السلام عليكم ورحمة الله
دايما داوشاكم بمشاكلي لكن عن جد انا برتاح كتير لارائكم.
ادخل في الموضوع من غير مقدمات
من كام يوم امي كلمتني و قالت لي انها بتحاول تقنع اخويا انو يتزوج تاني بعد ما طلق زوجتو الاولى. طبعا هاذا الشي رائع و بيفرح. لكن انا بعرف انو اخويا دايما مرتكز على اهلي ماديا علما انه هو اكبر مني سنا. و دايما بيطلب فلوس من اهلي و امي و ابويا ما بيتاخرو عنو. طلباتو مجابة مهما كان سعرها. عادي مهو الحيلة. ففي فرحو الاول اهلي اللي انفقو كلشي حتى شهر العسل و تذاكر الطيارة منهم عكسي انا تماما فرحي سوالي اياه زوجي و اهلي ما انفقو اي شي و لا سنت علما انه اهلي مرتاحين ماديا و حتى اذا كانو مزنواين بيدبرو حبايبهم كتار.
فمن كنا صغار و بيفرقو بيناتنا الصراحة ما اخبي عليكم صار عندي تراكم لانهم بيغلطو معي كتيييير فلدرجة صار عندي نفور من عيلتي بطلت عندي اهتمام صرت ببعد مش بس جغرافيا بل حتى عاطفيا و مع ذلك محافظة على صلة رحمي لاني بخاف رب العالمين.
فامي طلبت مني اضغط عليه من جهتي انو يوافق على الزواج. لكن انا عندي احساس و انطلاقا مما استنبطته انهم حيدفعولو كمان مرة كلشي يعني عفش و فرح و مهر و تذاكر و شبكة. و امي بتطلب مني اني انسى الماضي. لكن بيني و بينكم انسى ايه و لا ايه انا بمجرد ما بحكي مع اهلي كل الجروح عندي بتنفتح. و لسا مصرين ينفق على اخويا كمان مع انو هو الشب و اكبر مني لسا بدهم يدلعوه.
انا وصلت للاحساس اني خلاص بطلت احب اهلي بالمرة صار في قلبي برود و جفاء.
يعني ظلم و تفرقة ووو. خلت قلبي ينفر من اهلي و لسة راح يكملو فهالمشوار بما ان امي بتفكر فزواج مرة تانية.
مع انو قلبي بينفر من اهلي و ما بحبهمش لكن محافظة على صلة رحمي. و بتحمل كلشي من اهلي و لا بعصب عليهم مع اني دايما مستاءة من تصرفاتهم. اضغط على حالي و بحكي معهم بكل ادب، حتى مشاكل في حياتي ما بحكيها. و بضحك في وجهم مع اني لا اطيق سماع شيء منهم.
هل البر بالوالدين هو احترامهم ام لابد ان اكون بحبهم.
امي دايما بتطلب مني النسيان. لكن كل ما لفيت الصفحة و قلت عفى الله عما سلف. افتكرو اني خلاص سامحت و سوولي سي اعظم. حتى زوجي صار يستاء من ظلمهم لي في جميع الاصعدة و خصوصا المادي.
سوالي هل هذا نفاق ما افعله؟
هل يجب علي محبة اهلي غصب؟ فانا بشر و تعبت من الظلم و التفرقة و صرت خايفة انو امي تكتب البيت اللي ضايل باسم اخويا و اختي و تجي عندي بكلامها المعسول و تقولي انتي الله اداكي زوج بتنحسدي عليه هما مساكين. بعد ما باعو بيت بتلات طوابق عشان اخويا اللي مسواش شي فحياتو. و راح انجلط كمان لو يسوولو فرح و يدفعولو المهر و الشبكة و يعفشولو البيت كما العادة يشترولو تذاكر عشان يتكرم و يروح عندهم. راح تجيني السكتة. لانهم ما سوولي حتى ربع ربع اللي سوولو.
لو كنتم مكاني ايش راح يكون شعوركم. انا كل اللي بايدي انني باحتسب كلشي لله.
انا اسفة انو الموضوع كلو خاش فبعضه لانه الصراحة هو طوييييل جدا فانا حكيت بس حقبة صغيرة.
الروابط المفضلة