بسم الله الرحمن الرحيم
مرحبا اخواتي
شو اخباركم واحوالكم وكيف رمضان معكم
انا من ناحيتي متلحفه باللحاف وبكتبلكم ومش مبين مني الا عيوني ويداي
لانه الدنيا برد كثير كثير
طيب انا عارفه انه فكركم راح لبعيد وفكرتوا في جيزانكم - جوازكم يعني -
بس لا انا مش هذا قصدي انا قصدي كيف تعرفتوا على منتدى لك الاكثر من رائع وشو رايك فيك بعد ما صرتي من الاسره تبعته

يالله ردوا وياوليكم اللي ما بتحكي

انا اتعرفت على منتدى لك بالصدفة00
بجد منتدى رائع 00
جلست فترة احاول اسجل بس ماقدرت00
واكثر شي عجبني بمنتدى لك طبعا غير غيرتهم على ديننا الاسلامي وعدم المجاملة في منكر00
انهم ليس لديهم مفاضلة يردوا على الكل ويشاركوا بموضوعات الكل00
لان اغلب المنتديات تجدي اكثر الردود والمشاركات في موضوع المشرفة حتى لوكان لا يستحق0
يعني منتدى لك اروع منتدى نسائي00
تحياتي00

تعرفت على المنتدى عن طريق أختي خبرتني انو حلو كتير في الأول كنت أقرأ بدون ما اسجل فيه وكتير أعجبت فيه حسيت انو الجميع عائلة واحده وممكن أكون من هاي العيله ولما أقعد أقرأ وأشارك بكون حاسه اني قاعده مع صديقاتي و فعلا دايما اتمنى انو اتعرف على الجميع شخصيا
الله يخليلنا المنتدى ويظل عامر بحس الجميع

احنا كمان عندنا بررررررررررد موت ومطر .. سبحان الله قبل يومين بس فقعنا من الشوب و مبارح اشتغلت الدفايات
الحمد لله رب العالمين على النعمة..
اه هو شو السؤال
تعرفت عالمنتدى عن طريق دندون حبيبتي الله يدلها عالخير يا رب .. و من يومها و انا هالمنتدى جزء مهم جدا من حياتي مع انه مشاركاتي قليلة وكلها حكي او طلبات ..
بس استفدت شغلات بعمري ما كنت بعرفها .. و بيكفي انه هلا بالطبخ صار يرتكن علي و صرت أعمل عزايم و الحمد لله بعد ربنا الفضل للمنتدى و الصبايا اللي فيه ..

غير الأفكار والتجارب و هلا أكيييييد ركن الطفل رح يكون أهم ركن عندي.. وبصراحة أحلى ما في المنتدى التزامه بالدين و عدم المجاملة من هالناحية و هالشي بيريح و بيطمن ..

و بيكفي كترة حكي..

............





عم بتخيل شكلك و انت تحت اللحاف و مش مبين منك شي الا وجهك و ايديك

انا تعرفت عالمنتدى صدفة و انا عم بعمل بحث في النت عن شغلة نسيت شو هي .. بس زي ما بيقولو.. رب صدفة خير من خمسمية ميعاد ..و الحمدلله استفدت كتييييييييييييييييير من المنتدى و اكتر شي عاجبني فيه الصبايا الحلوين الطيبين الامامير ..

مرحبا هنلي
وسلامتك من البرد،
تعرفت على موقع لك عن طريق موقع ردادي حيث استخدمه دائما، ولفت نظري اسم لك فدخلت ومن يومها مش عارفة اطلع. طبعا منذ شهور وانما متابعاكم بس تنشيط الاشتراك اخذ مني فترة طويلة، بصراحة اعجبني لانه يربط بين الجميع على اختلاف البلاد. تشعرين معه بالمودة والترابط، عندي احساس بأني اعرف معظمكن من خلال تحاوركن وخاصة انت ي هنلي لك مكانة خاصة في قلبي من قبل ان التقيك على صفحات الانترنت, اما الأخت رونة فلا أدري لم لدي شعور قوي حيالها. وانت يا dandoon ربنا يخليك ويحميك زي بنتي.
وبقية الأخوات ، هذا الموقع خفف من غربتي عن الأهل والبلد، خفف من شعوري بالوحدة. اعتقد بكفي ربنا يجزيك الخير يا هنلي ويرزقك الذرية الصالحة يارب.

اخت منال
والله انه صار معي زي ماصار معاكي سجلت وماعرفت شو اسوي بعدها بس في الاخر عرفت كيف اتعامل مع المنتدى
بس والله انه منتدى اكثر من رائع في افكاره واخباره وكل اشي عنه
بدي اسال اخت منال مش عارف لما شفت اسمك تذكرت منال العالم تبعت برامج مطبخ منال اللي على محطه ال mbc لاتكوني انتي وانا مش عارفه
واهلا وسهلا فيكي

اخت ام عدنان
والله نفس الاحساس كاننا زي الاخوات واكثروكمان ماخليت وحده في عيلتنا الا ودليتها على المنتدى وعلى فكره اسم مرت خالي ام عدنان
واهلا وسهلا فيكي


اخت دندووووووش
كيف الحال والاحوال والعيال اللي في بطنك هي عيل واحد بس علشان يطلع الحكي على بعضه
شو اخبارك وماشاء الله برد الاردن غير شكل احححححححححي بس اليوم عنا الجو مليح كثير
ولا تفكري اني كنت معلمه في الطبخ والحلويات يعني كنت نص على نص
بس لما سجلت في المنتدى صرت معلمه ميه الميه ومعظم الحلويات خاصه بجربهن
وكله من هالمنتدى الحلو كثير
واهلا وسهلا فيكي اختي


اختي دندون
كيف الحال والاحوال بتتمسخري علي ليش انتي احسن مني منتي في الاردن وبردها لسه قلقيليه ولا اشي اكيد انتي متلحفه في خمس لحافات وقاعده في الخزانه متخبيه من البرد هههههههههه
بمزح
والله انتي الاموره ياعسل


اما اختي وعود الخير هذي الي معاها حديث ثاني
وهي بحسها اكثر من اخت مع اني ما الي خوات مش عارفه حاسه اني بعرفها كثير كثير
واهلا وسهلا فيكي اختي عطاف


وعلى فكره كل وحده بتقرا هذا الحكي ومش مسجله في المنتدى بدعيهاباسمي وباسم كل المشرفات والعضوات انها تسجل لانكم زي ما انتوا شايفين الكل استفاد كثير كثير منه
هذا غير انه الواحد بحس باخوات طيبات بيساعدنا في الشده يكفيكي منهن الدعاء والكلمه الطيبه
والله اني بدي ابكييي


واهلا وسهلا بالجميع

بدك البرد الحقيقي تعالي لعنا صارت توصل 5تحت الصفر لكن في البيت ما منحس لانو في تدفئة مركزيه
ياريتنا بفلسطين حتى لو بردا
انا تعرفت على المنتدىكانت معلمتنا عطيتنا موضوع نكتبواعلى الكمبيوتر بس انا بطئه كتير بلكتابه على الكميوتر فمليت وقلت اطلع على رفيقتى اشوفها شو عم تساوى لقيتا داخلي على النت وعم تطبع قالب كيك وانا كنت جوعاني فلفتلى نظرى وسالتها منين فدلتني على لك ودخلت فورا ومن كتر ماعجبني نسيت الموضوع اجت المعله وكبشتنى بلنت وانا مش مخلصله الموضوع

هنلي000
ههههههههه00والله ضحكتني
سرت طباخة مرة وحدة انت بس لو تجي تشوفيني لما اطبخ بالمطبخ تشكي ان الحرب قامت00
00تحياتي لك00
وتسلمي على روحك الحلوة واعطونا شوي برد من عندكم 00
تحياتي لك00

من موقع
f3f3.com
اعطتني اياه زميلتي بالشغل
ولقيت في موقع لك
كنت بدور على طبخات جديدة
ومن هنا بدأنا