كتبت بواسطة
صاحبة الـ@ـسك
أهلا بالحبايب كلهم
حبيت اقول لكم على حاجة ( شغلة يعنى على رأيكم هههه ) الست دى قالت حاجة وشفتها بمواقع كتير وناس كتير بتتكلم عنها حتى اللى شعرهم أصفر وناعم ومفرود
إن الشامبوهات بتنشف وتبوظ الشعر وإن أغلبهم بيقول لك إغسلى شعرك بالبلسم وإشطفيه وناس كانت بتقول من آن لآخر إغسلى شعرك بالبيكينج صودا!!! طبعا أنا مش بأحش إن شعرى نضف إلا بالشامبو علشان كده بقيت أستعمل طريقة الست دى بتقول لك فى بداية الشاور أقفى تحت المية وشعرك منسدل مدة دقيقة أو إتنين علشان المية تآخد الأوساخ وتنزل وبعدين إغسلى فروة الرأس فقط يالشامبو مع الدعك الخفيف بدون إستخدام الأظافر أبدا أبدا
وإشطفى الشامبو وهو هينزل على باقى الشعر ويآخد الأوساخ اللى فى الشعر لو لسه فيه وبعدين إعملى شعرك كله بالبلسم مع فروة الرأس وسيبى البلسم شوية وبعدين إشطفيه من الشعر
فيه ناس بتقول ما تعملوش شعركم بالشامبو أكتر من مرتين بالشهر يعنى مرة كل أسبوعين الست دى بتقول مرة كل أسبوع على ما أعتقد ولو إحتجتى تغسلى شعرك إغسليه بالبلسم فى نص المدة
حاجة كمان مهمة وهى تسريح الشعر بيقولوا خللوا بالكم وما تشدوش الشعر جامد فى محاولة إن المشط أو الفرشاة تتحرك من أول الشعر لآخره خدى الشعر واحدة واحدة وسلكى الأطراف الاول وإطلعى لفوق بعدها
الروابط المفضلة