السلام عليكم ورحمة الله وبركاته
انا اول مرة ادخل الركن هون واول مرة اتكلم عن مشكلة ابني
بالصعوبات التعليميه ومرض التوحد
حابه احكي تجربتي علشان اللي ابنها بعاني من نفس مشكة
ابني ما تفقد الامل واضل تحاول وتثابر لحتى ابنها يشفى رح ابدى من البدايه
انا ولدت طبيعي وكل شهر كنت اخدو اعطيه الجرعات المطلوبه منو وكلشي كان عندو طبيعي لحد ما صار عمرو 4 اشهر
وبيوم بدون سابق انذار ولما كنت عم احضرو للحمام متل كل يوم كنت عم بتفحص ابني كالعادة انتبهت على ايدو انو فيها ورم
انا وقتها ما اخدت فيها كتير واخدتو على دكتور الاطفال
ولما فحصو حكالي انو ممكن يكون واقع عليه شي وانا مش منتبهه
حكيتلو ما في شي من هادا صار وقتها قرر انو يراقب الولد ويشوف اذا الورم بكبر ولا بروح لحالو
فكان الورم يضل يكبر لحد ما صار كبير كتير
وقتها وعملة كل الفحصوات اللازمه وقتها وقرر الدكتور انو لازمو عمليه لاستصال ورم ومعرفة شو نوع الورم
وبالفعل خضع لاول عمليه وهو عمرو 11 شهر
وطلع الورم اللي عندو عبارة عن كتل دم وتمت العمليه الحمد لله بنجاح
ورجعت فيه على البيت ورجع الولد طبيعي ما في اي مشكله وكان يلعب وهادي جدا ان قعد مكانو ما يتحرك الا اذا حد طلب منو وكبر وصار عمرو 4 سنوات
وقتها كان المفروض ادخلو روضه بس وضعنا المادي ما كان يسمح لانو كنا ببيت اجار وعندي 4غيرو بالمدارس
والسن القانوني لدخول المدارس عنا هو 5 سنوات فقلت استني عليه للسنه الجاي
المهم لما صار بسن 5 سنوات سجلتو بالروضه عادي وقتها رجع ظهر الورم من تاني على ايدو ولانو مارر علي الشي كنت عارفه شو نوع الورم وقررت ارجع لنفس الدكتور اللي عملةو العمليه الاولى واتابع معو واشوف
و رح يحكي وبعد مراجعة الدكتور طبعا قرر انو بدو كمان عمليه لحتى يشيلو الورم لتاني مرة وكان ميعاد العمليه التانيه بنفس وقت فتوح المدارس
ودخلت ابني المستشفى وعمل العمليه للمرة التانيه وخبرت المدرسه والادارة عن وضع ابني وانو ما رح يقدر يداوم بالمدرسه اول شهر
لانو كانت العمليه التانيه الو وكنا خايفين عليه انو اي حد من اولاد المدرسه اذا وهو يلعب حد يطب فيه يفتح مكان العمليه وكان لا بد انو العمليه تاخد وقتها لحتى يلتم الجرح
المهم وقتها غاب شهر وكنت منسقه مع المدرسه انو يبعتلي كل فترة اللي بيتعلمو اولاد صفو يبعتلي اياه على البيت لحتى اقدر اعلم ابني اللي بروح عليه
وما اخليه يتاخر بالدراسه عن اولاد صفو وبالذات انو هاي اول سنه الو بالمدرسه

وهون بلشت قصه جديدة معي وكانت السبب بالمشكله اللي صارت مع ابني
المدرسه ما تعاونت معي متل ما لازم وما بعتتلي ولا مرة الدروس اللي كانو ياخدوها اولاد صفول هلا بعد شهر من فتوح المدرسه
رجع ابني على المدرسه عادي ولانو كان هادي جدا وكان يخاف من قصة الطبيب كان يقعد وما يتحرك من مكانه
ويخاف من اي شي والمعلمه وقتها كانت ماشيه مع الاولاد شي مش قليل
وما اهتمت بابني كملت مع الاولاد عادي باقي الدروس وصارت تعامل ابني كانو ماشي زيو زي باقي اولاد صفو
وان ما كتب وظيفتو تبهدلتو وتعزو وقتها انا رحتلها وحكتلها انها بتعرف وضع ابني لازم شوي شوي عليع
وتعاملو معامله غير لكن لا حياة لمن تنادي صارت تهمل في الولد ان لقتو قاعد ما بيلعب مع الاولاد تتركو قاعد وما تسال فيه ان عملو حفلة عيد ميلاد بالصف وتوع الكيك والهدايا على الاولاد ما تعطي ابني ولا تسال فيه بس لانو كان يضل قاعد وما يتحرك من مكانو الا اذا طلبت منو ان وزعت اوراق عمل للطلاب ما تعطي ابني ورقة عمل وتحكيلي ابنك مش عم بفاعل معانا وابنك ما بحل وظائفو وابني كان يجي يحكيلي شو بسيرمعو وانا رحت كذا مرة وحكيت مع الادارة بس بردة الادارة كزبتني وما اهتمت للموضوع وحكتلي انو مو معقول معلمة الروضه تعمل هيك المهم وقتها معلمتو بعتو ملفو لمركز ماتيا قال الولد عندو مشاكل وما بتفاعل مع الاولاد وعملولو لجنة واتصلو في لحتى اكون موجودة باللجنه وفعلا رحت واحضرت اللجنه وكان فيها دكتور نفسي وقتها يقيم حالتو ومعلمتو وقتها كانت معبيه تقرير واعطتني اياة وقتها اللجنه قررت انو هو لازم يعيد صفو بناء على قرار المعلمه تخيلو يعيد صف روضه وقتها سالوني شو راي حكتلهم لا طبعا مش موافقه انو يعيد صف الروضه وازا كان لازم يعيد صف يعيد اول مش روضه وانا ما بدي اخليه بنفس المدرسه وقتها كمان رحت لدكتور الاطفال بمركزنا الي بعالج ابني وحكيتلو وضع ابني قرر وقتها انو يبعتني على طبيب نفسي ومركز متخصص للاطفال وبتابع هيك حالات وقتها معلمتو كانت مقترحه علي انو اسجلو بمدرسه لذوي الاحتايجات الخاصه لانو مش رح ينفع يكمل مع طلاب عاديين المهم رحت كملت مع دكتور الاطفال وعرضت ابني على لجنه تانيه وكان فيها دكاترة كبار بفحصو وبعملو فحصوات نفسيه وعصبيه وسمع لحتى يقررو ويعرفو الولد من شو بعاني وانا اخدت التقرير اللي كانت معلمتو معطتني اياه وفرجيتو للدكاترة باللجنه التانيه وحكتلهم شو قررت معلمة الروضه تبعتو واللجنه اللي عملتها المدرسه لما قراة التقرير اللي معي بعد فحوصات لحتى يقارنو بين نتائجهم ونتئج اللجنه الاولى اتفاجئو بللي قراو حكولي معلمى الروضه تبعتو عامله ابنك عندو مرض التوحد وابنك ابدا ما بعاني من هادا المرض ابنك عندو مستى الذكى طبيعي ميه الميه وابنك طبيعي ما في اي شي كل اللي بعاني منو ابنك مشاكل وصعوبات تعليميه بسبب العمليه تبعتو وغيابو فترة عن المدرسه وبسبب معلمتو وقررو يعطو علاج وظيفي وعلاج نطق وانا تابعت معهم وعملت كل المطلوب مني وحكولي لازم ترفعي قضية على معلمتو الاولى لحتى ما طفل تاني ينعاد معو نفس القصه بس انا ما قبلت قلت قطع الاناق ولا قطع الارزاق واكتفيت باني نقلت ابني من المدرسه لفرع تاني الها وكنت متابعه بجلسات العلاج الوظيفي مع ابني وكان بتحسن مستمر بس كان يغيب كتير عن المدرسه بسبب الجلسات وانا بتابع مع ابني ولجنه ورا لجنه كان في اقتراح من اللجنه انو ابني لازمو معلمه خاصه الو بصفو غير عن معلمة الصف واعطوني تقرير وحكولي اطلبي من ادارة المدرسه توفرلك المعلمه لابنك ورحت على المدرسه واعطيت التقرير للادارة وقتها الادارة رفضت طلبي وحكتلي ما بتقدر توفر معلمه خاصه بس لابني ما بتقدر تدفع راتبها حكتلهم وقتها انو تقدم طلبي للبلديه ل( الحكومه) المسوؤله عن التعليم وقتها رفضت الادارة كل طلبي وما حصل على معلمه بس انا ما وقفت لهون قررت اروح انا بنفسي على مدرسه تابعه للحكومه واشرح حالة ابني بالتفصيل اللمل لادرة المدرسه الجديدة واحكيلو كل الاقتراحات وبالفعل رحت على مدرسه تانيه واخدت كل التقارير وشرحت للادارة حالة ابني من الصفر لليوم وحكيتلو انو بدو معلمه خاصه وقتها الحمد لله المدير كان متفهم لوضع ابني واخد كل التقاير كان وقتها ابنيالمفروض بصف تاني ابتدائي يكون بس هون المدير اقترح علي اقتراح قالي انو رح يسجلو بصف اول ابتدائي مش تاني ان كمل مع اولاد الصف عادي هيو ضل بنفس الصف ان سبق اولاد صفو برفعو صف برجعو على صف تاني وان ما مشي بصف اول عادي بحولو على صف ماتيا صف لذوي الاحتياجات الخاصه وبعملو شو المطلوب منو وقتها انا طبعا وافقت وحكيتو هادا المطلوب وسجلتو بصف اول عادي ومشي مع اولاد الصف عادي وصار يقرا ويكتب ويدرس لحالو الولد وعلامتو جيدة جدا معدلو صار 80 من دراستو هو والمعلمه تبعتو هلا بتحكيلي ابنك من اشطر الاولاد بالقراءة والكتابه والحمد لله هلا هو بصف خامس ابتدائي وماشاء الله عليه عليه كلام كانو فيلسوف حتى جيراني بستغربو منو ومن كلامو بحكولي عبقري ابنك والحمد لله هلا هو تمام وبدرس بصف عادي
بعرف قصتي طويله شوي بس حبيت احكي قصتي واكتبها هون بالمنتدى لحتى الامهات اللي ابنائهم بعانو من مشاكل وصعوبات تعليميه ما يياسو ويتابعو مع اولادهم ويتابعو مع اكتر من دكتور اهم شي بالموضوع كلو المتابعه وعدم الياس

ربي يحفظ ابنك من كل مكروه ويوفقه بدراستو
الله يصبرك حبيبتي وتشوفيه عريس
قريت الموضوع كلمة كلمة بس الله يرضى عليكي مااخترتي الا الاحمر عيوني راحت ^ــ^
ماني شايفه شي عدا لالاحمر ههههههههههههههه
سلامي لك اختي الغالية

الف حمدالله علي سلامت ابنك وانش اء الله تشوفيه دكتور يارب
وحسبي الله ونعم الوكيل في المعلمه المهمله
ما بدها تتعب حالها مع ابنك ولا اهتمت
الحمدالله الله يسر لك اولاد الحلال الفهموا حاله ابنك
الله يخليلك اياه يارب

رنووش الحمدلله ان ولدك صار طبيعي
وللاسف المجتمع فيه ناس مابتفهم ولابتقدر مشاعر الاخرين ابدا
بارك الله فيكي والله يخليلك ابنك ويقر عينك فيه وفي اخوانه

ماشاء الله عليكِ وعلى صبرك ودعمك لابنك
استمري ياغاليه وان شاء الله باذن المولى بتشوفي من أحسن الناس

أما مدرسته الاولى الله يهديها يارب مابعرف بمجتمعنا العربي ايمت بدنا نشعر باللآخرين ونضع أنفسنا مكانهم
ونعاملهم على هالاساس لاحول ولاقوة الا بالله
وشوفي كيف ربنا بحبك أرسلك ناس اتفهمت الوضع وساعدتك الحمد لله


بارك الله فيكِ على طرح تجربتك ومشاركتنا بها لتعم الفائده لمن يحتاجها

ننتظر جديدك معنا بكل شوق وخاصه أخبار الغالي ابنك تابعيها معنا بكل جديد الله يجزيكِ الخير

كوني بالقرب دوماً ياغاليه منا ومنهم
وكوني بخير

شكرا الكم حبيابي هو فعلا ربنا وقف معي وبعتلي اولاد الحلال اللي فهمو وضعو بس والله في معلمات روضه ما بستاهلو حتى يكونو معلمات اللي متل معلمة ابني لا وشو الادارة وقفت مع امعلمه وحكتلي ابنك كزاب يعني فوق ما همه مقصرين معه طلعو كزاب والحمد بمركز تطور الطفل حكولي الطفل ما بكزب وهو بهالسن واذا كزب بكون في سبب وراء كزبو هادا ومعلمتو لازمها عقاب لانها هي السبب في كلشي صار معو وبصراحه في مجتمعاتنا العربيه ابدا ما فيها اهتمام لاي طفل ذوي احتياج خاص واذا كان في اهتمام يدوب بكون فيه اهتمام بشي بسيط بعكس المجتمعات الاوربيه بتلاقي كل اهتمامهم بالاطفال وخصوصا ذوي الاحتياجات الخاصه وبحمد ربي انو انا ببلد مع انو اعدائنا اللي حكمينا بس عندهم اهتمام بالاطفال اللي متل حالة ابني وعندهم مراكز ومدارس بتراعي هالشي

جزاك الله خيرااا

لم تطيلي علينا بالعكس

نحتاج لك فكرة نصيحة و تجربة ...

ربما تسهل عن الكثيرين طريقهم مما تجعل النتائج قيمة و سريعة ...

ربنا يكتب لك الأجر
و نسعد بك هنا

و بكل كلمة منك ...


بورك فيك أخيتي

ما شاء الله تبارك الرحمن

إنتي بالفعل أم رااائعه ربي يوفقه و يجعل النجاح طريقة
هذه بتصلح كثير يا غاليه بسبب اهمال المدارس و المدرسين
و يغفلوا أن التعليم هو تعاون بين الأسرة و المدرسة

جزاكِ الله الف خير لعرض هذه التجربة القيمة
ودي و احترامي
*************************

ما شاء الله رورو تجربتك مع ابنك قيمة جدا رغم ما فيها من اهمل من طرف المعلمة لمنها تبث الامل في قلوب امهات يعانين من نفس الظروف
الاهتمام بالطفل يصنع منه عبقريا والنجاح ليس مرهونا بالاصحاء .فبذل الجهد لا يثمر الا خيرا

بارك الله فيك وفي صغيرك وجعله الله ذرية صالحة طيبة وان شا ءالله تشوفيه دكتور كبيير

صحيح من اهمل فيها من طرف المعلمه لكن عدم قبولي بنصائحها وعدم قناعتي ان ابني عنده مرض التوحد وعدم قناعتي بالمعلمه والمدرسه هما من كانا يدفعاني لمتابعة ابني مع طرف تاني وطالب استشارة وراي طرف تاني بالموضوع لانها معلمتو كانت طالبتلو صف دمج او صف مطور وعملولو لجنه بالمدرسه لحتى تقرر هالشي واتاكدو بس انا ما اقتنعت بقرار اللجنه وما وافقت عليه يعني الشغله بردو بدها قناعه تامه من الام انو ابنها عندو توحد ولازم الام اللي بتشك انو ابنها عندو توحد ا شي تعمل بحث وتتاكد وتابع ابنها وبعدين تاخد الاجراءات المناسبه لمرض ابنها انا ابني الحمد لله هلا بقرا وبكتب بدون اي صعوبه ابدا وموجود بصف عادي بس بسبب المعلمه اضطر انو يخسر سنه دراسيه بس مو مشكله المهم انو افهمنالو وهلا ماشي وضعو تمام