انا من زمااااااااااااااااااان منقطعه عن المنتدى والنت لكن لظرف المهم ابغى مشورتكم بخصوص تصرف تصرفه زوجي وانا زعلت منه وهوه يقول مالي حق في زعلك هذا
الموضوع انه كانت العيله متجمعه عند واحد من اخوان زوجي و زوجي ما كان معنا بس وصلني للبيت و راح مشوار مع واحد من اصحابه وتأخر لكن اهله كل شويه يسألوني عنه بيتعشى برا ولاّ بيجي يتعشا معنا قمت ودقيت على جواله وسألته وقالي اتعشوا لا تنتظروني قلت لأهله على كلامه قالوا لا بننتظره وبعد ساعه سألوني وكمان دقيت عليه و قال خلاص انا قريب بس اتعشوا لا تنتظروني المهم تعشينا وهوه جا على العشا و كان متعشي وانا على بالي انه اتعشا بعد اتصلاتي هذي كلها لكن إللي عرفته بعدين انه كان متعشي من اول اتصال بس ما قالي ولمّن ناقشته في الموضوع وقلت له احرجتني مع اهلك وليش ما قلت لي من اول انك متعشي كان عرفت اتصرف قال لي اسبابي و بأحتفظبها لنفسي انا بصراحه بغيت انجن و زعلت منه بالمره وهوه يقول مالي حق في زعلي من هذا الموقف
فمدري ايش رايكم لي حق ولاّ مالي حق ؟؟؟؟

لالا ماااالك حق تزعلين وتشغلين بالك
الموضوع جداااااااا بسيط ومايستاهل تعطينه اكبر من حجمه

الله ييسر لك امورك
ياريت مايجي زعل الا انه اتعشى برا
مو مهم لاتزعلي وتوددي لزوجك
كثر الاسى يقطع عروق الموده

انا شايفه انه موضوع مش مستاهل زعل ورد زوجك كمان هادى لو واحد مكانه كان ممكن يعصب عليكى

انسى الموقف و لازم تاخدى الامور ببساطه اكتر من كدا خصوصا فى امر مايستاهل الزعل

لااااااااااا انا مو زعلانه عشنه اتعشى برا انا زعلت انه ما قلي من اول مره دقيت عليه هوه كان متعشي اقصد المفروض انه قالي من اول مره لا تنتظروني انا قد تعشيت فهمتوني هذا إللي مزعلني ليه ما قلي من البدايه

و الله فى راىى للرجال تفكير اخر بعيد جدا احيانا عن تفكيرنا انا ايضا تصادفنى احداث مشابهة و اصبحت لا اتعب نفسي بكثرة التحليل ولا اسال عنه كثيرا و لا ااخر عشاء الجماعة لاجله فان حضر اللهم بارك وان لم يحضر يتعشى وحده او اخذ عشاءه للبيت عندما نرجع و ان تعشى فى الخارج صحة و هنا وربما اساله كفضول انثى مع من لانه اتعبنى فى البداية جدا بمواعيده غير المضبوطة و احرجنى كثيرا و بالتالى ارحت نفسى بهذا التصرف

حبيبتي انا مو متزوجه و لا عندي خبره بهذه المواضيع
لكن على حسب رأيي أنا
أنو الزوجين لازم يخبرو بعضهم حتى بأبسط الأشياء
يعني مالازم يقول لك أسبابي و أحتفظ بها لنفسي لان حياتكم صارت بمثابة حياة واحده
يمكن مايخبرك من أول اتصال..يعني يمكن تكون ظروف مانعته او هو يكون في وضعية غير مناسبة
لكن لما يجي للبيت لازم يخبرك .. بكل شي و انتي نفس الشي
يعني انا اعتقد ان زعلك من ناحية ماخبرك من اول اتصال مالازم يكون حسب الظروف يعني
لكن بما انه لا يريد اخبارك حتى و انتم لوحدكم فمن حقك تزعلي
لكن لا تخلي هذا الزعل يتطور..حاوريه و تتفاهموا ان شاء الله
الله يخليكم لبعض و يديم عليكـمـ السعآده دنيا و آخره

~ و ربي أعلم

شكرا لكل من ردت عليه ونصحتني بس انا ما زعلت إلا انه مو راضي يقول لي إيش هيه اسبابه يقول من حقي احتفظ بها لنفسي إيش رايكم فيه ؟؟؟

هدي عطيتك رأيي فيها .. و الله ياخذ بايدك و يسعدك
انتي كوني متسامحه و حاولي تعرفين منه الاسباب بالهدوووء و الحوآر اكيد

اذا خليتي يتعلق بيك وعرفتي تكسبي وتزرعي ثقتك فيه وتثبتيله انو اللي بينكم حايفضل بينكم ...صدقيني هوه بنفسه حايجي يتكلم من غير ما تطلبي منه

اهم شي لا تحسسيه انه ملزوم يبلغك كل شي بس حاولي تعوديه انه احنا واحد ونشارك بعض في كل شي الصغير قبل الكبير..

ودحين خليه براحته وشوفيلك اي حجه تانيه تبرري بيها زعلك منه عشان مايحس انك حاتقيدي تصرفاته بزعلك وتطريه يكذب عليك بعد كدا .. انتبهي