اميييييييييييييييييييين ألحبيبة
ربي ايخليك

سمياتهوم لينا و ليليا

ههههههه
زعما شرحتيها
واش زدتي عقدتيها خخخخخخخ
قولي غير اشمن دولة باش نفهم

ههههههههه و زعماك انا مطوراااااا جالسة كنشراااااح ههههههههههههههه
سحابلي انا كتبتلك المدينة و معرفتيش البلاصة لي انا فيهاههههههه
رجعو من الاول هههههه
انا عايشة في اسبانيا في منطقة كتالونيا الي كتسمعي بيها في مدينة girona
تحديدا في banyoles كتبعد على خيرونا ب 10 ديال الكيلومتر
و بينا و بين فرنسا40 كيلو مترتفريبا و هادا ماكان
و تبارك الله على العازبات اسميهم مزيونة ربي يحفظهم و يحميهم 

ههههههههههههههههه
اسبانيا
دابا فهمت فين

مزيان هي راكي جارة فاروبا
اسبانيا زوينة
كنت فيها مرة

ربي ايخليك ألحبيبة
ويخلي ليك حتى انت الكتكوتة ديال يارا
وتخاويها ان شاء الله

امين الحبيبة
و التجمع باين ما فيه غير انت و انا هههههههههه
كيف عاملة اليومة و كيعاملين البنوتات الله يحفظهم
و منين نتي من المغرب
و مشيتي هاد الصيف او والو

ههههههههههههههه
حتى انا داكشي لي بان ليا
حقا غير انا و ياك لي مغتربات خخخخ

الحمد لله
حنا لاباس غير مع بدا البرد فتلاقينا كل شي مزكوم


انا ألالا من اكادير
وممشيتش هاد صيف حينت شرفات لالا ليليا الله ايحفظها
بالحق جات عندي الوالدة و الخوادريا
وانت؟؟؟

اكيييييييييييييييييييييد مافي مغربيات مغتربات بالمنتدى
!!!!!!!!!!
??????

ثريا كيف عاملة اليوم و كي عاملين العازبات ربي يحفظهم
و حتى انا منزلتشي المغرب حيت جات ماما و بابا و اختي الي باقى عايشة تما
و ملي مشاو خلو الدنيا علينا خاوية الله يجمعنا بيهم قريب يارب
و انت الحمدلله الي جاو مولين الدار على الاقل قدرتي ترتاحي من بعد الولادة
ربي يخليهم ليك و يجمعك معاهم دائماً يارب
و متشرفين بناس اكادير مشيت لها مرة وحدة و كنت باقى صغيرة شي 15 عام كان عندي

الحمد لله
ربي ايخليك ألحبيبة
غير مع البرد,,, خرجت هاد صباح ديت لينا للمدرسة
وادنيا برا كاي صافي

فعلا ملي تيجيو عندك الوالدين و تتشوفيهوم راه بحال نيت الى هبطي للمغرب
انا و الله متيديني للمغرب غير والواليدين حينت مكرهتش نمشي ندوز العطلة فشي بلاصا خرا بحال تركيا ولا شي دولة اخرى
الله ايخليهوم ليا
والله امتاتحسي بمك حتى تتولدي...

مقلتيش ليا من اي مدينة انت بالمغرب؟؟؟

السلام عليكم.
ها واحد لمغربية مجلية فألمانيا..ههه
تورية كدايرة نتي وبنياتك, شكرا على هاد التجمع الجديد.
أم يارا كيف دايرة ألحبيبة وكدايرة عروسة ولدي ..ههه.

مساء النور المغربيات الأصيلات
ها واحد لموضرة فلندن
توريا شكرا حبيبة على التجمع الجديد نتمنى ليه يلقى تجاوب
كيدايرة كيداييرين لعزيبات كيدايرين مع شي برد
أم يارا كيدايرة حبيبية كيدايرة لفركيسة عندكم شي برد
أم أدم في حاركة عطاوك الفيزة ولى حركة ههههههه
تورية وضيافة هي داك بغريرات كيبردو القلب الله يعطيك الصحة
أم أيمن كيدايرة حبيبة كيدايرين الكتاكيت أيمن وأنور كيدايرة مع شي برد حنى كرمنا بالبرد هادي غير اللول مزال مبدا المعقول ههههههه