يا اهلا باهل اسكندرية كلهم
اهلا بيكى az-butterfly معانا تسدقى بقى انا بقالى يجى 7 سنين مروحتش اسكندرية وحموت واسافر اسكندرية بس اعمل ايه عيلتى غاوية يسافرو ويروحوا فى قرى ومنتجعات والحتت الهادية دى ابقوا سلمولى على بحر اسكندرية
وبلاش القلق والتوتر ده يا حبيبتى انا ليا اخوات بنات ومع ذلك كنت معرفش حاجة فى اى حتة بس الله يبارك فى المنتدى وفى هنودة حبيبتى فهمتنا حجات كتير وانا دلوقتى اللى بعلمهم

ازيكم ياقمرات ياريت كل واحدة فيكم تعمل نبذة عنها..يعنى اسمهاومنين وسنهاومتجوزة ولالأ؟؟؟؟عشان نقرب من بعض اكتر من غير لخبطة.....يلا مين ها تبدأيا حلوين؟

مبروك يا هنودة على الجزء 8
انتى بجد حسستينى انى عروسة بجد مع انه لسة بدرى اوى
اه نسيت اقولكم انا فى تالتة طب و نتيجتى ظهرت وجيبت امتياز الحمد لله
ادعولى بقى لان السنين اللى جاية هى اللى اصعب

az butterfly ممكن تقوليلى اسمك ايه بدل الاسم الصعب ده
لو عاوزة تشتركى فى المجموعة ادخلى فوق على تحكم العضو هتلاقى على اليمين قايمة فيها المجموعات الاجتماعية ادخلى فيها هتلاقى المجموعات اختارى المجموعة وفى اخر صفحة المجموعة هتلاقى اشترك فى المجموعة واشتركى هتقدرى تكلمينى بسهولة وما تقلقيش كلنا معاكى ويارب اكون قدرت افهمك وانا تحت امرك

كتبت بواسطة sutsut

ازيكم ياقمرات ياريت كل واحدة فيكم تعمل نبذة عنها..يعنى اسمهاومنين وسنهاومتجوزة ولالأ؟؟؟؟عشان نقرب من بعض اكتر من غير لخبطة.....يلا مين ها تبدأيا حلوين؟

انا ايمان من اسكندرية 21 سنة ليسانس حقوق مكتوب كتابى ويشرفنى التعرف بيكى
وانتى

انا اسمى عزة قربت على 23 سنه ..لامخطوبه ولا طبعا متزوجة .. انا بكالريوس تجارة انجليش

الله يكرمك يا "نورا 89" تنورى اليكس ياجميل ومبروك على النجاح وان شاء الله تبقى دكتورة شاطرة جدا .."اتخصصى جلديه بليز "

ميرسى جدا يا" ايمان مونى" حاضر حشترك باذن الله ... وربنا يتمملك بخير ان شاء الله

اهلا بيكى ياايمان وانتى ياعزة واحناكلنا اكيد اصحاب واطمنى ياعزة مش هانسيبك كلنا جامبك وانا رنا23 سنة متجوزة وعندى مريم وفاطمة(sutsut) وعبد الرحمن**** ودى تالت مرة اقول بياناتى تابعوا بقى وماتنسوش

كتبت بواسطة drhappy68

تسلمى يا قمر على الموضوع الرائع
اتسفدت من موضوعك كتير ....رغم انى مش عروسة حاليا

اهلا بيكى يا هابى معانا وان شاء الله تبقى اجمل عروسة ومنورنا

كتبت بواسطة sutsut

مبسوطة قوى انى سبقت كل نجوم المنتدى بالردالمرةدى.وبقول لهنودة اية الجمال والعظمة دى ياست البنات.ايوة كدة ابدعى واحنا معاكى.بقولك اية يا هنودة اخبارجوزك اية؟ماتنسيش تعزمينى فى الفرح انا من المنصورة يعنى فى الشارع اللى وراكى ههههههههههههه

ميرسى يا رنا على كلامك الجميل انتى كلك ذوق
الحمد لله جوزو كويس ادعليى ربنا يسهل امورنا

اسفة ياجماعة عندى 24 سنة مواليد85 اصل بودى كان جعان وبيعيط لخبطنى هههههههههه .وانا من المنصورة

كتبت بواسطة انا اموله

مبروك يا نوده الجزء الجديد وان شاء الله ع طول بنجاح وروقان انا كنت حطيت عاجل الى هنوده بالصفحه الرئيسيه وما ردتيش علي ياريت تشوفي الموضوع وتجاوبيني ربنا يوفقك ودمتي في حفظ الله شكرا

امولة ياجميل ازيك ؟؟؟ انا لسة شايفة الموضوع بتاعك معلش اعذرينى
برجع من الشغل مش شايفة ههههههههه
بصى حبيبتى لوكسيد مفهوش كورتيزون هو فيه مادة هيدروكينون ده مادة التقشير
بس الاول جربيه على جزء صغير عشان تشوفى مناسب ليكى ولا .. لان فى بشرة بيبقى حساس عليها
لو طلع تمام بتسخدميه لمدة مش اكتر من شهر ونص مرة فى اليوم
بس من غير تعرض للشمس عشان ميعملش مفعول عكسى يعنى متعرضيش ركبتك للشمس واحطى قبل ما تنامى احسن وتانى اليوم الصبح رطبى بجليوسليد

هو مناسب للركب والكوع وغير مناسب للمنطقة حساسة والابط

بيتادين بيشيل سواد بين الفخذين اما منطقة حساسة يعنى بنسبة بسيطة مش عالية