اختي الغالية
حياك الله في منتدانا الغالي
انا مر علي نفس حكايتك
نعم نفسها بس زيادة على حركات العجوز
كانت حركات بنتها كمان
وصبرت لين نقلت لبيت تاني
راح اقولك كيف اتصرفت معاهم بناء على مواقفك انتي
المشكلة اننا بنراعي سن العجوز المسكينة
واحنا ما عارفين ايش اللي مرت فيه في حياتها
وخلاها ما تثق في احد
وتتدخل في اي احد
يعني هما يخافو على ممتلكاتهم بطريقة غريبة
عموما اختي مافي الا الخير
هو احسن حل انك تنقلي لبيت تاني
بس طبعا انتي على ولادة و اكيد ما حيكون في صالحك النقل الحين
عشان كده خلي فكرة النقل بعد الولادة
وربنا يسهل عليك يا رب
اختي
انت كلامك كله عين العقل
واكيد اي وحدة فينا ماراح تفتح لها الباب
وراح تقطع منها اي اتصال
طبيعي صح؟
بس الناس الكبار في السن ما راح يحبو كده
عشان كده استغليها
يعني
حتى لو جات عندك و انت مو مرتبة البيت عادي اختي
احنا كلنا بنحس بكسل ساعات كثير جدا
وباعتذار دمه خفيف راح تتفهم
بس انا قصدي
انك في اليوم اللي تجي فيه
بلغيها باحساسك عادي جدا كانها قريبتك
قوليلها مثلا
والله انا يا خالة حاسة اني ضايقتك بشي
انتي شاقيفة شي يا خالتي فيني و في زوجي ؟
هل احنا ازعجناك ؟
بكلام مليان حنية
يعني كنوع من الخداع البرئ يعني
وهيا اكيد راح تنكر
ومنها هيا حتحس اختي
حتى لو هيا عجوز
بس بيعتمد على كلامك و اسلوبك معاها
وفي نفس الوقت اكيد زوجك عنده علم بكل اللي تعمله
يعني
ممكن تخليه يكلم اي واحد من قرايبها
اولادها او اي احد
بالتفاهم و الكلام الطيب
واكيد راح ينصلح الحال اختي
واذا طقت الباب بالعصا
روحي افتحي الباب وكانك مصدومة و متخرعة مو معصبة و زعلانة
قوليلها
ايش في خالتي ايش في خرعتيني ؟
صاير شي خالتي ؟
كنا نايمين و صحيتينا
يعني
تمثيل على خفيف
اختي
وهيا ماراح تحاول تطق بالعصا
بس لازم يكون في اسلوب بينكم
على اساس هيا تنتبه انها مزعجة
بس
اهم شي
اهم شي
اهم شي
انك ما تفكري في الموضوع كثير
واعتبريها جارة مو صاحبة البيت
على اساس انت حامل وعلى ولادة
والتفكير الكثير متعب ليك اختي
عيشي عادي جدا
وبعد ولادتك ممكن تنقلي
لو في طريقة سهلة ليكم
حاليا عادي خليها تيجي
يعني ممكن يوم تفتحيلها وممكن يوم لا
لانك لمن تقطعي حتكون قمة في التدخل
وعلى حسب كلامك فعلا صارت تسال وين رحتو وووووو؟
وهيا اكيد فكرها راح يروح لبعيد جدا
على حسب سنها اختي
خليك عادية جدا جدا معاها
وربنا يقدم اللي فيه الخير
وخلي بالك على نفسك و حملك
تحياتي
الروابط المفضلة