السلـأإم عليكم ورحمة الله
اولا اسفه اعلى الاطاله لكن اتمنى تقرو موضوعي كامل
انا الحمدلله متزوجه ومعي طفل عمره 6 شهور
زوجي طيب ويموت فيني وعمي ابو زوجي يحبني كمان
بس المشكله بعمتي وبنتها .. الله يهديهم
في البدايه يوم جاو يخطبوني قبل سنه ونص وانا عمري 18
كنت ماعرف اطبخ ولااسوي شئ وامي قالت لهم بنتي مش حق مسؤليه
قالو معليه اهم شئ انه احنا نبغى وحده جميله وملتزمه
وانا الحمدلله فيني هالاشياء
بس بعد الزواج صارو يغارو مني
مايمر اسبوع الا ويعملو مشكله
يسوو من الشئ العادي الف شئ وشئ
انا شقتي مقابل شقتهم ويلاحظو على كل صغيره وكبيره
وين طلعت وين رحت وجيت مع اني مو اربعه عشرين ساعه طالعه
يلا اذا طلعت يومين في الاسبوع او يوم
ومع ذا يقولوا زوجتك ماهي حق بيت ماهي الا حق طلعات
اتهموني باني مسحوره واني مريضه فيني حاله نفسيه
المهم انه كل عيوب الدنيا خلوها فيني
ويحاولوا يقنعو زوجي انه يتزوج ثانيه
والحمدلله زوجي عاقل ويحبني واكثر من مره يقولهم انا مستحيل اتزوج غيرها
ويسالهم اش سوت لكم ؟؟
يقولوا اني اعملهم المكائد واني خبيثه ومتقلبه
وانا والله العظيم مشش حووولهم ابد
بالعكس انا اوصي زوجي على امه
بس كنت اقول لزوجي ابعد عن اهلك يحبوك خلينا ننقل بيت ثاني احسن
قال نشوف بعد ولادتك ذا المشاكل مستمره بننقل على طول
بعد ولادتي صرنا حبايب فتره ورجعوا للمشاكل من جديد وقلت لزوجي رجعنا لها
زوجي كلم ابوه انه احنا خلاص نبي ننقل
عمي زعل وقال انا مو مصدق يجيني حفيد وهم مررررررره يحبوووووه حفيدهم
لانه اصغر وحده عمرها 22 سنه
وانا مابي ازعل عمي وكمان ارحم عمتي لما اشوفها تموت فيه
لكن المشاااكل ماتنتهي وحتى يغلطوا على امي واهلي
واللي ساعد على المشاكل انه زوجي قبل الزواج كان مرتاح ماديا وهو ماعنده الا اخت وحده فكان خرجاتها هي وامها في الشهر فوق الالف
لكن بعد الزواج صارت عنده ديوون كثيره ومش قادر حتى يجيب لي انا اساسيات البيت وزياده جاء ولدي وكملها مصاريف
بس هم زعلانين ليه ماصرت تجيب لنا مثل اول
هم على بالهم اني انا اللي قلت له لاتعطيهم
وانا والله بالعكس لما اشوفه زعلان لما يجيبو له طلبات فوق الخمس ميه مره وحده اقوله معليه ربي بيعوضك
واذا جاء يوم من الايام قالها والله ماعندي تزعل وتبكي وتقول غيرتك علي
وهو يقولها انه زوجتي مالها دخل
لكن هم مصممين الا انا اللي وراه
حتى انه احيانا يدخلو بيتي ويشوفو اشياء تعجبهم ياخذوها لهم على طول مهما كان هالشئ
هم كمان على قولتهم ملتزمين تحفيظ قران وقفازات وعبايه راس
لكن مدري اش هالالتزام ؟؟
كانهم ماسمعوا اللي قال عنها الرسول عليه السلام انه في النار مع انها كانت تصوم وتصلي وعابده بس تاذي جيرانها بلسانها
انا كنت اول انهاااار اذا صارت مشكله بس مع كثرتها تعودت عليها
وانا والله اتعامل معهم بطييييبه لابعد درجه
ولما اشوف زوجي يرفع صوته على امه ازززعل منه واقول مهما صار ذي امك وجنتك تحت رجلها
وزوجي يزعل مني ويقولي امي قالت انها تكرهك وماتطيقك وانها ندمانه انها خطبتك وانك قذره وخبيثه و....و...و...الخ
وانا اقوله معليه اصصصبر مهما قالت فهذي امك ولازم تحترمها
ومره تخاصم مع اخته من هالمشاكل وانا قمت اخاصمه واهاوشه عشان يتصالح معها
واذا جاء يتكلم عنهم اسكته واقوله لاتغتابهم الغيبه حرام
والله اني اشوف انه مافيني اي خباثه واني قلبي طيب
لكن مدري من اي ناحيه هم يشوفوني خبيثه
وانا والله احاول اتقرب لها بالهدايا واتعلم اكلات تحبها عشان اسوي لها لكن في النهايه اشوف الاكل اللي اسوي لها بالزباله على طول
ودايم امدحها قدام اهلي والناس بس مافي فايده
مااااادري وش الححححححل ؟؟؟
وكمان مابغى زوجي ياخذو ذنوب بسبب عقوقه لامه
مع انه هي السبب في عقوقه لها انا كل اللي اخافه انه يموت وامه مش راضيه عنه
ودايم احذره اذا في مشكله مع عمتي انتبه توقف معي
كيف انهي هالمشاكل اللي ماتنتهي؟؟؟؟؟؟؟؟
افيدوووني بالله
الروابط المفضلة