مبروك يا هنودة على الجزء الجديد و بجد موضوعك ما شاء الله جميل اوي
انا اول مرة اكتب في اي منتدى و انا تابعت الأجزاء الي فاتت كلها و استفدت منها اوي اوي الحمد لله
شكرا ليكي و لباقي البنوتات
و هو انا لسة بدري على موضوع عروسة شوية بس انا فاضلي حوالي 3 سنين انشاء الله ادعولي ربنا يتمملي بخير
كمان انا مليش اخوات بنات و انتو بقى اخواتي
بحبكم اوي والله وششكرا اوي اوي ليكم

ازيك يا هنوده .. دى اول مره اشارك فيها معاكى .. انا عندى مشكله جايبالى احباط انا بطبعى لما بقعد بكون موطيه شويه لقدام وبالتالى الكمر بتاع الجيب بيقسم منطقه البطن والمعده وده سبب لى اسمرار فى الخط اللى بيقسم البطن والمعده وكمان لون البطن والمعده نفسهم بقى اغمق من لون جسمى زى ما يكون عقد دم من الضغط الكتير فى المنطقه دى وبصراحه مش عرفه اعمل ايه يا ريت تساعدينى .. انا اسفه انى طولت عليكى

كتبت بواسطة HOOBY

ميرسى يا هنوده انك فتحتى الموضوع من جديد انا كنت حاسه انى تايهه والله
وسعيده انى اول واحده ترد وعقبال يارب الجزء المليون

انا كنت غايبه فترة ومن يومين رجعت وعماله ادور على الموضوع وفى الاخر لاقيته مقفول وزعلت جدا

وحشوتنى جدا كلكم طبعا هنوده وريمى وايمان وكل البنات مش عارفه اذا كنتم لسه فاكرنى ولا لاء

وبجد ياهنوده ربنا يكرمك على كل شئ بتعمليه مع البنات ويجعله فى ميزان حسناتك

كنت عايزة اسألك يا هنوده على السمار اللى تحت العين بصراحه تعبت منه جدا

وكمان خطيبى بقى ملاحظه وقالى عليه وده مزعلنى اكتر

كمان عندى مشكله النمش مش كتير بس لان بشرتى فاتحه باين اوى فيها ياريت تقوليلى على وصفه تنفع معاه

هوبى ازيك يا قمراية طبعا فاكرينك
موضوع السمار تحت العين حالاقى تحت شوية موضوع كامل عنه يارب يفيدك

النمش ده مقال عن النمش واسبابه وعلاجه اقريه

النمش يؤرق زوات الشعر الأصفر
*التعرض لأشعة الشمس صيفا أهم الأسباب
* 75% من الكريمات لا تؤثر فى علاج النمش

الوجه مرآة تعكس الحالة الصحية والنفسية لصاحبها، ويهم كل منا أن تكون تلك المرآة صافية ومشرقة دائما، إلا أن ظهور بعض البقع ذات اللون البنى فى الوجه والرقبة يمثل مشكلة خاصة عند أصحاب البشرة البيضاء.

ويؤرق بصفة خاصة بنات حواء الحريصات دائما على الظهور ببشرة صحية خالية من العيوب، ويظهر النمش الطبيعى بشكل كبير فى الأطفال خلال فصل الصيف ويقل تدريجيا مع قدوم فصل الشتاء.

يقول الدكتور صفاء الدين توفيق استشارى الأمراض الجلدية والتناسلية أن النمش عبارة عن بقع صغيرة يختلف لونها من اللون البني الداكن إلى اللون الأسود، وأحياناً تكون صفراء اللون على المناطق المكشوفة من الجسم.

وتكون هذه الظاهرة في الصيف وتخف حدتها أو قد تختفي في الشتاء، ويحدث نتيجة زيادة في إفراز صبغة الميلانين من الخلايا الصبغية المنتشرة في الجلد، ويظهر النمش أكثر في فصل الصيف بسبب التعرض لأشعة الشمس ويختفي تدريجيا، ولكنه قد يحدث في حالات قليلة في فصل الشتاء.

وأكثر ضحايا النمش عموما هم ذوات الشعر الأصفر والبشرة البيضاء نتيجة ضعف طبقة الجلد وقلة مقاومتها لأشعة الشمس، وينتج النمش من تفاعل الشمس والغدد الصبغية الموجودة في الجلد فينتج عن هذا التفاعل زيادة في كمية صبغة الميلانين في الخلايا الصبغية.

فيصطبغ الجلد باللون الغامق، وهو يحدث دائما في الأماكن المعرضة للشمس، لذا فإن الحل الأمثل هو تجنب أشعة الشمس قدر الإمكان.

النمش ..أنواع

يقول الدكتور محسن سليمان.. أستاذ الأمراض الجلدية بطب قصر العينى: إن النمش عبارة عن بقع لونية تظهر فى الوجه وفى بعض الأحيان يظهر النمش على منطقة الكتفين، ويظهر عادة مع التعرض لأشعة الشمس والنمش ينقسم إلى نوعين: إما لزيادة فى المادة الملونة فى الطبقة الخارجية للجلد وتظهر هذه الحالة فى مقتبل العمر فى الأطفال فى سن 8 إلى 10 سنوات.

ويلاحظ أن الإصابة بالنمش تحدث فى الأطفال ذوى البشرة البيضاء حيث تقل مقاومة جلدهم للشمس مما يعرضهم لحدوث حروق شمسية فى الجلد.

أما النوع الثانى: فينتج من زيادة عدد الخلايا الملونة، ويحدث مع التقدم فى العمر، ويسمى (النمش العمرى) ويحدث فى كبار السن بعد تجاوز الخمسين من العمر، ويحدث النمش العمرى مع تكرار التعرض للشمس لفترات طويلة.

ويضيف الدكتور سليمان أن النمش الذى يصيب الأطفال نتيجة زيادة إفراز الخلايا الملونة للصبغة اللونية يكون لونه بنيا فاتحا، وتقل هذه البقع اللونية مع العلاج المناسب وتجنب التعرض المباشر للشمس وهذا النوع من النمش لا ينتج عنه أية إصابة بسرطان الجلد.

لكن فى النوع الثانى من النمش الذى يحدث نتيجة زيادة الخلايا الملونة فمن الممكن أن يتحول إلى الإصابة بأورام الجلد مثل سرطان الجلد الملون، أو القشرى، أو القاعدى.

علاج النمش

وينصح الدكتور سليمان عند ملاحظة ظهور هذه البقع اللونية بتجنب التعرض المباشر لأشعة الشمس كخطوة أولى وأساسية للعلاج، وحدوث تحسن فى الحالة وكذلك التوجه إلى طبيب الجلدية.

وعادة يكون العلاج باستخدام مضادات أشعة الشمس التى يصفها الطبيب حيث أن نحو 75% من كريمات الوقاية من الشمس المتوافرة والتى تستعمل للوقاية من تأثير التعرض للشمس لا تفيد فى منع حدوث النمش أو علاجه لأنها معدة للوقاية من تأثير الأشعة البنفسجية من النوع (ب) لكن النمش يظهر نتيجة لتأثير الأشعة البنفسجية من النوع (أ).

لذلك فيجب استخدام الكريمات الواقية التى يقررها الطبيب لعلاج النمش، ويعتمد علاج النمش الطبيعى الذى يحدث نتيجة زيادة إفراز المادة الملونة على إبطاء حدوث هذه الزيادة، وتوجد بعض أنواع من الليزر الذى يقوم بهذا الدور ومنها ليزر الياقوت الذى يعمل على تكسير المادة الملونة فى سطح الجلد.

فتعود البقع إلى لونها الطبيعى أما علاج النمش الناتج عن الزيادة العددية فى الخلايا الملونة والذى تسببه التعرض لفترات طويلة لأشعة الشمس فيتم من خلال تعريض البقع اللونية إلى ليزر ثانى أكسيد الكربون، ويراعى فى حالة ظهور النمش فى مناطق غير ظاهرة من الجسم بارتداء ملابس داكنة وسميكة لمنع وصول أشعة الشمس إليها.

علاج النمش من الطبيعة

ينصح الكثير من خبراء التجميل باستخدام المواد الطبيعية في علاج النمش، حيث توجد بعض الوصفات الطبيعية ومنها استخدام مغلي أوراق وجذور المقدونس في علاج النمش والكلف الذي يصيب الوجه، ويكون ذلك بغسله بهذا (المغلي) الذي يحضر من وضع 10 جرامات من أوراق المقدونس في كل فنجان من الماء المغلي.

كما ينصح باستخدام عصير الليمون فهو من الوسائل الطبيعية البسيطة التي يمكن للمرأة أن تعالج بها بعض عيوب البشرة، فيساعد العصير على اختفاء النمش وتحسين لون البشرة فتصبح أكثر إشراقا ولمعانا.

كما أن هناك طرقا أخرى يمكن أن تستخدمها المرأة أو الفتاة المصابة بالنمش، منها استعمال نصف كوب عصير بصل وملعقتين خل يغسل به الوجه 5 مرات يوميا لمدة أسبوع.

أو طحن نصف كوب حبة سوداء ونقعها في مقدار مناسب من زيت الزيتون لمدة ثلاثة أيام ثم يصفى ويدهن به الوجه مع التعرض قليلا لأشعة الشمس.

أو استخدام مسحوق جوزة الطيب ويدهن بها الوجه فإنها تعالج الكلف والنمش، أو طحن بذور القرع العسلى وعجنها مع مقدار مناسب من زيت الزيتون وتوضع على أماكن النمش مما يساعد فى عودة الجلد إلى لونه الطبيعى

كتبت بواسطة أم أيات

وعليكم السلام ورحمة الله وبركاته

مبروووك الجزء الثاني عشر وبالتوفيق ان شاء الله

وجزاكِ الله خيرأ هنوده على العطاء الـ لا محدود في الاجزاء السابقه

في ميزان حسناتك ان شاء الله




:

ام ايات تسلمى ياقمر على كلامك الجميل بجد بفرح لما بشوف ردك وتشجعيك

كتبت بواسطة سماح عزت

مليون مبروك يا ست البنات والعرايس على الجزء الثانى عشر وعقبال المليون وانتى بخير وسعادة وبجد نورتى النتدى بوجودك وربنا يعينك على فعل الخير ويجعله فى ميزان حسناتك

سموحة حبيبتى ربنا يخليكى يا جميل واشوفك ارق واحلى عروسة

كتبت بواسطة مونى 33

هنوده ه ه
وحشتيييييييييينى جدا
والف مبروك الجزء الجديد مش عارفه والله بعد ما تتجوزى وتسيبينا هنعمل ايه
والله هنبقى وحشين من غيرك

عايزه اسألك عن حاجه
انا هشترى براون ومش عارفه اجيب انهوا واحده
والالوان بتفرق ولالا
واللى هيا شفرتين دى شفتها فى صيدليه ب 250
وصيدليه تانيه 290 وهيا هيا
والاتنين المانى
اعمل ايه بقى؟

سؤال تانى
هو انا لو عملت تمارين وبطلتها بيكون فى مشكله
اصلى سمعت اللى بيعمل تمارين ويبطل بيرجع اكتر من الاول
انا مش هعمل تمارين للجسم كله للبطن بس عشان بيقى فى عضلات وتتشد

سؤال تالت
هو ينفع نحط زيت الزيتون على الوش بعد الفتله

معلش سؤال اخير
انا لما بعمل سويت الشعر بيطلع تحت الجلد ومش ناعم بس فى رجلى بس
ايدى بتبقى عادى وحلوه

بس كفايه كدا
رغيت كتير اوى

مونى انتى كمان وحشتينى

بروان ايوة الالوان بتفرق فى ان كل نوع له مواصفات مختلفة عن التانى وممكن يبقى نفس اللون بس نوع فيه قطعة زيادة عن التانى

عشان مش تتلخبطى فى نوع بفطعة واحدة لونه روز بيبقى شفرة النتف للجسم فقط اللى بيجى اعلانها فى تليفزيون ديه ب 170

فى نوع لونه لبنى فيه قطعتين قطعة للنتف الجسم وقطعة النتف للمناطق الحساسة ديه ب 210

فى علبة مكتوب عليها هدية العروس ديه كذا قطعة نتف للجسم ونتف منطقة حساسة وقطعة حلاقة للمنطقة الحساسة وقطعة للوجه تقريبا سعرها 500

فى نوع لونه لبنى بردو قطعتين نتف ومعاها قطعة يتمرر على الجلد عشان تمنه تهيج الجلد زى قطعة مساج كدا ديه 250

وكلهم المانى ومعاهم ضمان سنتين
وبلاش تجيبها من صيدلية لانها بتبقى اغلى من برا هاتيها من محلات احسن حتلاقيها فى كل محلات

موضوع التمارين لو انتى بتشدى عضلات اى منطقة مدة طويلة بالتمارين وجيتى وقفتى تمارين طبعا بترجع بس مش بترجع زيادة لا بترجع زى ما كانت انتى استمرى عليها 3 مرات ى الاسبوع

ايوة ينفع تحطى زيت زيتون بعد الفتلة

الشعر تحت الجلد كل البنات بيطلع معظمة فى الرجل انتى قبل ما تعملى سويت املى اوى اى سكرب للرجل زى ملح وليمون او اى سكرب جاهز عشان تفتحى مسم وبعد ما تخلصى سويت ممكن تعملى ماسك ماء ورد مع نشاء على الرجل ده بيقفل المسام ويشد الرجل

ودايما كل اسبوع اعملى حمام مغربى او سكرب وركزى على الرجل حتلاقيه بينتهى مع التكرار

نودي حبيبتي
وحستيني وحستيني وحستيني
مووووووووووووووووووووووووووووووووووووووووووووووووت
كدة يانودي الغيبة الطويلة دي

والله والله والله
كنت مخنوووووووووووووووووووووووووووووووقة جداااااااااااااااااااااااااااااا
لما بدخل الاقيكي لسة مش جيتي
حمدا لله ع سلامتك ياقمراية والف مليون مبارك ع الجزء الجديد

ووحشتووووووووووووووووووووووووووووووووني ياعرايس ياقمرات
مكنتش بأقدر اكلمكم ع المجموعة

كتبت بواسطة ايمان مونى

السلام عليكم

الف مبروك يا نودة على الجزء الجديد ودايما فى تقدم يارب

وجزاكى الله خيرا على الموضوع الحلو ده فعلا موضوع مهم جدااااااااا

كنت عاوزة اسالك على حاجة يا نودة لو سمحتى ماما جابتلى زيت لوز بس مش عارفة هو حلو ولا مر

مش عارفة اعمل بيه ايه انا متعودة على زيت الخروع وزيت الزيتون لشعرى وماما نست وجابتلى زيت لوز بدل خروع ينفع احطه على زيت الزيتون واعمله لشعرى

وجزاكى الله خيرا

اهلا اهلا يا ايمان وحشتين جدا

لو زيت الوز مر مش حينفع تحطيه على زيتون وتستخدميه للشعر
اما لو كان حلو ايوة ينفع جدا للشعر وحلو مع الزيتون

عشان تعرفيهم حتلاقى زيت اللوز المر لونه مش ابيض شقاق عاطى شوية على لون اصقر خفيف اما الحلو فهو ابيض شفاف واتقل من المر وعامة انتى لو حطتى منه على لسانك حيبان اذا كان حلو ولا مر من طعمه

كتبت بواسطة basbosa.2

هنووووووووووووده حبيبتى عامله ايييه؟؟؟كنت قلقانه عليكى بس الحمد لله سموحه طمنتنا

الف مليووووووون مبروك عالجزء الجديد.....وعقبال مانباركلك على الجواز يااااارب بس مش تبقى تنسينا بقى...ههههههه ربنا يسعدك حبيبتى ياااااارب

وده بقى كان سؤالى فالجزء اللى فات

هنوده حبيبتى عامله ايه واخبارك ايه؟؟؟؟ يااااارب تكونى بخيرررررر

بصى بقى انا متضايقه من كام حاجه ولازم تحلهوملى بقى مليش دعوه

اولا: ركبى اغمق من جسمى وكمان فيهم خشونه شويه عن باقى الجسم والاتنين فيهم علامه صلاه باينه قووى مع انى بصلى على سجاده ورحت لدكتور قبل كده وقالى متصليش وانتى واقفه وده مينفعش طبعا.......وفى دكتوره قالتلى علفى كريم بلانكا بس لسه مش جربته.......وجربت الجلسرين باليمون فترة بس معملش حاجه وكمان كوعى برده اغمق عن الاول مع انه كان كويس.......اعمل ايه بقىىىىىىى؟؟؟؟؟؟

ثانيا: طلعتلى حته بطن كده مضايقانى انا من الاول كان عندى حته صغيره بس حاسه انها كبرت شويه وخايفه تكبر اكتتتتر وتعمل بطن كبيرة...ياريت تبعتيلى لينك تمارين تجيب نتيجه كويسه ولو فى حاجه تانيه اعملها؟؟؟؟؟

ثالثا: شعرى بقى بيقع كتيييييير غير الاول عايزة اعرف وصفه النخاع بالظبط واحط عليه زيوت ايه؟؟؟؟؟ وكمان اتغلب على ريحته الوحشه ازاى؟؟؟؟
وانا برده طلعتلى قشره وبدات استخدملها نيزورال ومش عارفه ممكن اعمل النخاع معاها ولا اعالج القشره الاول؟؟؟؟؟؟؟

وبسسسسسسسسسس كفايه كده دلوقتى....انا حاسه انى بوظت كده مرة واحده هههههههههههههههههههههههههه

بسبوسة الامورة انتى وحشانى جدا عاملة ايه واخبارك ايه ؟؟؟

الركب والكوع مشكلة الملايين بصى ي جميل لو غمقان جامد فى الركب يبقى لازم تستخدمى الاول كريم تقشير وبعدها ترطبى يوميا كدا بتروح السواد

لو غمقان خفيف يبقى تعملى سكرب ملح وليمون وترطبى بعدهم بكريم زى جليوسليد او تعملى وصفة اللى بتعمليها ليمون مع جلسرين هى بتجيب نتيجة لو غمقان خفيف بس بتاخد فترة طويلة

فى حالتين الخشونة بتروح لان سببها قلة الترطيب والاحتكاك يعنى يوميا تحطى كريم واحلى كريم جليوسليد للكوع والركب

الكوع طبعا بلاش تسندى بكوعك على التربيزة عشان بيحصل احتكاك انتى يوميا هاتى ليمونة وامسحى بيها الكوع وبعد ما ينشف الليمون حطى كريم مرطب جليوسليد او ممكن تحطى ليمون على الكريم وتحطى منه على الكوع كل يوم

البطن حاضر حابعتلك تمارين ولو تعرفى تمشى ساعة حتى 3 مرات فى الاسبوع حيبقى حلو اوى

طريقة النخاع بتجبى النخاع من الجزار هو زى مادة سائلة لزجة زى فازلين وتحطى عليها زيت الخروع والزيتون وتسيحهم على النار وتحطيهم فى برطمان فى تلاجة وكل مرة عايزة تستخدميه سيحى منه شوية عى النار وحطى على الراس والفروة زى كانك بتعملى حمام زيت وتسبيه على الشعر من ساعة لساعتين وتغسلية كويس

الزيوت بتقلل من ريحته كمان لما تغسيه كويس بيهدى وممكن بعد ما ينشف شوية حطى نقطة مسك او زيت عطرى زى فواكه او لافندر نقطة صغيرة وامسحى بيه على الشعر كله بيغير الريحة

انتى عالطول جميلة يا قمر مش بوظتى ولا حاجة

كتبت بواسطة 7abiba21

السلام عليكم

ازيك يا هنودة وحشتينا والله جدا
ومبروك علينا الجزء12 وعقبال المليون

وموضوع العين ده انا استفدت منه جامد
جزاك الله كل خير يا حبيبتى

حبيبة وحشتينى جدا ربنا يخليكى على كلامك الجميل

كتبت بواسطة dr.yoyo

مبروك يا هنودة على الجزء الجديد و بجد موضوعك ما شاء الله جميل اوي
انا اول مرة اكتب في اي منتدى و انا تابعت الأجزاء الي فاتت كلها و استفدت منها اوي اوي الحمد لله
شكرا ليكي و لباقي البنوتات
و هو انا لسة بدري على موضوع عروسة شوية بس انا فاضلي حوالي 3 سنين انشاء الله ادعولي ربنا يتمملي بخير
كمان انا مليش اخوات بنات و انتو بقى اخواتي
بحبكم اوي والله وششكرا اوي اوي ليكم

يويو عروستنا الجميلة منورنا ومبسوطة انك بقيتى معانا يالالا عايزين دايما تكونى موجودة واحنا طبعا اخواتك واصحابك لو محتاجة اى حاجة احنا معاكى

كتبت بواسطة رحاب الرحمن

ازيك يا هنوده .. دى اول مره اشارك فيها معاكى .. انا عندى مشكله جايبالى احباط انا بطبعى لما بقعد بكون موطيه شويه لقدام وبالتالى الكمر بتاع الجيب بيقسم منطقه البطن والمعده وده سبب لى اسمرار فى الخط اللى بيقسم البطن والمعده وكمان لون البطن والمعده نفسهم بقى اغمق من لون جسمى زى ما يكون عقد دم من الضغط الكتير فى المنطقه دى وبصراحه مش عرفه اعمل ايه يا ريت تساعدينى .. انا اسفه انى طولت عليكى

رحاب ياقمر اهلا بيكى ويارب دايما تكونى معانا

مشكلة ديه فعلا كتير مش بياخد باله منها وانا كنت كدا مش واخدة بالى منها وبقى عندى اللون ده بس حله بسيط وسهل بس عايز مدوامة

اولا حاولى تسندى ظهرك يعنى بلاش توطى ادام عشان ينشد الجلد
بعده تحطى يوميا زيت زيتون او زيت لوز مر على المنطقة ديه عد الخط مع تكرار بيروح فعلا