كتبت بواسطة princess_sarah

هنودتى القمر...الف مبروك على الجزء العاشر و عقبال ال100
انتى شوقتينى انى اجرب الوصفة دى و هاحاول اروح فتح الله اجيب الزيوت دى...نزولى بقا صعب جدا يا نوده..الشغل و تعبه
بس عندى حاجة مهمة عايزة اسالك عليها
فى العيد تقريبا لاقيت طلعلى حبوب حمراء صغيرة جنب بعض على جنب وشى المكان اللى فوق الودن ده حطيت عليهم (فيوسيكورت) ده مضاد حيوى بس الظاهر عايزة حاجة اقوى لانهم لسه موجودين و مخوفنى و انا معنديش وقت خالص اروح لدكتور...ياريت تقدرى تفيدينى يا نودتى
معلش يا هنوده بأتقل عليكى بس احنا قدرك يا ريس
دعواتى ليكى دايما

سارة عاملة ايه شدى حيلك فى الشغل معلش كلنا لها
الحبوب ممكن تجربى فيوسيدين هو مضاد حيوى قوى للحبوب وهى بتاخد وقت شوية بتروح متقلقيش المضد بينشفها وتبتدى تختفى حطى فيوسيدين مرتين فى اليوم

كتبت بواسطة i muslmah

بجد مواضيعك مفيدة اوي


بس ممكن عندي كم استفسار كده عن الاسعار عند فيسيز

كنت عايزة اعرف اسعار اقلام الكحل الملونة بتاعة برجو اللي بلمعة واللي مش بلمعة
وكمان ال اي شادو اللي هما لون واحد بـ3 درجات مع بعض
وكمان البلاشر بتاعهم نفس اللي في الصورة دي



وكمان لو موجود اقلام كحل ماركة ديانا اوف لندن اللي بلمعة
وكمان قلم كحل نيفيا الاسود
وقلم كحل ريميل


وايه اسعار علب الماكياج الصغيرة ؟

جزاك الله خيرا

ازيك ياجميل
اقلام الكحل لمعة وغير لمعة 45 ج
الايشادو 3 الوان 55 ج

البلاشر اللى اعرفه اللى هو لون واحد ده كان 65

قلم كحل ديانا مش عارفة سعره
كحل نيفيا وريميل كان فى 40

علب ميكب الصغيرة مفيش منها ماركة موجودة فى فيسيز الا قليل يعنى لما بروح مش بلاقى غير نوع واحد او اثنين فيهم حاجات بسيطة اوى بس مش فاكرة السعر ..

ممكن تلاقى فرق فى الاسعار بسيط لان كل فترة بلاقى حاجة زادت تمنها يعنى ديه اسعار من كذا شهر لما كنت عندهم

كتبت بواسطة ملوكة 12

الف مليووووووون مبروك على الجزء العاشر ومليون مبروك على
تواجدنا واستمرارنا مع بعض يا احلى اخوات فى الدنيا

نودى معلش ليا استفسار هو القولون العصبى ممكن يساعد على تراكم
الغازات داخل الجسم ؟ وهى دى ممكن تزود منطقة البطن طب لو كده صح ازاى
نقدر نتخلص من الغازات دى

وتسلمى على الخلطة ان شاء الله هجربها انا بقى يقولولى ان انا بقيت تخصص خلطات
ولا العطار شويه كمان وهيدعيلى من كتر الزيوت اللى بشتريها منه
وهخليه يدعيلك انتى كمان طبعا انتى الاساس

ملوكتى وحشتينى اوى
الغازات طبعا بتعمل انتفاخ وتخلى شكل البطن اكبر
فى وصفة حلوة للغازات الكمون بتحطى كمون فى كوب ماء ويغلى وتشربيه كل يوم كوب والافضل خليها قبل النوم بينظف المعدة من الغازات

لما تاكلى امضغى كويس عشان بلع الاكل بيخلى فى هواء بيدخل بيعمل غازات

كتبت بواسطة روزي روز

ازيك هنوده ومبروك علي الجزء العاشر وعقبال الميه ان شاء الله
وعندي رجاء منك
انا وشي بايظ بمعني الكلمه انا بيضه بس وشي بهتان ومسمر عن لونه الطبيعي وفيه بقع بنيه مكان اللعب في الحبوب وفي حبوب وانا مخطوبه ونفسي خطيبي يوم مايجيني يلاقي وشي منور وصافي علما اني مش بحط مكياح خالص غير قلم الكحل بس ارجوكي الحقيني من اللي انا فيه وساعديني ومنتظره الرد بفارغ الصبر

روزى ياقمر ازيك
بصى حبيبتى لازم تبطلى لعب فى الحبوب لان البقع واللون اللى مش متوحد بيبقى بسبب الحبوب وانتى كمان بتلعبى فيها بتزوديها

انتى اعملى سكرب خفيف عشان تجددى البشرة اعملى ملح مع ليمون
وحطى ماسك لو بشرتك عادية يبقى اللبن مع العسل بينظف جد ويفتح
لو دهنية حطى بياض بيضة مع ليمون

زى ما قالتلك مونى ماسك زبادى مع الخيار تحفة بيشيل البهتان وبيخلى وشك منور وبيرطب تجيبى زبادى وابشرى عليها خيارة وتقلبيهم وتحطى على وجهك

كدا وشك حيرتاح اعملى مرة فى الاسبوع سكرب وبعده عالطول ماسك
لو لسه فى حبوب روحدى دكتورة جلدية عشان تعالجيها لان الوصفات تنفع بعد الحبوب مش بتعالج الحبوب

كتبت بواسطة ايمان مونى

هنوووووووووووووووووودة
الف مبروك يا حبيبتى على فتح الجزء العاشر وعقبال الالف وانتى بالف خير وسعادة
بس انا اول مرة اسمع عن زيت الشبت ده على العموم جزاكى الله خيرا يا قمر على الوصفة وهحاول اجربها

مونى ازيك ياقمراية وحشتينى كتير جدا
زيت الشبت موجود ورخيص

كتبت بواسطة az-butterfly

السلام عليكم

ازيكم يا احلى بنات عاملين ايه كلكم؟؟

بسم الله ما شاء الله ياهنودة الجزء العاشر
والله اتفاجات ... ما شاء الله.... ربنا يجازيكى خير ان شاء الله...

ربنا يكرمك ويجمعك بزوجك فى القريب العاجل ان شاء الله على خير ...

جزاكى الله خير يا " هنودة".. ياقمر

ومبروك علينا الجزء العاشر ... ربنا يجعله فى ميزان حسناتك يارب العالمين

عزة عاملة ايه يارب تكونى فى احسن حال مفتقدكى من زمان

كتبت بواسطة nnnnn_nora

ماشاء الله ياهنوده
رااااااااااااااائع وانا سجلته عندي لان محتاجاه كتير
بجد ملفات رائعه من احلي هنوده
حببيتي انا اتشغلت شويه عن الركن كنت بدخله قليل
ان شاء الله اتابع معاكي

نورا انتى فينك من زمان مش شوفتك وحشتينى كتير جدا يالالا بقى ارجعلينا

كتبت بواسطة hasby_raby_77

الف مبروووووووووووووك يا هنوده
اسأل الله لكى ان تكونى ممن يحبهم الله فحبب عباده فيه
الف شكر على الوصفه بس هل بتقل الشعر ولا ايه يا هنوده

ايمان مونى ازيك حبيبتى وفعلا زيت الشبت موجود
بس قوليلى ماسك الزبادى والخيار بتعمليه ازاى يعنى بتعصرى الخيار ولا ايه

ازيك يا راندة عاملة ايه
بصى الوصفة تغذية وتقل الشعر وتنعمه وتخليه رطب يعنى كذا فايدة حلوة مع بعض

كتبت بواسطة سونيا سيتا

السلام عليكم ورحمة الله وبركاته

ربنا يبارك فيكِ يا هنوده ويشرح صدرك كما شرحتي صدورنا جميعا بوصفاتك الحميله وافكارك ونصايحك ... على مدى ال 10 أجزاء... في تقدم ان شاء الله حبيبتي

انا كنت قرأت أجزاءك وكان ليا أسئله..
انتي لما جيتي تتكلمي عن الإهتمام بالمنطقه الحساسه قلتي من ضمن النقاط إن احنا لا نلبس بناطيل جينز... ياريت توضحيلي النقطه حبيبتي....

وبرده حاجه تانيه أنا عندي الفخذين بجد نفسي اخسسهم لانهم عاملين ليا مشاكل كتيره أوي في اختيار البناطيل اللي ألبسها.... فلو عندك وصفات او تمارين ياريت تقوليلي.. ولو أي أخت عندها فكره تقولي برده...

وربنا يجازيكم خير حبايبي اخواتي

سونيا منورة ياقمر عاملة ايه
اللى قصدع بنطلون جينز ان فى بنات تلبس بنطلونات ضيقة جدا ومدة طويلة واوقات بتنام بيها هو ده اللى بيبقى غلط على منطقة اما اللبس بنطلون العادى والوقت العادى ده مفيش مشكلة منه

بالنسبة لمنطقة الفخذين احسن حل لهم طبعا التمارين بلاش تدوخى نفسك فى وصفات هى احل حل عملى التمارين والمشى بصى حتلاقى فى اول الجزء ده فى اول صفحة لينكات منها لينك تمارين الارداف ادخلى عليهم وحتلاقى تمارين وحاجيبلك صور تمارين تانية واحطهالك اوك

مبروك نودي على الجزء العاشر ومبروك على لمتنا ثاني مع بعض الله العالم معزتك عننا قد ايه
سلامـــــــــــــــــي ياعسل

إزيكم يا أحلا بنات ....

أختكم جديده على الموضوع وجديده على المنتدى

لكن قريت الروابط ال9 اللي فاتوا تقريبا حفظتهم .. وكان نفسي اشاركـ معاكم

هنــودة طبعا شكر ليكي من قلبي حبيبتي

وأنا متابعه معاكم من الأن .....

مبرووكـ علينا الجزء العاشر

أختكم مسكـ

كتبت بواسطة hasby_raby_77

الف مبروووووووووووووك يا هنوده
اسأل الله لكى ان تكونى ممن يحبهم الله فحبب عباده فيه
الف شكر على الوصفه بس هل بتقل الشعر ولا ايه يا هنوده

ايمان مونى ازيك حبيبتى وفعلا زيت الشبت موجود
بس قوليلى ماسك الزبادى والخيار بتعمليه ازاى يعنى بتعصرى الخيار ولا ايه

ايوة حبيبتى بتعصرى الخيار وتخدى العصير تحطيه على الزبادى او ممكن كمان تحطى الخيار المبشور فيه
انا جربته حلو اوى وكمان ممكن تحطى العصير فى ازازة وتدهنى وشك بيه كل يوم قبل النوم بقطنة حلو اوى بيرطب البشرة ويفتحها وينعمها وتحطى الباقى فى التلاجة وكل يوم تدهنى منه
ده ليه مفعول رهيب بس طبعا تصبرى عليه بس من اول اسبوع حسيت بفرق
وبالتوفبق ان شاء الله