السلام عليكم ورحمة الله وبركاته
شخباركن خواتي عساكن بخير وعافيه .. وعسى ربي يبارك لكم بيومكم
حبيت اكتب مشكلتي الي دايما تحدث بيني وبين خطيبي.. تعبت كل فترة مشكله .. مقهورة انا بنت طيبة وعلى نياتي ودايما احس اني اظلم نفسي يعني لو اي احد غلط في حقي ما اتكلم واسكت احط بقلبي وابكي واتألم و أتضايق وبس .. والطرف الثاني يحس انه ما ضايقني وانه عادي .. كثير احيان خطيبي يجرحني بكلمات قوية والله ولا يحس انه جرحني والمشكله اني عودته اني اسكت واكتم بقلبي وابكي ولا هو داري عني .. ولما انا اضايقه مع اني ما اضايقه يعني اشياء بسيطه ما تضايق احد يحسسني اني سويت جريمه ما تغتفر ويقعد يقولي ما توقعتك كذا وما تطلع منك هالأشياء وصورتك اهتزت؟؟!! .. المشكله اني اقوم واعتذر منه مع انه شي ما يزعل بقولكم اشلون .. مره كنت اتكلم معاه وقالي بسالفه انا كنت فاهمه قصده .. بس توي برد عليه قالي انتِ شكلك فهمك بطيئ ؟؟!! هالكلمه جرحتني وليلتها قعدت ابكي طول الليل .. وكثير يقعد يقولي ابغاكِ تكوني رشيقه ومرحه وذكيه وابغى وابغى .. مع اني الحمد لله ما اقول كل شي فيني بس احس اني احقق كل الأشياء الي يطلبها ذكاء وما شاء الله علي وفي كثير من المواقف اقد اديرها .. مرحه ومتفائله هو الي دايما حزين ومكتئب .. وكل مره يلح علي وابغى منك وابغى .. وانا ما قط مره قلت له شي معين ابغاه يكون فيه لأني احس اني راضيه بالي الله كتب لي .. بس كل مره تزيد هالأشياء الي تضايقني واكبت .. اقولكم كل مره وهو يكلمني على الماسنجر و اكون معه بكل كلمه يقولي اني مو معاه ؟؟!! وانه ما يحب الي يتجاهله اقوله انا معك ولا شي شاغلني عنك .. آخر مره كنت اكلمه قسم بالله يابنات اني معه وبرد على كل كلمه فجأه طلع وبعث لي مسج قالي الف مره اقولك ما احب الي اكلمه يكون بوادي وانا بوادي؟؟ طلع بقصد ونا كنت اكلمه اتفأجى اني كنت اكلم نفسي .. بصراحه ودي اغير من طريقة تعاملي معه كثير تعبانه .. ودايما يشوف انه هو الي على الحق وانا الغلطانه
الروابط المفضلة