السلام عليكم ورحمة الله وبركاتة
كيفكم .. يابنات بليز لا أحد يعطيني رائي سريع حطي نفسك بمكاني
تخيلوا هالموقف سار لكم كيف بتتصرفين ..
يابنات يوم تزوجت كانو أهل زوجي يحبوني ويجلسوا معايا وكانت اخت زوجي f
معايا حتى أدخلها غرفة نومي وكأنها اختي وهيا برضوا كانت تحبني .. المهم
وبدأت أطبخ من بعد شهر من زواجي وأرسلهم اكل وكيكات كل عصرية .. ودا
الشيء للأسف ماسويتو في بيت اهلي
المهم وأنا من النوع إذا احد عملي حركة أو كذب عليا أخذ منو موقف حتى لو
تكلمت معاه أكلمو بحدود ويطيح من عيني المهم هذة اللي على بالي عزيزة
وغالية رايحة زواج قريبتها واعطيتها شنطة وجزمة الله يكرمكم وعدسات وعملتلهم
طبخة قلت عشان أنتو ماعندكم وقت تطبخوا بتكونوا مشغولين .. المهم
هيا بتعرف إني أغاااااااااااااااااار على زوجي موت .. المهم سألتها كيف طلع شكلك
في الزواج قالت جنان يهبل شكلي قلت الحمدلله .. بعدين قالت اخويا اللي هو
زوجي شافني
وشالني وباسني انا هنا تعالي شوفي وجهي كيف لونوا أحمر أصفر لأني كنت
أقول لزوجي شيلني يقول انتي ثقيلة بالرغم أني أنحف منها بكثييير
كرهت زوجي قلت يشيل الدب وأنا وزني 40 مايشيلني ؟؟ لأن زوجي كسول
مايحب يشيل شيء
في نفس الوقت سألتها كيف العروسة وهيا تدري أن العروسة تكرهني وأنا أكرها
قالت جنان شكلها روعة ومسكتها خيال قلت حبيبتي المسكة قديمة شفتي
حقة زواجي هيا اللي طالعة وأنا الحمدلله مقتنعة بنفسي بس هيا تبغى تقهرني
رغم مابيننا شيء من هنا عرفت أسلوبها جاء زوجي تخاصمت معاة قلت تشيلها
ماتشيلني انكر وم راضي يعترف قلت مين الكذاب أنت او هيا عشان اعرف
في النهاية اخذ المصحف وقال وربي أني ماشلتها ماتعرفي أختي تحب تبالغ
تبغى تسوي انها شيء بس لماجات وورتني شكلها جاملتها وبستها في كتفها لان وجها كلو مكياج
وصحيح صدقت زوجي انو ماشالها لان وزنها مشاء الله ثقيل بس هيا ليش عملت معايا كذا وأنا طيبة معاها؟؟ وتعرف أنو الغيرة تمشيء في دمي؟؟
المهم قلت أها تبغى تحرق قلبي وبعدها سارلي موقف بيجون أقاربهم قالت لو بيجوا أقاربنا بجلس معاكي وبكون بجنبك قلت أيوا والله أنا استحي بس جوا أقاربهم
وإلا استناها ماجات أخذت بنت عمها وراحت المطبخ قلت لأختها شوفي اختك الكذابة اللي بتجلس معايا وصلتلها الخبر وجاتني تجري تقول معليش انا مشغولة في المطبخ قلتلها عادي خذيني معاكي انا مو متعودة أجلس مع الحريم .. وجلست تضحك بعدين جلست مع زوجة اخو زوجي .. وحكيت للزوجة أخو زوجي قلت شوفي تكذب عليا ودحين أخذت بنت عمتها وخلتني قالت ييؤؤيؤيؤة هذي كذابة أسأليني أنا كانت تقولي كل شيء كذب قلت بالله قالت والله
وتخيلو يابنات ان هذة الحرمة اللي تكلمني كانت اخت زوجي معاها كأنهم صديقات ويوم سرت انا العروسة سابتها وجات عندي؟؟ فقلت في تفسي بيجي يوم وتتخلأ عني مثل ماتخلت عنها
المهم معليش كلامي كثير بس ابغى اعطيكم التفاصيل بعدها سرت جدا عادية وما اروح عندهم كثير حتى الطبخ ماعاد اطبخ مرة زي اول بحدود والله يابنات انهم ماقد ارسلولي شيء غير بيتزاء يسون حلا ولايرسلون ليا بس أم زوجي الله يحفظها
دائما ترسلي إيدامات
المهم جاء وقت الوحم كرهت نفسي ماعاد اطيق نفسي ولا احد من الناس حتى زوجي وجات عندي اخت الثانية تقول وشبك تغيرتي قلت الوحم ياختي وراحت تدقني بالكلام لاني قلت لأخت زوجي اللي على بالي صديقة سر عن زوجة اخويا
جات اختها تقولي احنا مو زي حريم اخوانك وربي ولعت وسكت خلاص ماعاد في ثقة وندمت اني صادقتها 4أشهر
تخيلو ياجماعة كل مابيجيهم ناس يقولون سويلنا حلا .. وأنا استحي وأم زوجي الله
يحفظها برضوا يرسلوها وتقول تقدري تسوين حلا.. واسوي رغم ان الحمل متعبني
الآن اخذت درس منهم بعد حملي وانتهى الوحم ودخلت الخامس والسادس والسابع وأنا ماقد شفت غرفة نوم البنات تخيلو تقريبا بكمل السنة وماشفتها ومايبغوا يوروني هيا برغم بنات عمهم يدخلوها وحريم اخوانهم الثانيات إلا انا زوجي
يقول يستحون لانها مخربة ؟؟
المهم جات اختها الثانية تجلس معايا تبغى تسحب مني كلام ماقدرت شافت وجهي سار حلو ومتنت وبيضت كثير وبشرتي صفية مشاء الله تقولي عندك شيء يبيض ههههههه جد هالناس مصالح سكت وقلت لا وربي لو كانو معايا عسل
لأأعطيهم اللي يبغون
المهم انقطعت علاقتي باختوا هذة واحيانا اروح عندهم ماتسلم
وفجأة سارت تتكلم معايا ومدري ايش وانا مستغربة تضحك معايا وقال تنصحني
استغربت وش في وليش سايرة عسل معايا اها عرفت السبب .. تبغاني أعلمها
للكمبيوتر لانها اشترت ومايعرفون برايكم أخواتي ..إيش اقولها شوفوا ترى هم وقت المصالح يجون وأنا ما ابغى اعلمها بس بنفس طريقتها وش اقولها يعني ابغى اكون طبيعية معاها بس ما ابغى اساعدها لأنها ماتستاهل وهيا كذابة ومبالغة جدا" في الكلام وآآسفة على الأطالة بس عطوني الحل لان جهازها بيجي بعد كم يوم
وأنا ادري انها بتستفيد مني بعدين بتسويلي بلوك وطنشني كالعادة وبعدها اجلس امص حمر وابكي
الروابط المفضلة