،،،

ام أروى انت وين ساكنة بكندا؟
يمكن أجي اسكن بجوارك

بصراحه انا لو فى نفس الموقف
لا اهتم بذلك لان هذا نوع من أنواع الاستفزاز
وكل بلد فيها عنصريه
لو حد كلمنى وجها لوجه سوف ارد عليه وأوضح له ان الإسلام ليس إرهاب على الإطلاق
وفى الحقيقة نحن السبب الحقيقى فى ذلك اذا كنا فى بلادنا هذا هو المفهوم الحالى فمطلوب ايه من بلاد لا ترى سوى التلفاز وفضائح المسلمين وتشويه لصورتنا بين بعضنا لا تلومن إلا انفسنا

مبدايا انا مبسوطة جدا ن فى حد رد عليا ... ربنا يبارك فيكم جميعا

كتبت بواسطة زهر الريحان

ما تزعلي حالك ولا شي
بيكون شي حد عنصري وضعها
انا اعتقد انو افضل حل كان تبليغ الشرطة والمسؤول عن السوبر ماركت
وينتهي الموضوع

هم اصلا كلما وصل ١١ من سبتمبر يزيد جنونهم قليلا

،،،،،

ام أروى انت وين ساكنة بكندا؟
يمكن أجي اسكن بجوارك

انتى تنورينا يا جميل

انا فى مقاطعة اونتاريو بالتحديد مدينة واترلوو

كتبت بواسطة MUM

بصراحة لو انا كنت خفت ويمكن ما كنت دخلت للسوبر ماركت
ورجعت عالبيت
بصراحة اخاف في مثل هالمواقف
لان ما تدري اللي حطها ايش هو يمكن يعمل اي شي يخوف لا سمح الله
مدري متابعة معك اشوف راي باقي البنات

دا برضو رأى زوجى .. بس انا شايفة انه حاجة سلبية .. يعنى احنا اصلا - المسلمين- مش شوية صغيرين .. ليه دايما ضعاف وخايفين ؟؟!! مش فاهمة
ليه دايما نقول بلاش مشاكل ومش عايزين نعمل مشاكل ؟؟ المشاكل هى اللى بتجرى ورانا اهى !!
رايك على عينى وراسى بس انا اكيد مكنتش هاعمل كده .. انا مش عاقلة اوى للدرجة دى ههههههههههههههه

كتبت بواسطة ام اروى 86

عجبنى راي الاخت انسانة نادرة وفعلا هو ده المفروض الواحد يعمله

بس للاسف ما عنديش الشجاعة انى اعمل كده

انا ممكن اطبع ورقة ابين فيها ان الارهاب لا علاقة له بالاسلام مطلقا او المسلمين

وممكن استدل باحاديث للرسول صلى الله عليه وسلم ومعلومات بسيطة ان الاسلام دين الرحمة وينبذ العنف والارهاب

واعرف فيها يعنى ايه الارهاب ومن الذى يقوم بالارهاب حاليا

واعلقها بجوار البوستر الاول

وبكده ضربت عصفورين بحجر انكرت الكلام المكتوب فى البوستر وكمان دعوت الى الاسلام

اما الصراحة انى اقطع الورقة واكتفى بذلك ما تزعليش منى احسه موقف ضعف

طالما انا شايفة ان الكلام ده غلط وفيه افتراء على الاسلام والمسلمين ادافع عن موقفى وابين الصح

اناعايشة فى كندا بس الحمدلله فى مدينة هادية جدا بعيدة كل البعد عن التطرف والعنصرية

وفى جالية مسلمة كبيرة فى المدينة لدرجة مرة شوفت فى احدى الجرائد صورة لامرأة منتقبة

وتحتها مقال بيوضح اننا_الكنديين يعنى _لازم يتاقلموا مع كل الجنسيات مع اختلاف اديانهم وعقائدهم ويحاولوا يستفيدوا من

ثقافتهم واننا ما نخافش منهم وكلام من هذا القبيل

ربنا يعيينا على توصيل صورة جيدة للاسلام والمسلمين فى بلاد الغرب

المشكلة انه اصلا تعليق البوسترات شكل ده وبدون اذن البيلدينج مانجمنت امر مرفوض وغير قانونى .. مش عارفة دا حصل ازاى وامتى !!!
وبعدين انا اتنرفزت جدا وقتها لانه فى هنا شركات غير مسلمة ولا حاجة بس خطوط انتاجها بالكامل اكل حلال .. اما كنت اقرا مواضيع للاخوات اللى عايشين بامريكا واوروبا وبيوصفو ويحددو ازاى تعرفى الاكل الحلال فى الجبنة والزبادى وغيرها كنت اقول الحمد لله انا بانزل السوبر ماركت اشترى العلبة اللى مكتوب عليها حلال ومتوفرة وبكثرة والحمد لله .. لكن اما حد حقير او منظمة جبانة يحاربنا بالشكل ده .. يعنى حتى فى الاكل !!! مقدرتش افكر وقتها .. افرضو فعلا مابقاش فى اكل حلال زى كده ؟؟ المشكلة مش بس فى الاكل لاننا مش هنموت من غير زبادى ههههههههه المشكلة فى الاعتراف بينا كفئة كبيرة ومهمة فى المجتمع .. يعنى الشركات دى بانتاجها طعام حلال دا يعتبر اعتراف بالمسلمين فى المجتمع وبانهم نسبة لا يستهان بيها ولازم نوفر لهم اللى يحتاجونه
دماغى ضلمت فجأة ومقدرتش افكر بشكل ايجابى للاسف!

كتبت بواسطة زهر الريحان

ما تزعلي حالك ولا شي
بيكون شي حد عنصري وضعها
انا اعتقد انو افضل حل كان تبليغ الشرطة والمسؤول عن السوبر ماركت
وينتهي الموضوع

هم اصلا كلما وصل ١١ من سبتمبر يزيد جنونهم قليلا

،،،،،

ام أروى انت وين ساكنة بكندا؟
يمكن أجي اسكن بجوارك

انا باشوف هنا ناس كتير مسلمين وستات كتير محجبات , حتى فى غير اماكن تجمع المسلمين زى المكان اللى باسكن فيه .. والحمد لله مفيش حد بيضايقنا اللهم غير مرة واحدة بس حد كان عنده مشكلة مع الحجاب وقعد يهذى بكلام غير مفهوم .. والله اعلم كان شارب ممكن او مش طبيعى واما سيبت المكان ماجاش ورايا ولا حاجة .. يعنى مافتكرش دا القاعدة ابدا .. فا عشان كدة استغربت الموقف
حديثة عهد بالاضطهاد الدينى ههههههههههه

كتبت بواسطة shrwet

بصراحه انا لو فى نفس الموقف
لا اهتم بذلك لان هذا نوع من أنواع الاستفزاز
وكل بلد فيها عنصريه
لو حد كلمنى وجها لوجه سوف ارد عليه وأوضح له ان الإسلام ليس إرهاب على الإطلاق
وفى الحقيقة نحن السبب الحقيقى فى ذلك اذا كنا فى بلادنا هذا هو المفهوم الحالى فمطلوب ايه من بلاد لا ترى سوى التلفاز وفضائح المسلمين وتشويه لصورتنا بين بعضنا لا تلومن إلا انفسنا

مع احترامى لرايك انا وقتها مقدرتش افكر بهدوء وعقلانية واعتقد ناس كتير هتبقى زيى بدليل ان فى حد تانى قطع البوستر التانى اللى كنت ناوية اقطعه وانا راجعه ..
بعدين هما مايعرفوش بنعمل ايه فى بلادنا بس يعرفو بنعمل ايه فى بلادهم .. وهنا ولله الحمد ومن خلال معرفتى بناس كتير محافظين على صلاتنا وعلى حجابنا ولينا مدارس اسلامية فى الويك اند للاولاد وبنروح دروس فى المساجد بمنتهى الحرية .. واقول على حاجة .. انا قعدت سنين بدون تلفزيون اشتريته لسه من كام شهر بس علشان الولد بدا يكبر ومحتاج يتابع برامج للاطفال لان خروجه قليل ومعندوش اخوات اهو منه للترفيه ومنه يحسن لغته الانجليزية .. حتى انا وابوه اما نحب نتفرج شوية نشغل فيديوهات من اليوتيوب ومش افلام ولا مسلسلات !!!
مش عارفة بس انا مختلفة معاكى .. باحس المسلمين هنا ( فيما عدا بعض الايرانيين الذين يتركون دينهم بكل سهولة) نموذج كويس جدا للاسلام.

كتبت بواسطة انسانه نادره

لو كان البوستر ملصق في مبنى تابع للسوبرماركت كنت طلبت مدير السوبرماركت ليقوم بواجبه والاتصال بالشرطه ويحضر صور العنصري في الكاميرا الخارجيه التابعه له لانه الملصق دا ضد القانون وانا كمان اتصل بالبوليس قسم Hate Crime واعطيهم عنوان السوبرماركت .

انا حبيت اخليكى اخر رد لانك بجد عجبتينى .. عجبنى ردك ولو انى مقدرش اعمله بس هو ده الصح
اولا انا اتعصبت زيادة وكان يلزمنى وقت كتير عشان افكر زيك كده
ثانيا احنا لحد اليوم فيزا مؤقتة وزوجى بيخاف جدا من المشاكل من اى نوع لاننا لو لا قدر الله اترحلنا مانقدرش نرجع مصر يبقى نروح فين!!
حسبنا الله ونعم الوكيل


فى الاخر مشكورات جميعا لمروركن واهتمامكن .. الله يبارك بكن