أنا مخنوقة جدا ومش لاقيه حد أشكيله همى
قولت أتكلم معاكم يمكن أرتاح


جوزى أتفاجئت أنه معرف أهله حاجات ومشاكل كنت بفضفض معاه فيها
وخاصة أنه كلام ومشاكل تخص أخويا الوحيد وعلى خلاف مع زوجته وأخويا كمان كان مفضفض لجوزى على أعتبار أن زى أخوه وأنا أتفقت مع جوزى أنه ميجبش سيرة الموضوع ده لأهلك عشان أخويا مش حابب إن سيرته تبقى على كل لسان شويه
وحتى رمضان كان نفسى أعزم أهلى على الفطار وطبعا أخويا قاعد عند أهلى منغير مراته وولادة فمينفعش أعزم بابا وماما وهو يفطر فى البيت لواحده
ولو جه معاهم منغير مراته وولاده أهل جوزى هيعرفوا لأنى فى بيت عيله وحماتى ساكنه الدور اللى تحتى
فروحت أخده الأكل وعزمتهم فى بيت أبويا
عشان محرجش أخويا وأعرف أهل جوزى حاجه

وبعد كل ده أتفاجئ النهارده وأنا عند حمايا وحماتى نزلتلهم أطمن على حمايا عشان تعبان شويه
وجوزى فى الشغل يعنى بنزلهم عشان صلة رحم جوزى وعشان خاطر ربنا
ألاقيه بيقولى هو أخوكى رجع بيته ولا لسه وانا تنحت وبقوله ليه هو كان سابه وعامله عبيطة وواثقه انهم ميعرفوش حاجه ألاقيه بيقولى هو مش سايب بيته من قبل رمضان أنا مبقتش عارفه أرد وللأسف أتضطريت أنى أقوله لااااااا خلااااااااااص الموضوع ده اتحل من زمان للأسف كدبت
ولو كان حد غيرهم كنت عرفت أرد وأقولهم ده موضوع خاص بأخويا ومش من حق أى حد يتكلم فيهبس مقدرتش طبعا وبلعت لسانى عشان ميتقمسوش ويزعلوا وأخدت بعضى وقولتلهم بعد أذنكوا هطلع عشان ورايا تنظيف ومكواة وطلعت هنا محروق دمى ومنهارة
لأن أنا كنت بئتمن جوزى على أسرار كتييييير تخص أهلى أو تخصنى يعنى لما بكون مخنوقة بيبان عليا وبفضفض معاه كأنى بتكلم مع نفسى
وهو كمان كذا مرة يتخنق من أخواته أو من أهله يفضفض معايا ويقولى بس الكلام ده بينى وبينك
وأقوله خلااااااص عيب تقول كده سرك فى ببببيييير وفعلا عمرى ما بقول لحد السر ده حتى لو كان ممكن الكلام اللى قالهولى ممكن يكون تبرئ ليا من موقف مع أمه وأمه زعلانه منى بس بحاول أصالحها منغير ما أستسهل وأفتش سره

وهو لما بكلمه ومتعصبه ومنهاره وبقوله انت ازاى تقول لأهلك الموضوع ده بيقولى عادى يعنى الكلام جاب بعضه وبعدين ما هو كل البيوت فيها مشاكل هو أخوكى أول ولا أخر واحد يتخانق مع مراته
ولما بقوله السر مش بصغره ولا كبره
السر بمعناه انه سر يبقى ميخرجش ما بين اتنين قالى خلاص حصل خير مش هعمل كده تانى
وأنا حاسه ان دى مش اول مرة
لأن فى كلام مكنتش بقوله لحماتى واتفاجئ انها عارفاه؟؟؟
وأسأله يقولى لأ مقولتش
وأشك فى نفسى ومكدبوش وأقول يمكن عرفت منى وأنا مش واخده بالى فى وسط الكلام

وأنا حامل ومحروق دمى وحاسه أنى جالى مغص من كتر حرقة الدم
ومخنوقه جدا من جوزى ومش هعرف أعيش معاه وهو مبيكتمش السر كده أنا اللى فى قلبى على لسانى وبتعامل معاه على الأساس ده وأنه أقرب حد ليا ولو عريانه هو يسترنى

لكن دلوقتى من بعد ما عرفت انه بيخر كل حاجه كده لأهله حاسه أنى عريانه ومش مستورة

أعمل إيه قولولى ومحدش يقولى متقوليلوش على حاجه تانى
يعنى هعيش مع جوزى وأنا مش مأتمناه على سرى ده يبقى العيشه بينا حرام
أومال لو مخنوقه أفضفض مع مين ده المفروض أنه أقرب حد ليا؟؟؟؟؟؟؟؟؟؟

قوليله بكل هدوء زى ما انتى عمرك ما حكيتى شيء لاهلك عن اسراركم هو كمان اللى يحصل ما بينكم ما يعرفش حد بييييه نهاائي والا هتاخدى منه موقف وهتزعلى وشوفي ايه رده واييه رايه وربنا معاكى

أنا فعلا قولتله الكلام ده بالنص
وقالى خلاص ماشى حصل خير (بهدوء وبرود)
أتفرست جدا مش بس من رده
اللى فارسنى أكتر أنى ثقتى فيه أتهزت أوى لدرجة أنى حاسه أنى مش هعرف أعيش معاه تانى
لأن من بعد ما حصل كده حياتى معاه مرت قصاد عينى وتخيلت كل كلمة كنت بفضفض بيها سواء كنت سر أو مش سر ممكن يكون حكيها للناس
وأنا بكرهه كده أنا بحب الكتمان ومحبش حتى لو مشاكلى خاصه تبقى بينا وبس

مخنوقة منه جدا ومش طايقاه لدرجة إنه هو فى شغله من غيظى كلمته وقولتله الكلام ده مينفعنيش وأنا طبعى مش كدا وبحب يكون ليا خصوصياتى ولو انت بتحب الرغى الكتير ونقل الكلام يبقى أحنا مش لبعض
ومتجيش من الشغل أحسن من غيظى منه

هونى على نفسك ياحبيبتى عشان حملك ميصلوش حاجه ده اولا
ثانيامتزعليش منى اغلبية الازواج فى الزمن ده كده بيحكوا لمامتهم على كل
حاجه بصى ده بيبقى فى اول الجواز لكن مع العشره هيبتدى هو اللى يقولك
متحكيش متنسيش انه عاش طول عمره معاها ومش من السهل تغيريه
اهم حاجه انه بيحبك وبيعاملك كويس خلاص المشاكل العاديه دى حلها بسيط
كلميه بينك وبينه وهو اكيد هيخاف تزعلى عشان الحمل واتفاهموا مع بعض
وربنا مايجيب بينكم حاجه وحشه

شوفي يا أختي اسمعي النصيحة

غلط جدا إن الزوجة تحكي لزوجها عن أسرار أهلها مهما كانت بتثق فيه

هو ده الصح من تجارب ناس كتير لأن ده بيأثر على نظرته ليهم

حتي لو مش مبين وممكن يجي يوم تلاقيه يعايرك وقت غضب بما يعرفه

وممكن يقع في الكلام غصب عنه مع أهله أو أصحابه ففي كل الأحوال

الأفضل ما تحكي وممكن تحكي مع أمك أو صديقة حميمة تقية

وبعدين انت واخده الموضوع بحساسية زايدة صحيح ن لمشكلة خاصة

بأخوك لكن فعلا البيوت مليانه مشاكل والمشاكل بتبقي غالبا معروفه

وكل الناس بتتعرض للمشاكل غير ان اهل زوجك شكلهم ناس كويسين

والراجل على نياته بيسأل وأنت ما حكيتي شيء عن أخلاقهم أو أذيتهم

يعني شكلهم ما بيفضحوا ول بيعملوا مشاكل فرجاء ل تحملي الموقف

أكثر مما يحتمل وما في داعي تقولي ألفاظ تخرب عليك زي احنا مش لبعض

وهو قالك مش هعمل كده تاني فخلاص عديها واللي حصل حصل

ولا تخبريه مرة أخري بأسرار ولا تقولي صعب حتي لو صعب اصبري واتحملي

واتعودي صدقيني هو ده الصح ولا تنسي أنه أيضا يحكي لك أسرار

أهله ولو علموا ببعض ما حكى لك لغضبوا منه فمشي أمورك

وكمان انت شكلك علاقتك بأهله رسمية لماذا لا تعتبريهم مثل هلك

وتتقربي اليهم أكثر وتحكوا لبعضكم ؟هوني عليك أختي ولا تثيري على

نفسك مشاكل أنت في غني عنها نفسيتك هتتأثر غصب عنك معلش

اختي العزيزة
هوني على نفسك و لا تكبري الموضوع اكثر مما يستحق
زوجك لم يرتكب جريمة هو انسان و ليس ملاك
وعدك بأن لا يبوح بسركما و لكنه لم يوفي بوعده
قال لمن لوالده ولوالدته هل ما قاله شيئ مخزي لا قدر الله
ابدا كل البيوت فيها مشاكل و هموم ، احيانا يكون الكلام
او البوح من منطلق الزعل على الشخص ممكن هو منزعج لما حصل مع اخوك
وهذا مبرر له ان يقول امام اهله ، هو لم يؤذيه بشيئ اكيد لم يقصد احراجك
امام اهله
خذي الموضوع بروح رياضيه و لا تعقدي حياتك
المشاكل موجوده في كل بين فلا داعي للحساسيه الزائده
وان كنت لا ترتاحي للبوح بأسرار عائلتك لآين كان
اذا عليك بالإحتفاظ بها لنفسك فقط .
اختي هناك اسرار عائله يجب على كل زوجه ان تحتفظ بها لنفسها
ولا تحدث زوجها عنها مهما حصل
هذه الاسرار لنقل على سبيل المثال ، ما يمكن لزوجك ان يعايرك فيها
في لحظة غضب ، او ان يحرجك بذكره اما اهله
اما ما ذكرت من مشكله اخوك هذه امور عاديه و لا حرج منها
وتحصل في كل بيت ، اياك و التسرع و التلفظ بكلمات لا تليق
تخربي على نفسك حياتك الزوجيه بسبب موضوع
ليس خطير و بسبب حملك واعصابك المتوتره تكبري الموضوع اكثر مما
يستحق ، على العموم اعتقد ان زوجك بعد هذا الموقف رح يفكر الف مره قبل
ان يذكر شيئ من اسراركم امام اهله

ربي يهدي سركما و يتمم حملك على خير و يصلح احوال اخوك .

اختي العزيزه

الرسول يقول من ترضون دينه وفي قول دينه وامانته فزوجوه

يعني هذه من الامانه ان يحفظ الزوج اسراره الخاصه خصوصا

الل يهديه ويستر عليك

عزيزتي ما حصل قد حصل الان عليك ان تتوخي الحذر فيما ستحكينه لزوجك..لاني متفقة مع راي الاخت عيون 123 في المستقبل سيعايرك بمشاكل اهلك.
كانت اختي تحكي لزوجها كل صغيرة وكبيرة وفي اول شجار يعايرها بمشاكل اهلها ويقول روحي شوفي اختك او اخوك ....الخ.
انا لا احكي لزوجي الا مشكلة كبيرة جدا والتي اعرف انه سيعرفها حتما فمع زياراتي لاهلي سيلاحظ .
وهو يحكي لي كل مشاكل اهله وابقى محتفظة بها ولا اذيعها لاهلي ليس طبعا في وانما عن تجربة تعلمت منها الاحتفاظ باسراره

فينك بوسي م رديتي علينا ؟طمنينا كيفكم الآن ؟

اقتنعتي بآرأنا أم لا؟

اختي الغاليه انا من رايي تنسي الموضوع واذا هذا الموضوع مضايقك لهذا الحد احرصي على كتم اسراررك وحاولي قد ماتقدري تكوني حاطه لك شيء حاجز انا عني مااحكي زوجي عن اسرار اهلي الخاصه وهو كمان نفس الشي ومو حابه اعرف عنهم شي وهذا افضل ليا وله وحياتنا ماشيه والحمد لله