بصو يا بنات انا اكيد ليا اهل بس مش عوزة اشغلهم بمشاكلى علشان ميزعلوش عليا
وبصراحة ماليش اصحاب غيركم وانتو اخواتى
انا اتجوزت فى شقة ابو زوجى لانو متوفى وحماتى مقيمة معايا وقلت انى بحبها وبراعى ربنا فيها وهى قالت هتعاملنى زى بنتها
وعلشان محدش يقولى انتى اخترتى غلط فهى كدة كدة كانت هتكون معايا حتى لو اتجوزت فى شقة برة
المهم حماتى نظرها ضعيف من 5 سنين بس بتشوف يعنى من قبل جوازى ب3سنين
حماتى بقى بقالها اكتر من سنة مدخلانى مووووووووووااااااااااااااااالللللللللل لا يعلمة الا الله
اولا انها بتقعد تصوت ليل نهار
قلنا يمكن تعبانة نفسيا ودنيها لدكاترة كتير وجبنالها دكتور وعرضناها على مستشفى نفسى قالو انها طبيعية ومفيهاش حاجة وادوها دوا مهدا احتياط
خلصنا من موضوع الصويت دخلتنا فى الاقوى منو
انها بقت تقضى حاجتها فى الارض
يعنى مرة تعمل حمام قدام الحمام
وشوية تعملو فى الاوضة عالارض وتدعكة فى الحيطة
وبصراحة قرفت جدا جدااااااااااا
وجيت على نفسى ونضفت كل دة مع انها واعية لكل دة
قلنا يمكن عندها مشكلة ومش بتتحكم فى نفسها
ودنيها لدكاترة كتير
باطنة
جراحة
مسالك
مخ واعصاب
والكل قالو اناه زى الفل مفيهاش حاجة وواعية انها بتعمل كدة
نييجى لكلامها هى بقى تقول اة انا بحس انى عوزة الحمام
نقولها لية مش بتدخلى الحمام تقول لا مش هفضل اروح كل شوية
قلنا هى حرة ولبسناها بمبرز لان ابنى صغير وغلط التلوث دة
جات من اسبوع بدات تاخد هدوم من سبت الغسيل تعمل فيها وتحطها تانى
يااما تدخل تقف فى الحمام ونقولها اقعدى اعملى تقول طيب وتقول عاملة عالارض
واخيرا بقت تقلع البمبرز وتعمل عالسرير
وبتقولنا اناه حسة بكل دة
وواعية جدا
يعنى بتكلم عالايام والفلوس والاسماء والشخصيات
وانا بصراحة تعبت تعبت تعبت
وليها ابن تانى بس شال ايدو من الليلة وقال مش عاوزها عندو
وكلمتها كتير بينى وبينها الناس قالولها لو بنتك مش هتتحمل اللى مرات ابنك متحملاة وهى مفيش فايدة فيها
وللعلم انى اقسم بالله براعى فيها ربنا يعنى يوم فرحى ركبتها العربية بدل امى معانا
بجيبلها هدايا على طول
بعمل كل حاجة لوحدى فى البيت وهى طبعا كانت بتشتم فيا قدام اهلى وتحكى حاجات بالكدب لاهلها عنى
قولولى اعمل اية معاها
الروابط المفضلة