السلام عليكم ورحمة الله وبركاته


من أجمل ماينتظره الزوجان هو قدوم المولود الاول حيث يوطد اواصر المحبة بينهما

ويدخل البهجة والسرور فى عالمهما..

غير ان هناك امور تبدأ بالتغيص على هذا الحلم ..الا وهى تسمية المولود..

من خلال ماسمعت ومارأيت ان هذا الامر يسبب اشكالية كبيرة عن الزوجين

فمن منهما احق بتسمته..!!!

ونحن هنا لانتحدث عن اصل هذا الشئ فى الشرع لان تسمية المولود لابيه..

ولكن اصرار الزوج على بعض الاسماء التى لاتحبذها الزوجة..

او اصرار الزوجة على اسم لايريده الزوج...

وبالاخص مايتعلق فى اسم الجد او الجدة..كماانه فى كثير من العوائل يتدخل احد الاجداد

فى تسمية المولود ..وهذه الحالة اعرف صاحبتها حيث انها وزوجها لايعلمان ماأسم ابنهما

يقوم والد الزوج بزيارة الزوجة عند اهلها بعد سبعة ايام ويسمى المولود بنفسه وليس لهما

الحق فى الاعتراض..

ولى قريبة حدث شجار كبير بينها وبين زوجها على تسمية ابنهما البكر..

هذا غير اصرار احد الازواج على تسمية اولاده جميعا باسماء اجداد اجداد اجداده...

هنا نريد ان نستمع الى حكاياتكم وقصص تسميتكم لابنائكم..

هل عندكن نفس المعاناة ام الامر ياتى بالاتفاق..؟؟؟؟

انا شخصياً طريقتى فى تسمية اولادى بالاتفاق مع والدهم كلٌ منا يعرض الاسماء المقترحة

ثم نرى ايهما له قابلية اكثر ...فنتفق عليه..وطبعاً هذا يكون من بداية الشهر السابع..

((((هذا غير اصرار احد الازواج على تسمية اولاده جميعا باسماء اجداد اجداد اجداده )))))



...


أنتِ لسى مانمتِ ..


بصراحة احلى شي الإتفاق بين الزوجين وبسسس

انا من تاني اعدادي اسم ابني جاهز
اي اعتراض حضرب بالمليان


قولي والله انو بالشرع من حق الاب تسمية الاولاد؟؟

انا ناوية أشرط بالعقد اني اسمي أولادي

أخوي الكبير جدتي سمتو على اسم جدي ولانو كان متوفي

انا كانت حابة تسميني على اسمها (عبلة) امي قالتلها انو هي مازالت على قد الحياة بس أمها هي (لامي يعني) متوفية فهي حابة تسميني على اسم أمها
هي جدتي سمعت اسم ام والدتي من هون وما جابت سيرة (اسمها نظيمة)
طبعا ماما عملت هالفلم عشان جدتي ما تسميني على اسمها

والحمدالله سموني اسم صغنطوط من 3 حروف

أخوي الصغير كنا مقرريرو اسم من قبل ما يتولد مابعرف كيف كنا عارفين انو ولد
بس يمكن احساس الام
بس صاحب أبوي (بيفلسف كتير) قال لوالدي سميه هادي بيطلع من القلب
وسموه
بس احنا بناديه بالاسم الي ماما اختارتو حتى أبوي

بالغالب بسمع انو الاب بيسمي الابن والام البنت

كتير بحب هالمواضيع
شكرا

صحيح زوجي دوخني قبل ما يعطيني الأوكي على اسم البنوتة.. وحط 100 شرط .. بس بالاخير اختار الاسم اللي انا اعطيته ياه.. و انا رايي ان الحق فقط للأهل بتسمية اولادهم و باتفاق تام بينهم ..

أما تسمية الابن باسم الجد بصراحة الموضوع بعد فترة بيصير ممل لما الولد يكون اسمه علي خليل علي خليل علي خليل ...

هالناس في مجتمعاتنا كل شي بدهم يعملوه مشكلة !!
حتى الفرحة بتتحول مشاكل وخصام !
والله شي بيعقد

اسم ابني عمر اتفقنا عليه بعد كتب الكتاب بخمس دقائق

كتبنا الكتاب وجلسنا مع بعض وأنا طبعا ساكته , فيعني بده يفتح موضوع سألني شو بتحبي اسم ابنا يكون قلتله بحب عمر
حكالي وأنا كنيتي من زمان أبو عمر !

ربنا ستر .

أما اسم البنت دائما عنا مشكلة مع كل حمل, ما بنعرف نوصل لاسم ... وفي النهاية "أنا " بقرر إنه لو بنت بدي اسميها (بيان) على اسم اختي الصغيرة حبيبة قلبي ونسختي التانية.

والله مشكلة ... من له الحق بتسمية المولود..
في فترة الخطوبة زوجي قال لي ان اسم البنت الأولى على اسم أمه فوافقت مضطرة والحمد لله اسم أمه حلو ومودرن اسمها عليا.... بس أنا أضفت الهمزة.. يعني علياء...
والولد الأول بده يسميه على اسم أبوه بضغط من عمه واخته وامه وابوه يعني العيلة كلها بس شافني زعلانه فقال لي شو رايك نغير أنا بطبعي باحب الأسماء العربية الصغيرة فسمح لي أسمي الولد وقلت له اين يختار بين معاذ، ومعاوية وعدي بفتح العين وكسر الدال. فاختار الاسم الثالث.
ولما شرف الابن الثاني قال لي بس انا بدي اسمي على اسم الوالد علشان ابوه زعل واخذ موقف فسماه ابراهيم مع العلم ان اخوان زوجي الثلاثة مسمين ابراهيم وهذه مشكللة لان اسم ابني ابراهيم محمد مكرر شي 6 مرات على نفس الوتيرة.
وعند البنت الأخيرة قال لي نفسي باسم وعد شو رايك قلت موافقة بصراحة الاسم حلو وصغير.
وبهالطريقة انحلت مشكلتي.
بس الصراحة اختيار الاسم مشكلة حين يتدخل أهل الزوج ويفرضون أسماء بعينها.

الله يستر ....

شكلها شغلة عن جد بتعمل مشاكل ؟؟ و لاحظو كلهم من الخطبة و هم يلحنو ..بدي اسمي على اسم ابوي ... يا ويلي ...
زوجي كمان بده يسمي على اسم ابوه مع انه اخوه مسمي ( مصطفى ) و عمي الله يعطيه الصحة بعده عايش .. والاسم مع انه حلو بس.... كبير على اسماءنا انا و زوجي يعني مش لابق
و انا كتيييييييير حابة اسمي عمر من زمان .. حكالي يا ستي الاول مصطفى و التاني عمر و التالت علي و بعدين عثمان ....
بس لانه اهم اسم هو اسم اول ولد لاننا رح نحمل هالاسم .. فكرت اني اضل ساكته ووقت الجد احكيله لا خلص بدي عمر ... بس شكله مااااا رح ينفع .. لازم تفاهم من اول

والله مشكلة مسألة الاسامي.........
انا صار عندي اختلاف في مسألة اسامي البنات في الاولى....كان نفسي اسمي بنتس اسم غير ها الاسم......وكان موافق على ها الاسم.....راح سوى اتصالاته بأهله...غير له الاسم....يعني ممكن تقولون له صغر الاسم بس.......وسميناها(ليـان).......عند البنت الثانيه كان هو يبي اسم شرين...وانا كنت ساكته...وبعدين غير رأيه وقال اسم دينا احلى...قلت توكل على الله.....
وسبحان الله الطفل بيأخذ من اسمه كثير....ليـان...نعومه ولينه في كل شيء
ودينا.....ماله اي معنى الا انها شقية وحركيه الله يصلحها ويستر عليها هي وأختها
المشكلة اللي جاية الحين.....يقولي اذا كتب ربي وحملتي...ايش بتسمي البيبي اللي جاي
بقوله....اذا بنت...سديم...عاجبني الاسم...زي اسم اختي
واذا ولد...سميته يا فارس....او ثامر
بس اهم من كل اسامي الاطفال...حسن الخلقة والخلق.......هذا اهم شيء لي بعدين يجي الاسم
والله يوفقنا ويزقنا ان نربيهم تربية صالحه...ويستر عليهم يارب
.........
وسلمتي عزيزتي......كروانه على موضوعك الجميل

شمولة ..أهلين ياسهرانة..وخير الكلام ماقل ودل ..


LeEn..من تانى اعدادى يامفترية ..هذا اسم مع سابق الاصرار والترصد..بس مشكلة كبيرة تدخل الاجداد فى الاسماء



Dandosh..هما كذا الرجال يطلعوا روحك على مايوافقوا ..لييه مااعرف..وفعلا اسم الجد المتكرر بيكون ممل تخيلوا فى واحد عندنا شارط على جميع اولاده وبناته يسمون اسمه وفعلا كلهم مسمينه..



أفنـ أم عمر ـان..انا قايلة من الاول انك مستقوية عليه اولها مابيسترجى يتأخر واخرها اسم ابنك..الله اعلم شوفى بيناتهم.

ههههههههههههههههههههههه , لا حرام عليك .... والله إني حبابة كتير ومسااااالمة لأبعد درجة