السلام عليكم اخواتي بتمنى تكونوا جميعكن بالف خير وصحةانا ترددت كتير قبل ما اكتب هالكلام بس محتاجة افضفض يمكن كلامي تلوموني عليه بس انا فعلا محتاجة نصيحة وكلمة من شخص واعي لاني كتير تعبانة نفسيا
انا متزوجة من سنتين ونص تقريبا وعندي بنت عمرا سنة ونص انا وزوجي خطبنا لمدة سنتين وبتعرفوا بوقتها كنت حس اني مالكة الدنيا وكنت بحبه من كل قلبي وشايفة المستقبل احلى مستقبل معاهوكنت عايشة بعالم وردي ورومنسية ولما تزوجت اول فترة رغم بعض المشاكل بس كنت سعيدة كتير ولقيت زوجي فعلا بيحبني وحبو زاد بعد الزواج سافرت عند اهلي اكتر من مرة بعدها وكان كلشي تمام
حتى زوجي فقد شغله وبدأت المشاكل المادية تعصف بحياتنا بشكل قوي قوي جدا ودخل زوجي بالديون واتدين مبلغ كبير من بابا ولحد اليوم ما قدر يرجع منه الا جزء صغير لانو لحد هلأ ما في شغل
المشكلة اني انا من حوالي سنة ونص من لما ولدت وبدأت احس في شي بحياتنا تغير زوجي دائما مهموم والمشاكل فوق ضهره والدين هد حيله وهو الصراحة عنده قدر من عدم المسؤولية وعدم حسن التصرف وهالشي دخلنا بمشاكل اضافية وانا بالاول كنت دائما احاول اغيرلو نفسيتو بس بعدين ملييييييييييت من المشاكل ومن الهم ومن الكآبةا للي ملئت حياتنا وبدأت انشغل بنفسي وببنتي واهمل زوجي وبدأت احس انومشاعري بردت كتيييير تجاه زوجي واحيانا صرت احس اني ندمت على زواجي خصوصي انو عندي مشكلة باقامتي وحاليا مابقدر سافر عند اهلي الا لما تنحل هالمشكلة يعني قاعدة هون غصب من شهرين تقريبا بدأت نفسية زوجي نوووعا ما تتحسن بسبب تحسن بسيط جدا بالظروف وبدأ يرجع شوي متل الاول المشكلة اني انا ما قدرت ارجع ومشاعري بردت وماعدت حب زوجي متل اول ابداااااا واحيانا بفكراني ما رح اقدر استمر مع شخص مافي بقلبي تجاهه اي مشاعر بالاضافة لعدم احساسي بالامان من المستقبل معه بسبب سوء تصرفه ..
وبعدا بستعيذ من الشيطان بس انا كل يوم بقعد ببكي لما اتذكر كيف كنت احبه واعشقه وكيف هلأ مشاعري بردت
زوجي من شهرين حاول كتير معي بس انا ماني قادرة اتعامل معه متل اول .. وقلتله انت السبب ومشاكلك السبب وهو قلي كل الازواج بيمروا بمشاكل وبيطلعو منهابس انا ما عم اقدر اطلع منها انا كتير حابة ارجع احب زوجي متل الاول واكتر بس مو لاقية الطريقة حاسة حبه راح للابد من قلبي ...
واعتذر منكم بس حتى علاقتنا الخاصة اتدهورت جدا بسبب عدم تقبلي لها ومن يومين قلي زوجي بكل صراحة انا بدأت أمل من هالوضع
انا بدي الحل تعبت كتير انا بعرف يمكن تلوموني على تفكيري بس محتاجة احكي اللي جواتي ومستحيل اقدر احكي هالكلام لأي شخص مهما كان وانا بعد نصاءحكم رح اطلب من الادمن حذف الموضوع للاحتياط بخاف زوجي او اي حدا تاني يشوفهانا منتظرة نصائحكن او اي كلمة ممكن تفيدني وشكرا
الروابط المفضلة