السلام عليكم ورحمة الله
موضوع شوفته بيتكرر امامى اكتر من مرة حبيت اشرككم فيه واخد ارائكم
واحدة اتعرفت عليها جارتى من نفس جنسيتى لكن ليست من ديانتى وانا معنديش مشكلة فى كده لو كانت كويسة ومحترمة .. على الاقل لها دين ودين سماوى فى بلد اكثرها لا دينيين ..
هى ست جميلة وكويسة فعلا .. عندها ابن واحد اكبر من ابنى بشهور قليلة ....كنا احيانا نتبادل الزيارات او نخرج مع بعض نشترى بعض حاجات البيت والاولاد
المهم هى على طول كانت تتهمنى بالتبذير وصرف الفلوس فى اشياء لا تفيد .. مثلا ليه تشترى لابنك طقم ب 20 دولار ؟؟ ماتروحى (.....) القطعة الواحدة فيه بدولار - طبعا هذا المكان هو مكان لبيع القطع المستعملة القادمة من التبرعات- وانا كنت اقول فى نفسى معلش يمكن تكون محتاجة .. يمكن امكانياتهم المادية ضعيفة .. بعد كده عرفت ان زوجها بيشتغل فى وظيفة هايلة ومرتبه كبير جدا تقريبا ضعف مرتب زوجى واظل اقول يمكن بيصرفو على حد تانى من الاهل .. ماحنا برضو زوجى بيبعت كل شهر لاهله ..
طيب بعد شوية عرفت ان عندهم سيارة -
شوية كمان لقيتها بتسالنى : هتدخلو الولد مدارس حكومية ولا خاصة ؟؟؟ احنا مفلسين معندناش ندخله خاص
قلت لها : احنا فين والمدارس فين ياترى مين يعيش .. مش يمكن نكون سيبنا البلد دى اصلا
( طبعا احنا اقامة مؤقتة مالناش اى حقوق فى البلد دى لكن هم اقامة دائمة بسم الله ما شاء الله .. يعنى اصلا الحكومة بتديهم اعانة للولد ولدراسته)
المهم مر على اخر مقابلة لينا اسبوعين .. فكرت فى يوم اتصل اسال عليهم واطمن عاملين ايه .. لقيتها بتقول لى اعذرينى مقصرة معاكى ... اصلنا اشترينا بيت جديد وبننقل فيه !!!!
بيت جديد !!! طيب ربنا يهنيكو فيه يا ستى
التفاصيل طبعا ان البيت بحوالى نصف مليون دولار وانهم دفعو جزء وقسطو الباقى مع بنك وبلا بلا بلا ..
ربنا يهنيهم ويسعدهم فيه طبعا هما ناس كويسين ويستاهلو كل خير
موضوعى هنا عشان .. هو انا صح ؟؟؟ انا والله باصرف فى الضرورى جدا وباحاول اوفر قدر المستطاع بس مش لدرجة اجيب من هدوم التبرعات مع ان الجديد مش غالى نار يعنى
ماينفعش انزل فى الشوارع ادور على عفش بيتى من الدامبلينج ( الاثاث الغير مرغوب فيه الناس تطلعه فى الشوارع بمواعيد محددة حتى تتخلص منه و طبعا يعامل معاملة القمامة) بدل ما اشترى !!!
هو طريقة جارتى صح؟؟ هو انا هافضل طول عمرى من غير فلوس ادخار ؟؟ هافضل طول عمرى فى الايجار؟؟؟
حابة اشارككم فى مناقشة الموضوع ده
الروابط المفضلة