السلام عليكم ورحمة الله وبركاته
مرحبا لكل الفلسطينين في الموقع اتمنى من اي فلسطيني يقرا رسالتي ان يقوم بمراسلتي لاني ابحث عن ابناء وطني واحب ان اتعرف عليهم

السلام عليكم ورحمة الله وبركاته
كيف حالك لولوة فلسطين
اود ان اسالك سوال؟
انتي من اي مدينة فلسطينية
مع تحيات فلسطيني يحب ابناء وطنه

الله يرجعكم لبلادكم بالسلامه


الغربه مره كتير


لكن انتي بينا يارب نلطف عليكي غربتك




هلا بيكي وموضوعك حلو كتير نتعرف معكم علي كندا

يا رب يا لونلي تنور فلسطين برجعتك الها بالسلامه ويلتم الشمل مع الاهل والاصدقاء
وكل مغترب يرجع لبلاده بالسلامه

شكرا لونلي على هالموضوع
مفيد وجميل

لونلي كيف بيمشو السيارات هناك عالتلج
بعمان لما تتلج الدنيا بصير حظر تجول وبصير عطل بالبلد كيف انتو عندكم تلج على طول ومدبرين حالكم خاصة سواقة السيارات ؟

أشكرك أختيlonle على الموضوع الحلو
أنا عايشة بهاليفكس نوفاسكوشيا من سنتين و نص
هاليفاكي مدينة صغيرة بس كتير حلوة و الناس فيها كتير طيبين.... بس للأسف مافيها عرب كتير
و نحن جينا على كندا مشان دراسة زوجي ..و أول ما يخلص ان شا الله راجعين على بلادنا
أهم الشي أنو نحن منرجع في الاجازات على الرياض .. يعني غربتنا مو صعبة كتير و لله الحمد
الله يخفف عليكي و علينا و على كل البنات و يرجعنا لبلادنا سالمين غانمين ان شاء الله

هلا فيكى يا ديما شرفتى و أنستى
و أتمنى هدا يكون اول خطوه للتعارف

نور و أم صائب نورتو

ام صائب الحياه هنا عادي مع الثلوج لانه كله معمول حسابه و هو الثلج بينزل بتلاقى سيارات خاصه بتشيل الثلج و فى مواد ملحيه خاصه ترش فى الشوارع لتمنع تجمد الثلج فى الشوارع
ارجوا ان تكون وضحه الصوره

كتبت بواسطة lonle

يسلموا على الرد الحلو يا أحلى ماما
والله يخليلك أولادك و أحفادك يا رب و إحنا كلنا كرمان عيون ولادنا بنضحى
بتعرفى أنا رحت غزه زياره من فتره و كان ممكن أقيم إذا بدنا لكن كان قدامنا خيارين غزه روح قلبى و أهلى( لا يوجد عمل أو رواتب حاله سياسيه صعبه الأولاد يفتقدوا أبسط حقوقهم فى حياه أمنه هادئه و عده إعتبارات أخرى) أو كندا بكل ما توفره من حقوق و خدمات
أنا أعلم إنى محظوظه بحريه الإختيار فهناك غيرى الملايين يعانى
لو كان الموضوع خاص فى أريد البقاء بجانب أهلى لأنى كل ما أسمع الأخبار قلبى يتقطع 100 مره
الله يحمى الأمه الإسلاميه فى كل مكان و ينصرها



لا تحرمينا من نصائحك الغاليه فأنت أمى التى أفتقدها (رحمها الله)


مع شكرى و تقديرى

وعليكم السلام ورحمة الله وبركاته

حبيبة البي
باذن الله معذتك متل بناتي ,,ورحمة الله على ومن خلف مامات
وهي الدنيا وباي وقت اعتبريني بالخدمة بس انتي شاوري
والله يقدرني زور مونريال مجددا وبزورك من عيونى ,,وانتي ان وصلتوا تورنتوا
اعتبري الك اهل فيها وبتخبريني لابعتلك العنوان ورقم التلفون
تاخرت عليك كنت مضيعةالموضوع عملت بحث عنه الان متشوقة
اسمع اخباركن,, اهلي بكندا
وعلىفكرة احسنت باتخاذ القرار ..بهالظروف افضل لولادك يتربوا
بكندا من اجل علمهم واستقرار اكتر والله كريم الله يهدي بالكم بغزة
وبكل فلسطين والله الاخبار بتبكي عنكم وعنا بلبنان
بدنا الله يحن قلب حكامنا وتفرج ويتحدوا ضد العدو ,,,

سلام ياحلوة

lonle انت بنت حلال مصفي و موضوعك اجا عالجرح
اكيد ما بتعرفيني انا عضوة جديدة
بس كنت محتاجة هيك موضوع بشدة
ارجوك اذا عندك فكرة دليني جوزي بدو اياني اسبقه و اهاجر لكندا انا و اطفالي -اخي هناك-
بس انا كتير خايفه من هالفكرة يعني رغم اني مستعدة اعيش في اي بلد عربي لحالي بس كندا
حاسه ان كتير صعب و كمان عندي بنت عمرها 8 سنوات و حاسة ان هتكون صدمة ثقافية كبيرة معقول اواجهها لحالي
مستنية ردك