السلام عليكن اخواتي العزيزات، انا قرأت هنا في (لكِ) موضوع للأخت سحر عنوانه: زوجي العزيز انت شريك حياتي ولست حياتي كلها
ومن يومها وانا افكر في نفسي وفي خطيبي. لا اريد ان اقع في هذا الخطأ وهذا الموضوع يهمني جدا لأني احس انني سأكون من هذا النوع الذي يكرس كل حياته واهتمامه بالطرف الاخر. فأنا احس أني الان (وانا لازلت في بيت اهلي) احس بأن زوجي اصبح كل حياتي
فأنا دائمة التفكير فيه، في كل أمر افعله افكر فيه، اثناء محاضراتي في الجامعة، عند عملي مع والدتي في المنزل، عندما اكون مع صديقاتي، حتى عندما اتحاور مع والدي اتخيل لو ان خطيبي معي الان هل كان سيحب ويوافق كلامي أم لا؟ على فكرة انا وهو لسنا في نفس البلد وسنتزوج بعد 6 أشهر. وانا حاسة اني ما احبه حاسة اني مهووسة فيه.
احيانا مثلا يكون واعدني انو نتكلم بالليل وانا اقضي يومي كله في التفكير في الكلام وفي التفاصيل اللي رح احكيلو ياها، يعني بتروح مني ساعات في احلام اليقظة وبضيع وقتي وبتحضر وبهيء نفسي للمكالمة وفجأة بيبعتلي مسج بيقلي حبيبتي انا تعبان ونعسان بدي نام منحكي بكرا!!! هالشي صار معي اليوم !! والله قعدت ابكي من القهر والغيظ تخيلو انا مستنية مكالمتو من الصبح وبالاخير بيقلي نعسان وتعبان تصبحي على خير ومع هيك حاولت اتصل فيه لقيتو مسكر تلفونو لأنو عارف اني رح اتصل! والله حسيت احساس مو حلو انتوا لو مكاني اكيد رح تحسوه. بس اللي قهرني اكتر واكتر!! انو بعد نص ساعة من هالكلام وصلني منه مسج كاتبلي فيه : حبيبتي نسيت اقلك اختي اليوم مريضة شوي ابعتيلها مسج اطمني عليها بتفرح فيه. بحبك......!!!!!!!! تخيلو هو كان قايلي انو بدو ينام بس سبحان الله تذكر اخته بالمنام ! والامر من هيك انو رجع سكر تلفونو
انا والله صرت اخبط كل شي حوالي وبكيت مع انو بعرف القصة مو مستاهلة ..
بعدين قعدت مع نفسي.. سبحت شوي.. صليت وفكرت! وتذكرت موضوع الاخت سحر.. حسيت انو هالموضوع تكلم عني.. هالمشكلة أثرت سلبيا على نفسيتي ودراستي، هي يمكن تكون مسألة تافهة جدا وخطيبي لو جينا للصراحة مو مقصر معي بشي صح احيانا اشغالو بتاخدو مني شوي بس بيحاول دائما لو زعلني يراضيني..والمشكلة لو كنت زعلانة منو كلمة وحدة ترضيني.. يعني انا حاليا معصصصصصصبة منو وبقلبي كلااااام الدنيا مستنية بس بكرة يجي مشان اقلو ياه بس بكرة لو قلي كلمة وحدة حلوة خلص رح انسى كلام العتاب كلو ! وبعديييين مع هالحالة !!
انا فعلا تعبت نفسيا وكنت حاسة انو بدي افضفض وما لقيت غيركم والله لاني لو قلت لماما هالكلام رح تقلي (خلي المسكين يتنفس حلي عنو!!) واكيد معاها حق
اسفة يمكن افكاري ملخبطة بس من الحالة اللي فيني والله ما عدت اعرف كيف اعالج هالموضوع
الروابط المفضلة