بصراحة انا اترددت كتير قبل ما اكتب الموضوع هنا يمكن لانى عارفة ان زوجى ممكن يدخل عاللينك ويعرف ما كتبتة
فى الاول كنت بخاف شوية
لكن بصراحة انا حاليا مش قادرة اتحمل وقلت لازم اكلمكم واخد رايكم
انا من اول جوازى حماتى كانت مقيمة معايا وكتير منكم عارف اللى عيشتو من مرار بسبب المشاكل ورحمة الله عليها اتوفت من 9شهور وظنيت ان بعد وفاتها هرتاح من اى خلاف وللاسف لازالت الخلافات
انا اخر مشاكلى مع زوجى قبل وفاة حماتى انى لقيتو اتغير فجاة معايا وبقيت براقبو عرفت انو بيكلم ست متجوزة عالنت وبيتبادلو كلام حب واما واجهتو بكل بجاحة قالى صداقة ومش هتكرر
واتفاجئت انو اداها الايميل الخاص بية ودة عرفتو صدفة واجهتو قالى اخر مرة ومش هتكرر
ولقيت مرة كلام متسجل عالجهاز دار بينهم لقيتو باعتها رقم تليفونو وانو قلقان عليها اوى وهيقعد كل يوم يستنى طلتها البهية علشان يطمن عليها وان هى اغلى الناس
وطبعا بحكم ان حماتى كانت هنا وانى لو كنت سبت البيت كان زمان مصر كلها عرفت وقتها قلت لا انى افضل فى بيتى
خاصة ان فى عيلتى ممنوع الزوجة تغضب الا لو فية طلاق ولو كنت روحت لبيت ابويا كان هيسالونى عن السبب
لكن الموقف اللى اخدتو وقتها انى انام معاة فى اوضة واحدة لكن مكنش فى كلام بنا الا لو قدام حماتى وفى حدود والموضوع خلص واعتذر وقالى سامحينى
وربنا هداة فترة كبيرة فجاة لقيتو اتغير تانى والكلام دة من بعد وفاة حماتى
بقيت بلقاة بيتسحب من جمبى وانا نايمة علشان يقوم يقعد نت والقاة قافل الباب عليا وقافل الباب علية ويراقبنى قبل ما يطلع صاحية ولا نايمة واما بصحى القاة قاعد نت اول ما بيحس انى فتحت باب الاوضة علية اسمع الماوس والشاشة تبدا تضلم انو بيقفل اى شئ مفتوح عالجهاز والاقية ارتبك
انا متاكدة انو بيعمل حاجة غريبة لكن مش عارفة هى اية
لان دة كان نف تصرفاتو اما كان بيكلم الست المتجوزة كان بيتسحب من جمبى
وزادت دلوقتى لدرجة انى بقيت قبل ماانام اقولو متقومش من جمبى وبرضو بيقوم
وبرضو نفس الحركات
انا مخنوقة اوى انو وصلنى للدرجة دى
انا ببقى هجنن واقعد معاة وهو ولا حاسس بدة بالعكس بقى يدعى انو عاوز ينام واول ما انا انام يقوم من جمبى طيب دخلتنى انام غصب عنى لية ؟
حتى اما بيرجع من شغلو بيكون فى العادى عاوز ينام واما بقولو لا انا مش عاوزة انام بيقولى لا مش بعرف انام من غيرك قلت يمكن بيكون محتاج حقة الشرعى ادخل انام جمبو القاة بيقوم
تصورو امبارح كنت تعبانة اوى وهو اصر انى اخد علاج وانام بعد ما جة من الشغل واول ما بدات اروح فى النوم لقيتو قام من جمبى
سبحان الله امال لية منمتش
دنا بترجاك انك تقعد معايا وبترفض تقولى مرهق ومحتاج النوم
واوقات بحس انو بيتعمد يخلينى انزل من البيت لدرجة انى مرة رجعت البيت لقيتو قافل باب الشقة من جوة وقاعد كمبيوتر
طيب لية بيعمل فيا كدة
انا نفسى يكون صريح معايا
ونفسى اعرف اية الغلط اللى بيعملو بيخلية بيقوم الفجر من عز النوم
انا دعيتلو كتير
وبدعى اكتر دلوقتى ان ربنا يفضحو قدامى وينور بصيرتى
ساعدونى بجد انا مضايقة اوى وحسة انى هموت من التفكير والتعب
الروابط المفضلة