كتبت بواسطة م.هبة

على فكرة بيبقى فى قمصان نوم نوع قماشتها بتيجى على الاحجام المختلفة للاجسام بمعنى انها ممكن تتمط ... انا تقريبا كل حاجاتى كده ... وده بيكون افضل عشان ما تحتاسيش بعد فترة من جوازك وانك تقدرى تستخدمى كل الموديلات فى اى وقت بعد كده كمان ...

هنودة صحيح بالنسبة لازالة الشعر بالمنطقة الحساسة انا برضه محتارة فيها عشان بعد الجواز ان شاء الله .... انا قرايبى بيستخدموا السويت وما حدش بيشتكى منها بالعكس بيقولوا انها بتقلل الشعر ... حتى لما بقول لماما عن الكلام اللى بقراه هنا فى المنتدى على انها مضرة وبتعمل ترهل بتستغرب وتقوللى لا بالعكس .... وبصراحة كنت عاوزة اعمل من قبل الجواز بالسويت عشان الشعر يكون قل شوية عبال الجواز بس خايفة الصراحة من الالم .. والشجاعة مش عاوزة تجيلى خااااالص

قصدك يا هبة القمضان النوم اللى بتكون من الاسترتش شوية ؟؟؟؟ انا بشوفها وتبقى ماشية مع كل المقاسات فعلا ...

انا زيك يا هبة هههههههههههه الشجاعة مش عايزة تيجى خالص ولا تقرب منى كل مرة انوى اعمل افتكر الوجع ارجع فى كلامى بس هو فعلا لازم نتعود من دلوقتى نعمل باسويت عشان يقل الشعر وكمان نتعود اصل حنعمل ايه بعد الجواز .. ونظام الماكينات زى فينوس او الامواس او كريمات كلها وحشة جدا مفيش انظف من السويت وحتى الاسبراى المخدر مش كويس بالاضافة انه اصلا مش بيعمل حاجة .,, هى محتاجة مننا ياهبة اتفاق اننا نتشجع ونعمل بقى ما تيجى نشجع بعض ونعمل

هنوده تسلميلي يا قمر.اناجربت ماسك البودره وماء الورد وفتح شويه وكمان هجرب ماسك البطاطس واكيد هيكون كويس مدام انتي اللي جيباه.ربنا ما يحرمنا منك يا سكر

على فكره السويت اول مره بتوجع والجزور ممكن تطلع دم بس بعد كدا بيكون الوجع بسيط جدا وانا على طول بعملها ومفيش منها مشاكل وعلى فكره اي وسيله تانيه بتعمل التهاب وتسمر بس السويت روعه

كتبت بواسطة lolita83

هنوده تسلميلي يا قمر.اناجربت ماسك البودره وماء الورد وفتح شويه وكمان هجرب ماسك البطاطس واكيد هيكون كويس مدام انتي اللي جيباه.ربنا ما يحرمنا منك يا سكر

كتبت بواسطة lolita83

على فكره السويت اول مره بتوجع والجزور ممكن تطلع دم بس بعد كدا بيكون الوجع بسيط جدا وانا على طول بعملها ومفيش منها مشاكل وعلى فكره اي وسيله تانيه بتعمل التهاب وتسمر بس السويت روعه

يارب يطلع ماسك كويس ومفيد ليكى يا لوليتا وتسلمى على ذوقك .. وكلامك عن السويت صح هى فى الاول صعبة بعد كدا بتقل يارب اتشجع انا وهبة ونعمل بقى

شكرا يا هنودة
و على فكرة السويت انصح كل بنت تتعلم عمايلها قبل الفرح لأنها مرة فى مرة هتكتشف أيه انسب طريق ليها فى الاول كانت صعبة اوى و لأن بشرتى حساسة كانت بتسلخنى بس دلوقت الحمدلله اكتشفت طريقتى بنفسى انى باخد قطعة صغيرة بين اصبعى السبابة و الابهام و تكون سايحة شويه و ابتدى بطريق النتف و طبعا الشعر بيلزق فى السويت و النتف بيكون اسرع و اسهل و بيطلع من جدوره و بعد كده استخدم مطهر و بعدين بحط التفتيح و ان شاء الله النتيجة جميلة

النهاردة معانا معلومات حلوة عن اليدين وتبيضهما خاصة واحنا داخلين على الشمس والصيف

تعالوا الاول نشوف النصايح ديه ...:


1- لا تعرض يداك اثناء وضع اى كريم لشمس او للهواء الحاراو الماء الدافئ لانهم من احد الاسباب لأسمرار اليد



2- غسل اليدين بالماء والصابون يعمل على زوال المادة الحامضية الطبيعية التي تحمي الجلد و يجب تعويض ذلك بالمستحضرات الطبيعية


3- الجفاف واهمال علاجة من اهم الاسباب اللى بتسبب سمار اليدين


4- الحماية من أشعة الشمس لان حماية اليدين من الأشعة فوق البنفسجية وسيلة لمحاربة تشققها والتقليل من فقدانها الكولاجين،

5- لبس القفاز عند غسيل الاطباق او الملابس ومن الافضل تجنب لمس مواد التنظيف بيديك مباشرة بمعنى ان تراع دائماً باستعمال القفازات أثناء غسل الصحون أو التعامل مع مواد التنظيف بشكل عام،

تعالوا دلوقتى نشوف 10 وصفات وكل واحدة مننا تشوف مناسب ليها

الوصفة الاولى


خد ملعقة صغيرة من عصير اليمون مع ملعقة زيت الزيتون مع ملعقة ماء فاتر القريب الى الساخن , ثم امزج الكل وضع الخليط على ايديك مع التدليك بعض الوفت ثم امسح ايديك بمنديل جاف و لا تغسل يدك بالماء و يستحسن ان تستعمل هذه الوصف بالمساء

( جربتها الوصفة دي وعجبتنى جدا )

الوصفة الثانية


نحضر مقادير متساوية من الليمون و عصير البطاطا وندهن بها المكان المراد تفتيحة كاليدين ونتركها الى اكبر فترة ممكنة او عند النوم ولا بأس بالتكرار اليومى ونتحفظ بالباقى فى الثلاجة وفى اقل من اسبوع ستبدأ النتائج بالظهور, هذة الوصفة ممكن ان تستعمل لجميع بشرة الجسم والوجة ولليدين ايضا وعن تجربة هى رائعة حقا واذا كان فى استمرار ومدوامة وكل ما كانت فترة وضعها اكثر كل ماكانت فؤائدة اكثر




الوصفة الثالثة


ملعقة ونصف عسل و 10 ملاعق ماء ورد و 4 ملاعق جلسرين و نصف ملعقة خل ثم قوم بتسخين العسل على نار هادئه ثم اخلطه مع بقية المكونات وبعدين ضع على يدينك وبعدين البس اكياس لمدة نصف ساعة وهذة الوصفة فعالة لحد كبير عن تجربة

( انا جربتها الوصفة ديه بس مش عجبتنى )



الوصفة الرابعة


قوم بتدفئة زيت زيتون على النآر , ثم ضع على ايديك وبعدين افركهم بـ ملح وليمون يوميا



الوصفة الخامسة


عصير نصف ليمونه و 2 ملاعق خل ابيض ثم ترج جيدا ثم تدعك اليد بها لمدة خمس دقائق يوميا والنتيجه تظهر فى الغالب بعد اسبوع من الاستعمال



الوصفة السادسة


1 ملعقة كبيرة عصير ليمون طازج و 3 ملاعق صغيرة جلسرين و 1 ملعقة صغيرة ماء بطاطس مُصفّى و10 نقط من خلاصة البنزوين ثم يضاف عصير الليمون للجلسرين ثم يضاف لهما ماء البطاطس ثم يضاف البنزوين نقطة تلو الاُخرى و يقلب الخليط جيداً و يحفظ المستحضر في زجاجة ثم يُرجّ عدة مرات قبل الاستعمال



الوصفة السابعة


مقادير متساوية من ماء ورد و ليمون و فزلين تخلط فى زجاجة وتوضع يوميا قبل النوم ولا تنس رجع الزجاجة جيدا قبل الدهان , تعمل تلك الوصفة على تفتيح بشرة اليدين و نعمومتهما ولكنها من ابطى الوصفات مفعولا لكن مع الاستمرار النتائج رائعة


الوصفة الثامنة


ثماني ملاعق كبيرة ماء ورد و ثلاث ملاعق كبيرة جليسرين و ثلاث ملاعق كبيرة كحول نقي و ملعقة كبيرة عصير ليمون طازج و ملعقة كبيرة عصير برتقال و ملعقة كبيرة خل التفاح ثم تخلط المكونات جيدا ثم تعبأ في زجاجة مع الرج عدة مرات وباستعمال هذا المستحضر فإنه يعمل على الحفاظ على هذا الحامض الطبيعي وهو يستخدم يوميا بعد غسل اليدين وله أثر طيب في تبييض بشرة اليدين ونعومتها


الوصفة التاسعة


علبة كريم جونسون بزبدة الشيا وتخلط معهم ملعقة صغيرة من الخميرة الفورية و 5 كبسولة حبوب جنين القمح من الصيدالية واذا لايوجد كبسولات يستبدل بزيت جنين القمح ملعقتين كبار يخلط مع الكريم تخلطهم في الكريم واتركهم ساعتين حتى يذاب الحبوب والخميرة مع بعض ثم ضعها كدهان وتنام بها في الليل 3 مرات في اليوم في الليل والصباح والعصر و طبعا تحطهم على بشرة نظيفة في غضون اسبوع النتيجة بتكون ظهرت


الوصفة العاشرة


استخدام كريم جليسوليد مع نصف ليمونة يعنى ليمونة واحدة على علبة جلوسليد صغيرة قبل النوم يعطى نعومة وتفتيح لبشرة اليدين الى حد ما معقول ولكن هى الامثل فى النعومة

يارب يكون موضوع عجبكم .. ان شاء الله الموضوع القادم نكمل موضوع اللبس البيتى ونرد على سؤال امامة

شكرا يانودي ياقمر
انتي عسل وقمرررررررررررررررر
وسكرررررررررررررر
وبموت فيكي

كتبت بواسطة امامة محمد

شكرا يا هنودة
و على فكرة السويت انصح كل بنت تتعلم عمايلها قبل الفرح لأنها مرة فى مرة هتكتشف أيه انسب طريق ليها فى الاول كانت صعبة اوى و لأن بشرتى حساسة كانت بتسلخنى بس دلوقت الحمدلله اكتشفت طريقتى بنفسى انى باخد قطعة صغيرة بين اصبعى السبابة و الابهام و تكون سايحة شويه و ابتدى بطريق النتف و طبعا الشعر بيلزق فى السويت و النتف بيكون اسرع و اسهل و بيطلع من جدوره و بعد كده استخدم مطهر و بعدين بحط التفتيح و ان شاء الله النتيجة جميلة

فكرتك جميلة يا امامة انا فعلا جربت طريقة النتف ديه وفعلا اقل فى الوجع بس انتى شجعتينى انى اعمل تانى بيها ربنا يخلبيكى ياقمر على نصيحتك وحاجربها بكرة ان شاء الله وادعيلى بقى اعرف وانجح

السلام عليكم

اخواتي الغاليات بما ان وصل صفحات الموضوع الي 16 ناسف علي إغلاق الموضوع

أنه في حالة تجاوز الموضوع 15 صفحة أي مايعادل 225 رد سيغلق الموضوع ولك الحرية في فتح موضوع مالم يكن مخالف

وشكراً علي تفهمكم