كتبت بواسطة كنزى احمد

حبيبتى يا نجلاء

ربنا يعملك الخير

انا مش لاقية كلام اقولة غير اللى قلتهولك

بس اكيد ربنا هيديكى بنيتك

ادعيلى يا اميره لانى خلاص قربت يحصلى حاجه بسبب الموضوع ده لانه تاعبنى جدااااااااااااا

ربى يعنى على القرار الصائب الذى ارضى به الله وزوجى

كتبت بواسطة العجورية

اختي الحبيبه
فرج الله همكم ونصركم واعلى شانكم بين الامم
والله ان القلب حزين عما يحدث في مصر الحبيبه على قلوبنا
اعتقد انه مش حرام تشيلي النقاب وخاصه نحن في وقت فتنه
انا اليوم سمعت اخت على المنصه قالت انها خلعت النقاب حتى تتمكن الحضور من المنصوره الى الميدان
انت كارهه لهذا االعمل وكشف الوجه والكفين ليس حرام ولكن عند الفتن ممكن ان نتقيها
ممكن يحصلك مشاكل ولاولادك ايضا انت في غنى عنها وتصبحي مخطئه من وجهة نظر زوجك
ويحملك مسؤلية النتائج السيئه التي ستحدث لا سمح الله
يارب يريح بال كل المسلمين والله انا تعبنا كثير

والله يا اختى انا مش عارفه طيب لو حصل وقمت بخلعه هل سكون بذلك ارتكبت ذنب عظيم

وبعدين انا حاربت كثيررررررررررررررررا من اجل النقاب وكنت اشجع الجميع على ارتدائه

انا حاسه انى مش هقدر اعيش من غير النقاب حاسه انى مثل العريانه من غيره ولا اتصور حالى اخرج الشارع من دونه

خايفه اوى من ربنا احسن يغضب عليا بسبب هذا القرار خايفه ان اموت وانا على هذا الوضع بدون النقاب هقابل ربنا واقوله ايه استسلمت بسوله لمخاوف زوجى التى هى فى علم الغيب

فكرت كثيرااااااااااا ان لا اطيع زوجى فى موضوع خلع النقاب وكنت مصممه على ذلك بس لقيت نفسى انى بكده هكون عاصيه لاوامر زوجى وهدخل فى باب من تلعنها الملائكه

انا بين نارين خايفه من ربى بسبب خلع النقاب لو قمت به وفى نفس الوقت خائفه من معصيتى فى عدم اطاعة زوجى

الان من يجب ان اطيع انا عايزه ارضى ربنا


كيف ارضى ربى فى حجابى وزوجى ؟؟؟؟

مازلت فى حيره هتجنن

كتبت بواسطة *سهام الليل*

الله يهديك للقرار الصائب .نجلاء..لو كنت مكانك كنت وقعت في نفس الحيرة

ربنا يباركلك اختى ادعيلى ارجوكى لانى بجد تعبانه اووووووووووووووى

السلام عليكم أختي نجلاء معانتك هي معاناتنا جميعا
ولاكن أنا رح أقولك على فكره أتمنى تنفع في حالتكم هذي
حسبي الله عليهم أذا مايبون الحجاب أنتي تعرفين الغتره أو الشماغ
أكيد موجوده عندكم تحجبي بالشماغ وأذا سألوك قولي أسناني تعورني
والحرب خدعه

كتبت بواسطة ام اروى 86

الاخت الغالية نجلاء

آلمنى جدا حديثك وما آل اله حال مصر الحبيبة

مصر بلد الازهر الشريف

اسال الله الجبار المنتقم ان ينتقم ممن كان السبب وان يفرج الكرب اللهم امين

والله يا غالية انا شايفة ان الحرب مش بس على المنتقبات لا على كل المحجبات عامة

ربنا يحفظ نساء المسلمين فى كل مكان يارب العالمين

اللهم مكن لدينك ولعبادك المؤمنين يارب

بصى يا غالية بغض النظر عن حكم الشرع فى لبس النقاب فرض او فضيلة

الا ان شعور المنتقبة عندما تخلع نقابها سترها وحياءها وتمشى بوجهها امام الناس شعور صعب جدا

اسال الله الايكتبه على اى مسلمة

احس بهذا الشعور عندما يرانى احد اقاربى عن طريق الخطأ فى منزل العائلة مثلا

انا هقولك هعمل ايه لو كنت مكانك مع انى شايفة انه حل صعب

انى اقعد فى بيتى ما اخرج منه ابدا الا للضرورة القصوى حتى ياتى الفرج من عندالله

عفتى وطهارتى....سترى وحيائي...حجابى ونقابى ..اغلى عندى من كل شئ

نسال الله الثبات على الحق

حبيبتى قلبى معك ومع كل اخواتى المنتقبات والمحجبات فى مصر

اعلم انها حرب شرسة على الاسلام ولكن قد يكون ابتلاء من عند الله ليمتحن المؤمنين

من سيصبر على ايمانه وعقيدته ومن سيسارع بالانسلاخ منها

هذا هو زمن الغربة فى الدين الذى حدثنا عنه حبيبنا محمد صلى الله عليه وسلم

فطوبى للغرباء .....طوبى للغرباء

فعلا اختى الحبيبه طوبى للغرباء من ايام مبارك واحنا نحارب ونعامل كاننا مواطنون درجه ثانيه

كنا نمنع من دخول بعض النوادى العسكريه وبعض الكليات

كانوا يتهموننا بالتشدد والارهاب

ولكننا كنا بنصبر ونحتسب وكنا زى ما بيقولوا كنا بنمشى جنب الحائط يعنى مكناش نتكلم فى اى حاجه تخص البلد او بمعنى اخر كنا بنستخبه منهم

كل ده وكنا صابرين من غلبنا وجبارتهم

اما الان وبعد طول انتظار ظننا ان الفرج جاء واننا كنا سنشعر بالحريه التى نريدها واننا لن نعامل بعنصريه كما كان يفعل نظام مبارك

ولكن للاسف صار الوضع للاسوأ

واصبحنا نحن الاداه التى يخوفون بها اى ملتزم

لو كنت حره ولست تحت زمة زوجى ما كنت اعرض الان عليكم مشكلتى لتفكرون معى وتنصحوننى بما هو اصح

كنت ما فكرت ابدا فى خلع نقابى وكنت تمنيت الموت على ان اخلع نقابى لانه بالنسبة لى هو حياتى


ولكنى الان مسؤله عن عائله بحالها وناس كتير مسؤلين منى وعلى مراعاتهم وفوق كل ذلك زوجى الذى له حق الطاعه

الان كل ما احاول ان اقنع زوجى به بعدم رغبتى بخلع النقاب ولكننا كلما تناقشنا زادت حدت المناقشه وقال لى انا مش بقولى امشى عريانه فى الشارع

انتى بتحسيسنى انى مش خايف من ربنا وانى اريد منكى لا سمح الله عمل شيء حرام

لو حجابك العادى الذى يظهر الوجه حرام عمرى ما كنت طلبت منكى ذلك لانى اخاف من ربنا وانتى والاولاد مسؤلين منى وانا المسؤل عن سلامتكم ولن اسامح نفسى لو تعرضتوا لاى ازى

وذلك بسبب انك تتمسكين بشيء يعلم الله اننا مجبورون على فعله

وماذا ستفعلين عندما تجدى احد اولادك تعرض للاذيه بسببك

احنا فى فتره الكل مغيب فيها عقله والدماء اصبحت رخيصه

ولو تريدين ان اتحمل انا الذنب عنكى سوف اتحمله لانى احميكم وهذا واجبى


عندما يتكلم معى زوجى لا اجد ما اقوله لان كلامه كله لا يقدر احد ان يقول عليه انه خاطئ وعنده حق فى كل ما يقوله بسبب ما يراه من احداث عنف فى الشارع

ولكنى من ناحيه اخرى مش عارفه هخرج من بيتى ازاى من غير النقاب

والله العظيم انا ما عارفه ومرعوبه وخايفه من ربنا عماله اتحجج باشياء كثيره لعدم خروجى من البيت وخصوصا انى لسه خارجه من عمليه جراحيه من شهر تقريبا

بتحججج ان الدكتور مانعنى من الخروج بس لغاية امتى هفضل اتحجج بهذا خايفه يجى اليوم واضطر للخروج فيه ماذا سأفعل ؟؟؟؟

فكرت كثيرا ان اعمل انى خارجه من غير نقاب ومن وراء زوجى اخرج به ولكنى لا اعرف هل هذا صح ولا غلط؟؟؟؟؟؟ والله ما عارفه

فكرت ان اذهب عند امى طوال هذه الفتره واعمل زعلانه واسيب البيت بس هل ده حل ؟؟؟؟؟

فكرت اخذ موقف واقول انى غير موافقه وانى لن اطيع زوجى فى هذا الامر حتى لو غضب على واصبح غير راضى عنى بس هل هذا حل ؟؟

عماله افكر فى مليون حاجه بس للاسف كلها ستؤدى الى مشاكل كبيره

حاسه انى فى كل الاوضاع هكون انا من ستخسر كل شيئ وانا من ستدفع الثمن

فى النهايه هناك من سيؤذى بهذا القرار .........

ولكن من سأختار لاضحى به ؟؟؟؟؟

هل نقابى ؟؟؟؟

ام زوجى ؟؟؟؟

ام اولادى ؟؟؟؟

ام بيتى الذى يمكن ان يتخرب ؟؟؟؟؟؟؟؟

من سأختار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كتبت بواسطة ام اروى 86

خالتو العجورية اسمحيلى اقول حاجة بسيطة

مع احترامى الشديد لرايك

لكن لو كل منتقبة خلعت نقابها علشان الاحداث فى مصر هنكون بكده حققنا للعلمانيين هدفهم !

هم اكبر امانيهم ان يختفى النقاب واللحية من الشارع المصرى ويكون سمت البلد السمت العلمانى

فهل نحقق لهم امانيهم؟؟

وفى نقطة كمان :قل لن يصيبنا الا ما كتب الله لنا

واعلم ان الامة لو اجتمعت على ان ينفعوك بشئ لم ينفعوك الا بشئ قد كتبه الله لك
وان اجتمعوا على ان يضروك بشئ لم يضروك الا بشئ قد كتبه الله عليك رفعت الاقلام وجفت الصحف

وقدرالمؤمن محدد بوقت معين اذا جاء وقته اصابه سواء كان فى الميدان او فى بيته

سواء كانت الاخت بحجابها او تخلت عنه ما كتبه الله لها او عليها سيحدث

فلنصبر قليلا حتى يرى الله صدق ايماننا وعقيدتنا

ولنتامل معا هذا الحديث:
ثني محمد بن المثنى حدثنا يحيى عن إسماعيل حدثنا قيس عن خباب بن الأرت قال شكونا إلى رسول الله صلى الله عليه وسلم وهو متوسد بردة له في ظل الكعبة قلنا له ألا تستنصر لنا ألا تدعو الله لنا قال كان الرجل فيمن قبلكم يحفر له في الأرض فيجعل فيه فيجاء بالمنشار فيوضع على رأسه فيشق باثنتين وما يصده ذلك عن دينه ويمشط بأمشاط الحديد ما دون لحمه من عظم أو عصب وما يصده ذلك عن دينه والله ليتمن هذا الأمر حتى يسير الراكب من صنعاء إلى حضرموت لا يخاف إلا الله أو الذئب على غنمه ولكنكم تستعجلون

اختى الغاليه صدقينى هذا ما اعتقده وهذا ما افكر به ولكن ماذا سأقول لزوجى الذى يطلب منى حقه فى الطاعه وتلبيت اوامره خصوصا انه لا يأمرنى بشيئ حرام فما يطله ايضا يقره شرع ربنا

ماذا اقول له وكيف سيكون جوابى وخصوصا لو ادى هذا الشيئ الى تفاقم المشكله بيننا ؟؟؟؟؟؟؟

هل استمر على موقفى فى عدم الموافقه واعند معه م ماذا افعل ؟؟؟؟؟

ما هو الصواب ؟؟؟

غاليتى نجلاء
مقدرة جدا الحيرة التى تمرين بها
شوفى اللينك ده

محررة «الشروق»: «عباءتي» وراء اعتداء البلطجية عليّ ظنا منهم أنني «إخوان» - بوابة الشروق
اعتدى عليها البلطجية وهى لابسة عباية سودا وايشارب
يعنى العداء دلوقتى لاى حجاب وان كان بنسبة اكبر للمنتقبات
اى واحدة محجبة بيشكوا انها تبع الاخوان عالطول
حسبنا الله ونعم الوكيل
انا عايزة اوصل نقطة مهمة جدا :قل لن يصيبنا الا ما كتب الله لنا
لو ربنا كتب عليا الموت او اصابة هتصيبنى سواء خرجت بنقابى او حتى بشعرى او حتى قعدت فى بيتى ما خرجت

صح ولا انا غلطانة؟؟؟

وباكد تانى مش معنى انك خلعتى النقاب وخرجتى بزى محتشم بقيتى فى مأمن من الاذى والدليل اللينك الى انا بعته ده

ولا قدر الله وحصلى حاجة بسبب نقابى فمن لاولادى ؟

لهم الله الذى ارحم بهم منى ..الله الرازق ...الله الرحيم

الواجب عليكى دلوقتى انك تقنعى زوجك بالهدوء وبالادلة من الاخبار
ان الكل دلوقتى معرض للخطر

والحل المؤقت انك تقعدى فى البيت حتى يفرجها الله من عنده كاننا فى حرب بالظبط

هو لو كنا فى حرب وضرب نار وكده كان زوجك سمحلك تخرجى حتى بحجاب صغير ؟طبعا لا سيخاف عليكى

والامر الان كذلك الاذى لكل المحجبات

امال يا غالية الملايين من المنتقبات والمحجبات الى بيخرجوا فى المسيرات دلوقتى للمطالبة بحقوقنا للعيش بكرامة

وهم عارفين انهم مستهدفين من قبل الشرطة والبلطجية والجيش

وهذا والله ليس القاء بالنفس للتهلكة بل احسبه جهاد فى سبيل الحق

ولو خروجهم خطأ كان افتى علماءنا برجوعهم وعدم خروجهم فمن لاولادهم وبيوتهم ان قتلوا!

غاليتى نحن فى حرب وعلينا الصبر لننال احدى الحسنيين اما النصر واما الشهادة

اللهم احفظ مصر ورجالها ونساءها واطفالها وشيوخها من كل سوء يارب العالمين

كتبت بواسطة ** الشيماء **

الصراحه قرار صعب ومش سهل

طيب معندكش بديل تاني


وقصة انك ماتطلعيش من البيت مستحيله


طيب انت بتقولي انه



طيب دي تجيب لفكره انك تلبسي حجابك عادي بدل الخمار تجيبي

كمامات تحطي علي فمك وكده غطيتي النص وفاضل العينين البسي نظارات

كبيره يعني

وعشان مثلا الناس وكلامهم تقدري وانتو طلعين تلبسي اولادك معاكي كمامات


عشان الناس تفكر انه عشان الكنائس وكده

يمكن تكون حل مؤقت للوضع

معلش اختى شيماء ممكن توضحى لى فكرت الكمامات مش قدرت اقهمها جيدا

وما دخل الكنائس باللبس الكمامات معش سامحينى مش قدرت افهم الاقتراح ده

كتبت بواسطة ** الشيماء **

غاليتي ام اروى

اذكر زمان سمعت وحده من تونس وانت عارفه

انه زمان في تونس يمنع منعا باتا لبس الخمار والحجاب

عليه مشاكل بس بتعدي لكن النقاب لا


المهم وحده سألت الشيخ ياشيخ انا نفسي انتقب

واقتدي بامهات المؤمنين بس الوضع عندنا بيحاربنا

ومش عارفه اعمل ايه

فالشيخ حكى له انه ليس عليها ان تلبس طالما ان لبست النقاب

يوجد ضرر لها فيه فالدين دين يسر وليس عسر فقال لها

التزمي فقط بحجابك

واذا في لبس النقاب ضرر واذيه بسبب مايحدث من احداث عندهم

هل تستمر بلبسه ؟؟؟ام حتقولي تحبس نفسها في البيت صعبه

والله يسر الي فيه الخير ويصلح حال مصر يارب

وان شاء الله فتره وتعدي

^_^

انا زوجى عندما رأى تمسكى بالنقاب قال انه سيذهب الى دار الافتاء بنفسه علشان بعد كده ميكونش لى حجه عليه وان ما ستفتى به دار الافتاء نلتزم به انا وهو علشان ننتهى من هذا الجدال الذى لا ينتهى

ولو استمريت فى عنادى لن يرضى عنى ابدااااااااا

انا الان خائفه من الذهاب الى دار الافتاء عندنا لانى خايفه ان يفتوا لى بأن اخلع النقاب من باب ولا تلقوا بأيديكم الى التهلكه ؟؟؟؟؟؟؟

ودى اخر حاجه قالها لى زوجى وقال لى انا هعمل كده بس علشان البيت ميتخربش بسبب عنادك فى حاجه غصب عننا

كتبت بواسطة رودينا7

حبيبتي نجلا اسأل الله ان يفرج همكم وينصركم علي ما انتم فيه
فوالله حال مصر يحزننا جميعا اسأل الله لك ولجميع الشعب المصري الأمن والأمان
موقفك صعب جدا ولقد مررت به كثيرا........... بالنسبة لي عندما كنت اضع في مثل هذا الموقف
فأختار ما ضرره اقل لي ولعائلتي وبما ان النقاب ليس فرض ولا اريد الخوض في هذا النقاش الطويل
والكل يعلم به فكنت عند الضرورة اخرج مع زوجي دون النقاب وكنت البس الخمار وبقدر الامكان
كنت اغطي من وجهي بالخمار مع ان الألم كان يعتصر قلبي فالموقف صعب لكن المضرة اقل
لي ولزوجي وابنائي وفي احيانا كثيرة لعائلتي ولكن اقارنها واقول في نفسي
اترك النقاب لفترة وجيزه واغطي من وجهي معظمه ولا ان نتعرض ليس للشتم والسب كلا
بل كانت تصل بهم الاعتقالات في صفوف النساء فوالله حدثت كثيرا وتعلمين ما معني اعتقال المرأة المسلمه
كان زوجي يقول نحن رجال اعتقلنا وتعودنا وخرجنا ونعتقل مجددا فلا عيب في ذلك ان كان في سبيل الله
لكن للنساء فأنها هتك للأعراض عافانا الله واياكم وجميع المسلمات
واقول ان تخرجي للضروره وان خرجت غطي ما استطعت من وجهك ولبسك شرعي ولله الحمد
واسأل الله ان يفرج عنكم وييسر امركم ويرزقكم الخير في بلدكم

بالفعل هذا ما يقوله لى زوجى ويقول لى انتى لا تعلمين ماذا يحدث فى الشارع وفى اقسام البوليس وامن الدوله دول ناس مش بيعرفوا ربنا وكل حاجه عندهم مباحه

بس انتى اختى رودى قمتى بخلع النقاب اكثر من مره وعملتى ايه مع اولادك وكنتى بتشرحى لهم الموقف ازاى

المشكله ان ابنى حافظ وعمره 16 سنه مره كان معى فى الشارع وسمع احد الماره وهو بيقول يخربتكم مليتم البلد ربنا يريحنا منكم فكان ابنى هيروح يتشابك معه ولكنى منعته وقلت له مش عايزين مشاكل

الموضوع بقى صعب اوى

ابنى بيقولى يا امى انا مقدرش اساعدك فى الموقف ده بس لو حد اتعرضلك انا مش هسكت له انا مقدرش استحمل حد يمسك بأى كلمه خفت اوى على الولد

هل خوفى ده فعلا قلت ايمان منى ولا ده حاجه طبيعيه انا خايفه على الاولاد اوى

انا مش عارفه حاسه ان الموضوع مش سهل

انا فكرت اننا نبيع الشقه التى نحن فيها الان ونشترى شقه فى مكان تانى يكون اهدى من كده هذا ما فقرت فيه وسوف اعرض هذه الفكره على زوجى اليوم يمكن نلاقى مكان ميكونش الناس فيه بهذه الهمجيه والعنصريه