|
للبحث في شبكة لكِ النسائية:
|
غاليتي
ربنا معكم يثبتكم وينصركم
وربنا ع الظالم المفتري
يا قلبي
والله صعب علي كتير وانا أقرأ كلامك
ومن قبله كلام الأخت أم رودي
شوفي يا قمر
ديننا والحمد لله دين سمح
ولست هنا لأفتي والعياذ بالله
لكن لنا من قصة عمار بن ياسر مع رسول الله صلى الله عليه وسلم عبرة وعظة
إن عادوا فعد
ربنا معك ينور قلبك ودربك
وحسبنا الله ونعم الوكيل
مشرفة ركن التنظيف والاجهزة الكهربائية
حبيبتى قرأت كل ردودكم بتمعن وتركيز
ومقتنعة بكل كلامكم لكن فى نقطة احب اوضحها لاختى الغالية ام اروى
نجلاء تحب النقاب جدا وانا اكتر انسانة احس بها
لكن ظروف نجلاء لو استمرت فى النقاب هتعانى من شيئين
اولا انها خارجة من عملية جراحية ولابد من زيارة الطبيب فى اقرب وقت وزوجها رافض خروجها من باب الشقة وهى بالنقاب وهى مريضة وهناك مشكلة بعد الجراحة تعانى منها والله عز وجل الشافى وكلنا نعلم ذلك لكن ولا ترمو بايديكم ف التهلكة يعنى تفضل فى المنزل وتنتظر الشفاء دون اخد بالاسباب ؟؟
النقطة الثانية اللى انا اعرفها عن رجال مصر ان لو فى حالة زى نجلاء وانها استمرت فى النقاب الزوج ابسط شئ يقولها انا مش راضى عنك شرعا
والاهم من هذا لو حصل قضاء وقدر اى ضرر بعد الشر لاولادها هيتوجهلها اللوم ويقولها انتى ونقابك السبب
انا عوزة اقولك انا عانيت فى موضوع الاخت نجلاء جداااااااااااا ونفسى انها تستمر بية
لكن فى المنطقة عندهم منتقبات كثير اتشتمو واتسبو واتهانو وبيضربو وبيموتو ونجلاء عندها ولد وبنت محتاجين ام تربيهم فهى ليهم المسئولة الاساسية عنهم
فعلشان كدة موقفها محرج وصعب جداااااااااا
مربية ناجحة
اختى الغالية الشيماء
انا موافقة على فتوى الشيخ للمراة التونسية لان النقاب كان نادر جدا فى تونس
فصعب انها تبدا لوحدها وتعرض نفسها للمخاطر
ولكن فى مصر الوضع مختلف المنتقبات بالملايين والحمدلله
والنقطة الى باكد عليها تانى ان الحرب فى مصر مش بس على النقاب
اخواتنا الى استشهدوا فى المنصورة هل كانوا منتقبات ؟ لا
وكان فى مسيرة فى محافظتى.. البلطجية حبسوا النساء فى مكان وقالوا لهم مش هنخرجكم الا لما تخلعوا الحجاب!
مقالوش لما تخلعوا النقاب!
الحرب على الحجاب.. اى حجاب اسلامى .. هم يعلمون جيدا ان معظم الاخوان المسلمين نساؤهم يرتدون الخمار وليس النقاب
يعنى اقصد اقول ان لو المنتقبة خلعت نقابها ونزلت بحجابها المحتشم لن تكون بذلك فى مأمن من البلطجية او الشرطة او الجيش
هم لن يرضوا الا بالعرى والمجون وبمصر علمانية
حسبنا الله ونعم الوكيل
حسبنا الله ونعم الوكيل
مربية ناجحة
ربنا يشفيها ويعافيها يارب هى وكل المسلمين والمسلمات ويلبسها ثوب الصحة والعافية اللهم امينكتبت بواسطة كنزى احمد
كنزى يا حبيبتى انا هرد عليك فى كل جزئية على حدة :
اولا :انا مقدرة موقف اخواتنا فى مصر تماما وما تفكريش علشان انا بعيدة عن الوضع يبقى مش حاسة بيه لا والله ربنا اعلم بحالنا
ولما كنت فى مصر ذقنا الويلات على ايدى امن الدولة وكان بيتنا مرتعا لزوار الفجر.. الحمدلله .. ومنعنا من السفر خارج البلاد لم نسافر الا بعد الثورة..
وانا والدتى واخواتى منتقبات وابى وازواج اخواتى ملتحيين وبعض اقاربى فى رابعة وربنا اعلم بمدى خوفى وقلقى عليهم يعنى ايدى مش فى الميه البارده زى ما بيقولوا
ثانيا:باكد تانى ان الخوف مش بس على المنتقبات الحرب دلوقتى على كل ما هو اسلامى يعنى بالعربى كده لو رضيوا بالحجاب يبقى حجاب الموضة الى على جينز وبادى !!
يعنى اقصد ان لو الاخت خرجت بنقابها نفس القلق والخوف عليها زى ما لو خرجت بحجابها المحتشم !
والله انا قلبى يعتصر الما وانا بكتبلك دلوقتى .. محدش كان يتخيل ان ده يكون مصير مصر.. ربنا يفرج الكرب يارب..ان شاء الله غمة وتنزاح
ثالثا:بالنسبة لكلامك عن موقف الرجل فى مصر لو زوجته بقيت بالنقاب سيقول لها : انا لست راضى عنك شرعا
بصى يا غالية لو زوجك جه فى مرة وقالك لو صليتى السنن او الضحى او مثلا قيام الليل انا مش راضى عنك شرعا ماذا سيكون ردك؟
انا لو مكانك اقوله :ما ترضاش .. انا بعمل طاعة بعمل عبادة مش بعمل معصية
طبعا انا قلت صلاة السنن مش الصيام لان معروف ان المراة لا تصوم النوافل الا برضى زوجها
وانا هنا شبهت لبس النقاب بالسنن على اقل الاحتمالات لان اراء العلماء فيه لا تخرج عن كونه فرض او سنة مفيش عالم مثلا قالك انه مكروه!
اما نقطة انه لو اصابها او اسرتها اى ضرر سيقول لها انتى ونقابك السبب .. هقوله لا ده قضاء وقدر انا لو كنت بشعرى حتى سيحدث لى ما كتبه الله علي
المسالة مسالة يقين وايمان وتوكل على الله
امال نقول ايه للحرائر الاتى خرجن بالملايين فى كل انحاء مصر بحجابهم ونقابهم ثأرا للشرعية وثأرا لاخواتهم الاتى استشدوا على ايدى القتلة الظلمة؟
اليس لديهم اولاد وبنات مسؤليين منهم ؟
والله يا كنزى لو ما وقفنا فى وجه الباطل اليوم لن تقوم لنا قومة بعد ذلك
انا مؤمنة جدا بقول احدهم :ان اموت واقفا خير من ان اعيش راكعا ذليلا مهانا
وفى النهاية هذا هو رايى والاختلاف فى الراى لايفسد للود قضية
ويسر اللهم للاخت نجلاء امر رشد وشفاها وعافاها وحفظها واسرتها من كل سوء
مشرفة ركن التنظيف والاجهزة الكهربائية
حبيبتى ام اروى انا سعيدة جدا بكلامك ودفاعك عن النقاب
لكن حبيبتى الزوج لو قال لزوجتة مش راضى عنك وينفعش انها تقولة مترضاش لان الملائكة هتظل تلعنها وعليها واجب الطاعة لزوجها فيما لا يعصى الله
يعنى انا هعكس كلامك
زوج نجلاء قالها البسى عباية واسدال بحجاب طويل ولا تكشفى نفسك بشئ غير ساتر والنقاب فضيلة واة انها تتقرب الى الله بة لكن هو ليس فرض كالصلاة والصياام مثلا
لكن الفرض انها تطيع زوجها
النقطة التانية .. ان زوج نجلاء لما يطلب منها مثلا ترك الزى الشرعى وارتداء حاجة مش شرعية وقتها تعترض ولو قال مش هكون راضى عنك تقولة عادى وان لا طاعة لمخلوق فى معصية الله لكن النقاب مختلف الاراء حولة
النقطة التالتة وارجو منكى تقبلها منى لانى اعيش فيها فى القاهرة وفى مصر واعلمها اكتر منك لانى بعيش واقعها ان هنا كل المضطهدين فعلا منتقبات وملتحين لانهم بياخدو النقاب واللحية انك تبع محمد مرسى والاخوان على الرغم ان محدش من الاخوان منتقبة
وبعدين حبيبتى انا مثل ما نجلاء قالتلى ان السيدتان اللى تم قتلهما كانو منتقبات
والنقطة الاخيرة حول ان الموضوع موضوع ايمان ويقين بالله طبعا اكيد
لكن فى فرق بين التوكل على الله والتواكل
يعنى لازم ناخد بالاسباب طالما مش بنمنع الفرض
دة قصدى فهمانى
مربية ناجحة
كنزى يا غالية
انا دفاعى عن النقاب بهذا الشكل لانى متبعة راى الفقهاء الذين قالوا بفرضية النقاب فهو عندى مثل باقى الفرائض كالصلاة والصوم!
هذا رايى ولا اجبر احدا على اتباعه اوالعمل به
لذلك لو قال لى زوجى فى يوم من الايام لا قدر الله انا لست راضى عنك للبسك النقاب هاقوله :ماترضاش
وان شاء الله لن تلعنى الملائكة لانى بعمل طاعة فى راى كثير من العلماء الاجلاء الثقة فرضا
ولسنا هنا بصدد تلك الاراء
وااكد تانى ان فى اختلاف فى المسالة وهناك علماء قالوا بهذا الراى وعلماء اخرون اجلاء ايضا اخذوا بالراى الاخر
مشرفة ركن التنظيف والاجهزة الكهربائية
ربنا يكرمك ام اروى انتى اخت عزيزة على قلوبنا جميعا
واية موضوع المحيط الاطلنطى عملتيها ازاى دى ؟؟؟
مربية ناجحة
ههههههه والله مش عارفة
لقيت نفسى بكتب كده وبقول فى نفسى ايه يا سلام لو تطلع صح تبقى خبطة معلم
مشرفة ركن التنظيف والاجهزة الكهربائية
ههههههههههههههههههههههههههههههه صح فعلاههههههه والله مش عارفة
لقيت نفسى بكتب كده وبقول فى نفسى ايه يا سلام لو تطلع صح تبقى خبطة معلم
هى تلاقيها اجابة صحيحة لكن احنا بنغزى العين لتتحسدى ههههههههههههههههههه
تعال نكمل خاص علشان موضوع نجلاء مش نعملة شات
مربية ناجحة
كنزى ...انا قرات خبر حالا ان صحفية فى الشروق
تعرضت للضرب من قبل البلطجية اثناء تغطيتها لمظاهرة خارجة من مسجد العزيز بالله
كانت لابسة عباءة وايشارب وخارجة من صلاة التراويح
تقول :عباءتى سبب الاعتداء عليا من البلطجية ظنا منهم انى تبع الاخوان
وانا شفت صور لاحدى شهيدات المنصورة بحجاب عادى
تفتكرى ان البلطجية فى حادثة المنصورة قعدوا يبحثوا عن المنتقبة دون المحجبة ليضربوها
لا ...كل هؤلاء من انصار مرسى ..اذا اضرب
حسبنا الله ونعم الوكيل
حسبنا الله ونعم الوكيل
اللهم الطف باهل مصر واحفظهم من كل سوء واحقن دماءهم اللهم امين
أعضاء قرؤوا هذا الموضوع: 0
رد مع الاستدلال
الروابط المفضلة