السلام عليكم يا بنات
رح ادخل بالموضوع مباشرة انا مخطوبة ومكتوب كتابي وخطيبي او زوجي مسافر يعني مو بنفس البلد الي انا فيها المهم في بيننا حب كبير والحمدلله والمشاكل بيننا قليلة ولكن للأسف حاليا نحنا متزاعلين وانا محتاجة نصيحة من اللي اعلم مني

من يومين كنا متواعدين انو يدخل على النت مشان نحكي ونشوف بعض عالكام المهم اتصلت عليه حتى اشوف متى رح يدخل ولا قلي انا رايح مع اصحابي وألحو علي ومن هالكلام لما اخلص ادخل على النت. المهم تأخر علي اتصلت عليه مرة تانية وكان معاه اصحابه بالسيارة فما قدر يكلمني براحته بس انا قلتله وينك؟ ووين رايح؟ ومع مين كنت معصبة ما كان قصدي تحقيق فهو عصب مني كتير وقلي خلااااص بعدين اكلمك !! المهم يومها ما دخل على النت... وانا نمت زعلانه وتاني يوم الاخ عامل فيها انو هو اللي زعلان وما بعتلي ولا مسج بعدين بالليل انا قلت يمكن متضايق او عنده مشكلة وقلقت عليه ودقيتلو اول مرة ما رد وتاني مرة كان بالسيارة وقلي انا ما بقدر اكلمك لاني بالسيارة وفي شرطة ودوريات وانا قلتله لا افتح السبيكر وكلمني كمااان عصب علي بشكل جنوني! والله حسيت انو كرامتي انهانت وانجرحت والله العظيم وفي الليل ارسلي مسج قلي لا تزعلي مني كنت معصب!!! بس هيك! وما كلف على خاطره يراضيني بكلمة حلوة ! ومن وقتها يعني من مبارح لليوم ولا كلمته ولا كلمني وبصراحة حاسة لو انا دقيت عليه او بعتله مسج رح اهين كرامتي! ياريت تنصحوني استناه حتى يدق؟ ولا ايش اسوي؟

خليه هو اللي يتصل عليكي واعملي حالك مش مهتمه
حاولي تعوديه انه هو اللي يراضيكي خصوصا ازا كان هو السبب
جوزك على ما عودتيه
بعدين هاي بالنسبة الي مشكله عادية بتحصل بين الخطاب
لسه في مشاكل اكتر من هيك خدي الامور ببساطة بس لما يواجهك اعملي حالك انك كتير متأثره

حبيبتي وأنا مش رح أزيد علي كلام أوختي فروحتة قلبي شي بس أقولك حاولي ديما إ‘نك تمكوني ركزه وخليه ديما هوه ألي يطلب رضاك بس يوم تروحي لبيت زوجك وتتزوجي بتختلف الامور في هداك الوقت ما تزعليه وديما
إنتي ألي تبادري بالتسامح

السلام عليكم
اقولك أولا هاي أمور عادية تحدث بين الخطاب الى ان تتعودو على بعض و تفهمو بعض أكثر
اما بالنسبة للمشكل الحالي انا في نظري لن اعارض اخواتي فروحة قلبي و عاشقة الجنة اتركيه هو اللي يراضيك لانو هو اللي غلط

اختي
مشكلتك بسيطة
اول شي انت وهو مو بنفس البلد يعني ما بتعرفي ظروفه فعلا..ممكن يكون تاخر
مع اصحابة وممكن يكون لما كلمتية بالسيارة مع اصحابة احرجتية لانة السيارة صغيرة وممكن ال جنبة يسمع..حاولي تخلقيلة مبرر او عذر
بالنسبة للصلح اتركية كم يوم خلية هو ال يتصل فيكي
واذا اتصل ما تعاتبي ولا تحكي بالموضوع ارمية ورا ضهرك
والله يسعدك

حبيبتي فعلا ممكن يكون انشغل واتاخر بالرجعة ودايما الشباب بطبيعتهم ما بيحبو يحكوا مع زوجاتهم لما يكونوا مع اصحابهم يمكن هالشي بيحرجهم وممكن يكون فعلا متدايق من شي ومش حابب يشغل بالك بالمشاكل حبيبتي اعطيه عذر بس اتركيه على راحته ليتصل هو بما انو بعتلك مسج انو لا تزعلي واعترف انو كان معصب اذن عارف انو هو الغلطان مش انتي..
الله يوفقك حبيبتي و يتمملك على خير

كلهم بحكو صح
بس حاولي عوديه انه هو اللي يراضيكي دايما لانه ازا بتضلك تصالحيه بتعود
ولما يراضيكي عطول ارضي لحتى بينه وبين نفسه يستسهل الموضوع وما تنقح عليه كرامته ويحرم عيدها

شكرا الللللللللف شكر على ردودكم الروووعة والله عملت متل ماقلتولي هو اتصل فيني وانا عملت حالي كتير متأثرة وزعلانة وهو اعتذر وراضاني بس قلي انت احرجتيني مع اصحابي كانو معي بالسيارة وانت بتسأليني وين رايح ومنين جاي واي ساعة رح تخلص وووو.. المهم انا ما كنت بعرف انو بينحرج يحكي معي لما يكون مع اصحابه والله بس قررت اتقل عليه كم يوم واخليه هو دائما يبدأ يسأل عني حتى ما يعيدها ويعصب علي !

يااااااارب الله يبعد عنكم كل المشاكل ويسعدكم يارب

وفي الليل ارسلي مسج قلي لا تزعلي مني كنت معصب!!!


خلاص مافي مشكلة ياستي وهدي امور بسيطة جداً وتحصل بين الجميع


ولكن المرة العاقلة اللي تكبر عقلها عن الحاجات البسيطة دي


ومن رأيي انك تبعتي مسج لطيف عادي بحكم انو زوجك اولاً واخيراً او تتصلي تتطمني عليه كيف اموره




وانسى الموضوع مابتديه اكبر من حجمه ياقلبي


ومهما كان يبقى توام روحك والشيطان مايستاهل يفرح بهيك زعلة ياقمر


ربنا يسعدك ياقلبي

الحمدلله انه مشكلتك انحلت

بس انت لازم تعرفي انه الزلام ما بتحب هده الاسئلة.. مع انه احنا النسوان بالنسبة لالنا عادي ما فيها شي.. بس هم بيعتبروها تحقيق واسئلة ما لها طعمة..

تاني مرة بس يقولك انه طالع مع الشباب.. لا ترني عليه.. خليه براحته.. وبس يرجع هو اللي بيحكي معك..