كتبت بواسطة f-angel

مبروك ليكى ولينا يا هنودة على الجزء الخامس

انا مبسوطة اوى لانى بتشجع بيكو وبدأت اهتم بنفسى وبحافظ على جدولى
انا جبت بيتادين امبارح استعملته يوم واحد هبقى اقولكو على نتيجته

الله يبارك فيكى حبيبى احلى حاجة اننا نشجع بعض عالطول ومستنين نتيجة بيتادين

كتبت بواسطة lonleygirl

ياااااااااااااا هنوده على الجزء الخامس

الله يبارك فيكى ياقمر

كتبت بواسطة dodo412

مبروك ياهنودة الجزء الجديد متجدد ان شاء الله
فكرة العناية والاهتمام دى انا كل ما اكلم حد يجيبلى احباااااااااط
عااااااااااااالى كل واحدة اتجوزت تقولى بكرة تجربى واكيد كلنا كدا
تقولك العيال والتنضيف ومش بقدر هو انا فايقة وكل الاسطوانات احنا حافظنها
لما كرهونا فى الجواز ههههههههههههههه

عشان كدا يا دودو عايزين احنا كمان منقعش فى مفس المشكلة ونتعود من دلوقتى ننظم وقتنا

كتبت بواسطة slavotta

مبروك يا هنوده على الجزء الخامس و الموضوع اللى اتكلمتى فيه حلو اوى لان كلنا بنستفيد من بعض اعتقد الجزء الرابع هوه اكتر جزء خلص بسرعه و الجزء التالت العكس و ان شاء الله نفضل مع بعض لغايه الجزء الميه ... انا خلصت امتحانات الحمد لله من يوم الخميس اللى فات

يارب نفضل لغاية 100 وعقبال النتيجة يارب

كتبت بواسطة امامة محمد

ماشاء الله مبروك يانودة على الجزء الجديد و عقبال يارب لما نباركلك يوم فرحك ربنا يسعدك
و بادية بدايه موفقة و جميلة ربنا يوفقك و ياريت المشرفات يهتموا بطلبك لأنه مهم جدا بالنسبه لنا كلنا

الف شكر

ربنا يخليكى يا امامة وعلى كلامك الجميل صحيح فيه بنات جربوا السدر للشعر وعجبهم قولت اقولك بيستخدموة بدل شامبو بيتجاب مطحون من العطار ممكن عند ماضى او فتح الله وتفركيه على الشعر وهو مبلول حيطلع رغوة وتغسلى شعرك بيه وملهوش ريحة او ممكن تخلطيه مع شوية ماء وتغسلى بيه شعرك

ده موضوع عن كورتيزون فيه معلومات عنه

http://lakii.com/vb/showthread.php?t=570332

تكملة يا بنات لموضوع تقسيم الوقت ياريت نبتدى بيه من دلوقتى اصل بردو من مشاكل اللى بنعملها اننا نفضل ناجل حاجات كتير ونقول مش وقتها ولما يجى وقتها نحس اننا توهنا وتعبنا ..

يعنى لو احنا مش تعودنا من دلوقتى اننا ننظم وقتنا مش حنعرف بعد كدا احنا دلوقتى اما بنشتغل او بنات قاعدة فى البيت لازم نبدا من دلوقتى نقسم يومنا واحدة واحدة مش بقول الصبح طبقى بس على الاقل خلى يومك فيه 3 حاجات اساسية عبادة + اهتمام بالنفس + تثقيف وبعد شوية نزود الموضوع

البنات اللى بتشتغل اكيد بنبقى مرهقين بعد الشغل وراجعين عايزين نتهوى ونقعد براحتنا هو ده كويس بس مش لدرجة يبقى اليوم شغل ونوم ابداى استغلى وقت الشغل بحاجة معاها زى العبادة اقرى قراءن هناك واقرى الاذكار وقولى الاستغفار ولما ترجعى البيت كفاية عليكى نص ساعة رياضة او اهتمام بالنفس وساعة كمان تثقيف وباقى اليوم نامى او اعملى كل اللى انتى عايزة
يعنى فى الاخر موضوع كله ساعتين من 24 ساعة ومعاكى 22 ساعة فاضية

لما نعمل ماسكات نحاول نعمل كذا ماسك فى وقت واحد يعنى مثلا بتعملى ماسك لوجهم اعملى كمان لايدك وحطى رجلك فى ماء وملح كل ده ربع ساعة يعنى 3 * 1 احلى من برت بلاس عشان متزهقيش وتحسى انك ضيعتى وقتك
وحطى كريم لوجهك ولايدك ولرجلك يبقى انتى كدا اهتمتيى ب 3 اجزاء من جسمك فى ربع ساعة

يوم ما تعملى حمام مغربى كدا كدا بيحتاج وقت استغليه واعملى ماسك لشعرك لغاية ما تخلصى حمام مغربى تكون وقت ماسك خلص وتغسلى شعرك وجسمك

نجاول نجمع كله فى وقت واحد عشان منزهقش وكدا كدا مش كل يوم حتعملى ماسكات لانه غلط باقى الايام مش مطلوب منك اكتر من ترطيب لايدك ووجهك ورجللك وباقى الايام بردو مش حتفضلى تعملى حمام مغربى ولا سكرب كفاية ده مرة واحدة فى الاسبوع عشان بشرة جسمك باقى الاسبوع خليه شاور عادى بالشاور بتاعك اللى تحبيه وحاولى يكون مفيد للجسم وبعد ما تخلصيه حطى كريم او لوشن كدا حتبقى نظيفة وجسمك ناعم ببساطة من غير دوشة

مش عايزين ولا نهمل ولا نهتم اكتر من اللازم لان فيه حاجات تانية تكمل علاقتك ونجاحك مع زوجك

3 * 1 احلى من برت بلاس
ههههههه حلوة الجملة دى يا هنوودة بس ده تواضع منك انتى كلامك احلى واجمل من برت بالس وغيره
انتى بجد تفكيرك عملى وجميل جدااا...وان شاء الله انا هجرب فعلا اعمل النظام ده عشان اغير من روتين
اليووم بتاعى ...وكمان عايزة اشكرك على تمارين البطن اللى كانت فى الجزء السابق
ربنا يجزيكى كل الخير والسعادة
وعايزة اخد رأيك فى ادوات الميكب من شركة أوريفليم كويسه ولا لأ؟؟
واسفة طوولت عليكى

كتبت بواسطة ملوكة 12

3 * 1 احلى من برت بلاس
ههههههه حلوة الجملة دى يا هنوودة بس ده تواضع منك انتى كلامك احلى واجمل من برت بالس وغيره
انتى بجد تفكيرك عملى وجميل جدااا...وان شاء الله انا هجرب فعلا اعمل النظام ده عشان اغير من روتين
اليووم بتاعى ...وكمان عايزة اشكرك على تمارين البطن اللى كانت فى الجزء السابق
ربنا يجزيكى كل الخير والسعادة
وعايزة اخد رأيك فى ادوات الميكب من شركة أوريفليم كويسه ولا لأ؟؟
واسفة طوولت عليكى

العفو يا ملوكة كمان شوية حاقوم العب شوية تمارين بطن العبى معايا وشجعينى

الميكب بتاع اوريفليم فيها حاجات كويسة جدا وفيها حاجات مش حلوة خالص لو عايزة تسالى على حاجات معينة اقولك على اللى اعرفه منها وجربته وشوفت بنات جربوه وايه الوحش ؟؟ اوك ؟؟؟

أوك بصى انا عجبتنى مسكرا من أوريفليم وكمان أقلام الكحل بتاعتها اخبارها ايه
جربتيها؟؟
تعبتك معايا كتير وانا كمان هعمل دلوقتى الرياضة معاكى يلا بينااااا

الف الف الف مبروك ياهنوده ع الجزء الخامس ومنه لاعلي ان شاء الله
انا كمان محتاجه انظم وقتي لانه وقتي ملخبط كتير يدووبك بخلص شغل البيت العصر لانه انتي عارفه الحموات والشغل وشغل بيتي والماسكات والطبخ والحاجت دي بذن العصر وانا مش مخلصه بصي انا همشي على النظام بتاعك وان شاء الله ربنا بيوفقني فيه
بس عايزه منك شغله حبيبتي ياريت تعطيني وصفه لتقشير البشره ايه مكوناتها بتكون وهل هيا بتكون جاهزه بنشتريها ولا انا بعملها على ايدي
ومشكوره جدا ع الموضوع الاكثر من رائع

كتبت بواسطة ملوكة 12

أوك بصى انا عجبتنى مسكرا من أوريفليم وكمان أقلام الكحل بتاعتها اخبارها ايه
جربتيها؟؟
تعبتك معايا كتير وانا كمان هعمل دلوقتى الرياضة معاكى يلا بينااااا

ماسكرا بتاعة جيوردانى حلوة وفيه wonder lash بردو كويسة
اقلام كحل مش حلوين اللون خفيف والقلم صغير اوى يعنى بنفس السعر هاتى من بورجوا احلى بكتير