السلام عليكم
احكيلكم قصة عن صديقتي اقصد اللي كانت صديقتي.
انا كنت عايشة فبلد اروبي ادرس و بعدين تعرفت على بنت من بلدي. انا كنت استلطفها و عملتها متل اختي و الصراحة هي كمان كانت نعمة الصديقة الا انو الشيطان احيانا بيلعب دورو الله يبعد عنا.
انا كنت عايشة فشقة لحالي صغيرة على قدي و هي كانت عايشة فشقة تانية لكن كنا عايشين في نفس الحي، انا اجاري كان كويس مش غالي لان شقتي كانت صغيرة و اجار شقتها صار غالي خصوصا لما ابنة عمتها و صديقتها راحو عليها و ظلت لحالها بتدفع كم فلوس في الشقة. فصارت تعرض عليا اني اترك شقتي و اروح اعيش معها، ضلت تلح عليا شهووور و انا ارفض و بعدين صعبت عليا. قلت يلاه خليني اروح اعيش معها مع اني ما كنت راح اوفر شي. و ما كان عندها انترنت بالبيت ووعدتني انها تجيب انترنت للبيت و و عدتني انها مش راح تسكن حدا تاني يعني راح نعيش بس انا و هيا فشقتها لاني ما بحب اعيش مع حدا هي و تقبلتها فصعب اني اتقبل حدا تاني. المهم بعد ما انا انتقلت جابت بنتين و قالتلي بس شهر و راح يدبرو حالهم، سكنتهم فغرفة و انا كنت لحالي فغرفة و هي فغرفة. مر شهر ما راحو الشهر التاني كمان ماراحو، صارو ما بيشترو اكل بياكلو من اكلنا ما بيشتغلو ما بيدرسو ما بيسوو شي. انا باجي تعبانة من الجامعة او من الشغل بلاقي حدا داخل لغرفتي و مدور فيها صرت عصبية صاحبتي بتقولي انا راح احكي معاهم و ما بتحكي. و بتستفزني و بتقولي انا شايفة انك مش مبسوطة فالعيشة فبيتي انا قلتلها اذا هادولا ما طلعو انا بطلع.
المصيبة الكارثة اللي اكتشفت مصيييييبة لدرجة اني بطلت احب اجي للبيت بروح البيت و انا خايفة بشوف البيت كلو اسود انا بحكيلكم ليش.
الصبايا و صحبيتي معهم صارو يطلعو للديسكو يا مصيبتي و صحبيتي صارت صحبة معهم سمنا على عسل اتغيرت تماما. و المصيبة الاعظم هو انو وحدة من هادولاك البنات بتسوي السحر. الكارتة اني لقيت حالي اني عايشة مع بنات متخلفات وسخات واطيات.... لا اجد الكلمة المناسبة التي ممكن ان تعبر عن مدى تدمري من صديقتي.
صرت احس انو في الشقة اشياء غريبة اشياء لا تفسر علميا. لكن السحر و الجن و الشياطين موجودين في محكم التنزيل.
فروتيني اليومي كان اجي للبيت ساعة 7 المسا اتوضا و اصلي و اكل افرش اسناني افتح الابتوب بتاعي اشوف اذا في شي عندي اسويه و بعدين انام و اصحا اصلي الفجر.
فمرة و انا داخلة للبيت شميت ريحة مش حلوة ريحة شياط مو عادية. طنشت و لا دورت لانه كانو الشبابيك مفتوحة.
المرة الثانية عرفت انها بتسوي سحر بالشمع ما بعرف كيف لاني لقيتها متلبسة قلتلها بضيعي طاقته بالتفاهات و طنشت و طلعت. استمر الوضع اقل من اسبوع ابتديت احس باشياء غريبة بتحصل بالبيت.
ابتدت كالتالي.
دخلت للبيت ( كل هاشي صار فالصيف) و لقيت فازة واقعة و الورد اللي فيها كبعثر علما انه ما كان في حتى نسمة هوا. فلميلتها من الارض و استغربت لانو صعب انو تكون بسة لاني عمري ما شفت بسس في الحي اللي احنا ساكني فيه. كلت يمكن عصفور مع اني ما لقيت تفسيري منطقي. لاني كنت لحالي بالبيت و ما بدي يكون في شي يخوفني. دخلت لغرفتي بعد ما توضيت و سكرت الباب و صليت و كنت هاداك اليوم مرررررهقة جدااا. فاسمعت خطا من غير ما اسمع باب الشقة انفتح اسمعت خطا بتروح في اتجاه غرفة هادولاك البنات ثم باب غرفتهم اتسكر بعنف شديد انا خفت جداااااااااا لدرجة اني عجزت عن الحركة صرت بس اقرا القران المعودتان و اية الكرسي. عشان اهدا. و خفت لاطلع من غرفتي. لحديت ما اجت صحبيتي حكيتاها اللي صار و قلتلها حطي قران في مسجل عالي و حطي بخور بريحة حلوة عشان يطرد الشياطين اللي بالبيت.
انا طبعا كنت بكره هادولاك البنات فكانو بيسببولي مشاكل بيمرون عندي للشغل علما اننهم بيعرفو اني ما باستلطفهم. فكانت حياتي جحييييم معاهم و مع صاحبتي. فقررت اني اروح عطلة ارتاح فيها و اشوف اهلي لانه اعصابي فهداك البيت و مع هيك بشر صارو تعبانين و انا صرت مرهقة بطلت اعرف انام. فلما رحت عطلة عند اهلي اتقدملي شاب. ما اخبي عليكم قبلت انا قلت انا دعيت ربنا و اكيد استجاب. حتى من غير مقدمات و علما انه هالشاب من دولة تانية سوينا اوراق الزواج و كل الموافقات في زمن قياسي الحمد لله حلفت يمين اني ما ارجع لهداك البلد اللي كنت عايشة فيه. مع انو زوجي بيخليلي حرية التصرف حتى يشوف كيف انا راح اتصرف.
اتصلت فيني صحبيتي اللي كانت عطلة هي كمان ردت عليها امي قالت الها ان بنتي اتزوجت التانية ما قبلت الفكرة او بالاحرى المفاجاة. و اتصلت فيني و قالتلي انا جاية اتعرف على زوجك قلتلها انا زوجي لرجع عبلدو و انا باستنى التاشيرة.
و الله كان نفسي ادعيها عالفرح لكن خوفي انها تجيب معها البنت المشعودة التانية.
صحبيتي لما لجعت لشقتها كسرت كل الشقة من غضبها. لكن الصراحة انا ما ضحكت عليها. انا ندمت كل الندم اني شبت شقتي اللي كنت مرتاحة فيها. عشان اروح اساعدها ماديا. رغم انها لم توفي بولا وعد. و جابتني اتنين صايعات ضايعات اتصاحبت معهم مشعودات. حسبي الله و نعم الوكيل.
انا كنت بحترمها و هي محترمة لكن شخصيتها ضعيييييفة بما ان جاهلتين متخلفتين عرفو يضحكو عليها.
ايش رايكم
الروابط المفضلة