السلام عليكم
انا عندي 25 سنه مخطوبه وخطيبي اكتر حد في الدنيا بحبه ومش بقدر علي زعله
ابدا وهو حد يستحق كل حاجه كويسه وربنا عوضني بيه عن كل حاجه وحشه
انا بشتغل وبحضر ما جستير في كليتي
وناشطه في مجال الرياضه وكاتبه في اكتر من موقع ورئيسة مجلس ادارة
رابطه معروفه وخطيبي برضه عاشق لنادينا
المهم اتعرض عليا اني اكون مراسلة لازاعة في الراديو واني
اكون في موقع من اكبر مواقع الكوره انا حلمي اني اكون مراسله
عرفته ووافق وبما انه فاهم فيه فاقتنع ودلوقت لما الموضوع بدأ
يبا جد شويه قال لا وهزعل وبلاش وكده قولتله مانت قولت في الاول ايوة
قال كنت فاكر في موقع بس مش في الازاعه وانا شغلتي دي تتطلب اني اروح
النادي في الاسبوع اكتر من مره وهو كان عارف وكان هيساعدني
لان عنده اصحاب بيلعبوا في النادي اللي انا هكون مراسله ليه
قولتله لو انا مش عملت كده هتعمل ايه؟
قال انا واثق انك مش هتعملي
هو بيبرر رفضه في ان هتعامل مع ولاد وكده وده هيضايقه
اولا: انا مش عايزه ازعله
ثانيا: ده حلمي وماصدقت ان الفرصه جتلي
ثالثا: انا حد طموحه وخايفه دي تكون البدايه ومش يشجعني بعد كده
ويكسر عزيمتي في اي حاجه
أرجوكم فيدوني اعمل ايه؟
الروابط المفضلة