السلام عليكم ورحمة الله وبركاته ..
كيف حالكم اخواتي ؟؟
والله انا احب هذا المنتدى الغاالي كثييييييير من زمااان وانا متابعتكم واعرف عضوات كثييير شدّني اسلوبهم وحكمتهم ما شاء الله تبارك الله وصرت احب اتابع مووضوعاتهم دائما ..
المهم رح ادخل في الموضوع مباشرة ..
واتمنى تفيدوني وتساعدوني الجميع وخصوصا اخواتي الغاليات على قلبي اللي شدّتني طريقتهم في الردّ واسلوبهم الرائع ورآرائهم السديدة والحكيمة :
زينب غربية , إنجي , نوران , أم الخير , عيون 123 , دهوبه , تيوليب*
جزاهم الله عنّا خير الجزاء وبلّغهم ما يتمنون وجميع عضوات لكِ ان شاء الله ..
انا اكبر اخواتي وعندي خالة واحده فقط تقريبا في سني عمرها 24 تقريبا وانا اصغر منها بكام سنة ..
انا وخالتي صحبات كثيييييير وهي مخطوبة وزواجها بعد كم شهر ان شاء الله ..الله يتمم لها على خير يارب ويوفقها ويسعدها ..
المهم .. عمّات خطيبها مو كويسات ابدا .. اساسهم بيكرهوا خطيبها واهله وعليهم ألسنة استغفر الله العظيم يعني من جد تحسونهم يعرفوا يغيظون الواحد ويقهرونه ودائما يكونوا يلمّحوا بكلامهم او يدقّوكِ ويستفزوكِ..
كلامهم جدا جدا زي السمّ ماحد يتحمله والمشكلة بدوون سبب يعني بينهم وبين اهل زوج خالتي مشاكل طيب اوكي .. اش دخّل خالتي وهي لسى ما تزوجت الولد اساسا ..؟؟؟!!!!!!!!!!!!!
خالتي امس اتصلت عليّ مقهوووووووره وتقول لي انها اتصلت على أم خطيبها تسأل عنها وتتطمن عليها .. راحت ام خطيبها وفتحت لها مواضيع ما لها اول ولا تالي
وخاالتي مفجووعه مو فاهمة ولا شيء من كلامها .. بس الباين ان ام زوجها على نياتها وبس حاابه تفضفض ..
تقول خالتي انها قاعدة تقولها كلام ما طلعت منه بالمفيد بس انها حسّت انه بينهم مشااكل وكلام كبير وهذا نصّ الكلام اللي قالته ام الولد لخالتي (((والله انتوا ناس طيبين والله يوفقكِ مع ولدي .. ناس كثير يبغوا يقهروني واحدة منهم تقول لي انتي خطيبة ولدك مو حلووه _يقصدوا خالتي_بس والله انتي في عيني حلووه واهم شيء الاخلاق والادب وانا مرتاحة لك وهم كانوا يبغونا نخطب لولدنا واحده من بناتهم... وواحده من عمّاته تقول لأخوها:""ابو الولد"" ليش تسووا الفرح في قاعة كبيرة لا تكلفوا على انفسكم واعملوه في استراحة صغيرة ما يبغى له كل هذي التكاليف و""وباقي الكلام اغلبه تبين انها مقهوورة منهم ""..))))
خالتي صحيح انها ماهي ملكة بجمالها بس جمالها عادي يعني ما هي شينة الحمدلله اهم شيء هي خلوقة وملتزمة بدينها وهذا اهم شيء بس برضو احس الكلام هذا يكسسر بخاطرها وتنقهر
انا انقهرت كثييييييييير من كلامهم هذا ولسى خالتي ما تزوجت وما صارت قريبة منهم طيب ليش يسووا كذا ..؟؟||فيه معلمة تدرّسني ما شاء الله تبارك الله تفرض احترامها على الغير .. يعني ولا عمرها خاصمت الطالبات او هدّدتهم بالدرجات بالعكس احيانا تسولف معانا وتضحك بس ألاحظ الكل يحترمها ويقدّر وجودها ويحبها . . بعكس البعض يخاصم يسب يهدّد ولا كأنه يعمل شيء .. نفسي اتعلم كيف اصير مثل النموذج الاول افرض احترامي على الغير بأخلاقي مو بالخصام والجدال اللي ما له داعي .. يعني اذا بتعرفوا محاضرات عن هذا المجال اعطوني رابط التحميل جزاكم الله خير وايضا اللي تعرف محاضرات الثقة بالنفس تعطيني الرابط لأني دائما ابحث في النت وما لقيت شيء ..
الحمدلله انا وخالتي واخواتي الصغار أمي ربتنا على الأخلاق .. الآن لو صارت مشاكل او اي جدال خفيف بيني وبين اي واحده اسكت وما ارد عليها عشان كذا الناس يقولوا عننا انه شخصياتنا ضعيفة بس اول شيء تربيتنا ما تسمح لنا اننا نرد وثانيا يمكن لـأننا مو متعودين نرد بقلة احترام او شيء مثل كذا ولله الحمد.. بيئتنا اللي تربينا فيها والناس اللي اختلطنا فيهم طيبين ولله الحمد ونادرا ما نقابل اهل خطيب خالتي .. هم عايشين مع بعض وتعودوا يدقّوا بعض بالكلام ويلمّحوا لبعض ويتخاصموا خلاص صار شيء عادي اللي يعيش بينهم يطلع بشهادة امتياز ..
انا ما ابغى اصير مثلهم انا وخالتي واخواتي بس نفسي اعرف كيف اكون حكيمة وكيف اخرج من الموضوع بدون خسارة لو صار جدال بيني او بين احد .. او ارد بردّ محترم بس يبين لهم انه عيب عليهم هذي الحركات ..
بس ابدا ابدا ما ارضى اني اعاملهم بنفس اسلوبهم لأنه بالأول والأخير هذي اخلاقي وما ارضى انقص من حسن اخلاقي..
نفسي اتعلم واعلّم خالتي واخواتي ,, لأني حسّيت خالتي تأثرت كثيير من كلامها وانا في نفسي اقول (الله يعينك لسى ما شفتي شيء ) لأن عائلتهم معرووفة تحب المشاكل وما ترتاح لو مرّ اليوم عادي لازم يسووا اكشن ..
ساعدوووني تكفووون والله مقهوورة ومهمومة خصوصا انه خالتي بتكوون بعيدة عننا وغريبة وما تعرف احد هناك غير اهل زوجها ( أمه واخواته )ومعرفتها فيهم سطحية جدا ..وخالتي شخصيتها قريبة مني يعني لو صار شيء معاها منهم احسّ انهم بينتصروا لأنه عندهم خبرة في هذا المجال ..
اخواتي الغاليات انا عندي اختبارات بس والله بعد ما اتصلت عليّ خالتي وقالت لي الكلام هذا انقهرت كثييييييير وعلى طول كتبت هذا الموضوع وتركت مذاكرتي وبسّ افكر في الموضوع وما قدرت ارتاح شايلة همها ..
الله يسعد كل واحده ترد عليّ ولو بدعوة .. وسامحوني على كلامي الكثير
بس والله مقهوورة
الروابط المفضلة