في قارب الاحلام تعالي سيدتي ودعينا نحلم اولا فكري شئ اكرهه وتكرهيه 0000ومع امواج وقارب تخيلي ان هناك حياة بدون تجاعيدنعم نحيا ونضل بوجه ناعم وجميل طوال حياتنا تخيلي عزيزتي سوف ينعشكي التفكير اه من التجاعيد تبا اكرهها صحيح سنه الحياه بس صعبه وهناك نساء تتغلب عليهم وتؤثر عليهم ومنهن عادي يلهون بالاكل والشرب والذهاب والاياب والضحك مع انه سبب من اسباب كثرتها بالنسبه لي تتعبني واحيانا اقنع نفسي واقول وقار وقار ههههه مخالب الغراب حول العينين وخطين حول الفم هههههه وخطوط ناعمه فوق الشفه العليا والجبهه وبعدين0000000شلونهسه حنكوم نحجي بالعاميه كافي طلعت روحي ادري ماكو شي يوقف هاتجاعيد سحر يالله اني اليوم حبيت احجيلكم لان وين ما اروح ببالي اضحك امص الضحكه عالنص واسكت واذا ادني يعني انحني افز واكول ولج اوكفي هاي شنو يعني اتحنط ابتسم اكثر الاوقات ولو بعد ماكو شي يضحكني حيل ها اذا اصيح عالجهال اتماسك وما اغضب لان الغضب اممممممم واشرب ماء حتى تنفجر بطني يكولون المي زين المشكله بشرتي بيضه والبشره السمره اقوه عندي خط بالجبههه وهذا من ايام الثانويه وفد يوم كلت لزوجي خليني اروح عالدكتور الفلاني مفتح جديد يضربني ابره بنص الخط ضحك الزوج الرومانسي وقلي يا مرة احلى شي بيج هوه هذا الخط محليج وما عرف شنو من هاي السولف مال الزلم اني كيفت وكمت اهلهل من جواتي على كولت السوريين ونسيت الموضوع والخط والله خف من الحاله النفسيه واعتبرته وشم مثل العربان ومرات اخط بالكحل الاخضر عليه طبعا باليل امام المرايه على كل حال التجاعيد ماكو مهرب منها وهناك حل شويه فادني اعوف المرايه شويه واتامل بكل شي زين بهذي الدنيا والحمد للله والشكر تبقى التجاعيد يمكن حكمه من رب العالمين حتى يفهمنه ان كلشي زائل بهذي الدنيا واهم شي العمل الصالح وشكرا انطوني رايكم
الروابط المفضلة