السلام عليكم ورحمة الله وبركاته............ كيفكم أخواتي
أنا أبي مساعدتكم في شي لأني وحيدة وماعندي خبرة....
أول شي ادعوا إن الله يتمم لي على خير ..أنا تقدملي واحد وشافني النظرة الشريعه والأسبوع الجاي قال إنه حيجي هوا وأخوانه بيخطبو رسمي فما أدري هوا في هذا اليوم يجوا الحريم يعني أمه وأخواته ولا بس الرجال بعدين يجوا الحريم أنا والله ماأعرف كيف العادات .. ترى أخواته كلهم ماقد شافوني بس هوا وأمه جو المره اللي راحت.. وإذا أهله حيجوا إيش ألبس ..أنا صراحة بحكم أول مرة ماني عارفه إيش ألبس ألبس فستان ولاألبس طقم تنورة وبلوزة ويكون فخم وحلو..وإيش أسوي في شعري أستشوره وأخليه مفتوح ولاإيش...ومكياج أحطه خفيف وناعم ..أنا أساسا خلقه ماأعرف أسوي مكياج يعني أسويه أنا ولا أروح كوفيره تسويلي ناعم .... وكمان أبغى أستفسر عن القناعات اللي تتحط في الوجه إيش فايدتها لأن أنا ماأسوي ويقولو لازم الوحدة تسوي من وقت لوقت وأعطوني خلطات للقناعات إذا تعرفوا وكمان أبغى شي يخفف الهالات السوداء ...وإيش تنصحو في هذا اليوم يعني أي نصيحة أي شي ممكن يساعدنا وأي فكرة لاني زي ماقلتلكم وحيدة وأول فرحة ومانعرف إيش يسو الناس في هذا اليوم...تكفون لاتبخلو علي بأي شي صغير أو كبير ...الله يسعدكم الموعد قرب ...وبعدين خاطري أسوي حلا من إيدي طبعا غير الأشياء اللي نجيبها من برا بس يكون حلو إيش تنصحو أسوي ...............تكفون لاتسيبوني لوحدي طلبتكم
أنا في انتظاركم.........................إذا ربي تمم علينا بتلاقوني كل يوم والثاني عندكم أستفسر وأسأل بحكم إنعدام الخبرة ....الله لا يحرمني منكم
الله يجزاكم خير ويوفقكم..

موفقه ..قلبي...روقي ...
بالنسبه للأقنعه ابحثي وأنا اقول( جيبي طينه مع شوي مويه ورد وحطيها ربع ساعه ماسك على وجهك)تشوفي بعدين كيف ينور ..أهم شي ارتاحي ..وبعدين الاقنعه ..
حسب البشره انتي كيف بشرتك فيها حبوب ناشفه ولاعادي مجرد ارهاق وهالات..
وبعدين اللبس البسي فستان..سواءً جوا أخواته او ماجوا.. وحبذا يكون لونه بناتي وأنتبهي لايكون عاري..عشان ماياخذ عنك فكره واقري على نفسك..
وروحي مشغل قولي لهم يسوا لك ميك اب ناعم وسوي تسريحه ناعمه ..لاتسوي شيء مبالغ فيه او يشوه شكلك..
سوو طاوله وحطوا عليها طرطه.. وعصير.. وروحي ركن الحفلات والهدايا ..انشاء الله تستفيدي..وبالنسبه للحلا سوي حلا قهوه..بس اهم شيء تتقنيه..حتى لوكان بسيط..موفقه انشاء الله الاخوات مايقصروا..

بالظبط
اهم شي الفستان مايكون عاري ولا شفاف ولا قصير
ترا الرجال يدققون في هذه النقطه كثيرررررر حتي ولو اخواتهم متفصخات يحب تكون زوجته على الالقل قدامهم متحشمه
وصوتك وضحتك لا تطلع اهم شي ابتسامه
واحيانا اخواته يعطون تعليقات لا تهتمين طنشي ولا تغضبي ولا تزعلي ابد لانك تحت المجهر
وفيه في المشاغل ميك اب للخطوبه ولا تسوي تسريحه مره ملفته ياليت يكون شعرك منسدل عشان الطول والنعومه توضح
وفيه الخميره واللبن متساويه الكميات (تطلع وجهك ممتلئ ومترطب ) والطحينه مثل الاخت تطلع وجهك منور
والف الف الف مبروك والله يتمم على خير

بس هوا ماعاد يشوفني إلا يوم الملكة إن شاء الله ..بس حيكونو خواته وأمه وإحتمال حريم أخوانه يعني عادي ألبس فستان أحسن.. أنا بشرتي كان فيها كم حبه بس راحوا وذحين أثر خفيف جدا ينفع الماسكات اللي قلتوا عليها.. الله يسعدكم على النصائح والله إنكم تساعدوني بيها ادعوا إن الله يتمم على خير وإن شاء الله أبشركم قريب بالملكة...حمامة الحرم وإيمان الله يوفقكم ويسعكم يارب ...

بالتوفيق ياقلبي
انصحك مشغل مكياج خطوبه
وفستان فخم ومكياج وتسريحه ناعمين
لان اخواته وحريمهم راح يجون راح يعلقون على كل شي انتبهي ؟؟

يعني هما عادة لمى يتفقوا الرجال الحريم مايجوا إلا المرة الثانية صحيح ولا لأ ..ولا يجوا كلهم مع بعض ..وأمي تقول ألبس طقم مو من البداية فستان..وأنا محتارة وماأبغى أزعلها ..في وحدة لبست طقم في يوم خطوبتها .....

ايوة يا اختي اذا خطوبة و في البيت تقدري تلبسي طقم
انا كمان لبست طقم و التسريحة بسيطة زي ما قالت ايمان
موفقة يارب
و انصحك لا تتوتري ع الفاضي كله يوم و يعدي و
ان شاء الله يكون يوم حلو .

مبارك يا اختى

اهم شئ طاعة ربنا فى الفرح يعنى تكونى بحجاب وغير ملفتة لو هتكون جلسة مختلطة

لو منفصلين البسى ما بدك

لكن احلى شئ البساطة دائما