كل سنه وانتم طيبين معلش ياريت تساعدونى لأن نفسيتى والله تعبانه جدا انا تزوجت وسافرت الامارات مع زوجى بعد4 ايام المهم احنا مش طولنا فى الخطوبه احنا كتبنا الكتاب على طول المهم هو بصراحه كويس جدااا الحمدلله بس فى مشكله ان شقتى بقرب ماما لكن حماتى ساكنه بعيد المهم اللى مضايقنى ان مفتاح شقتى النسختين مع حماتى هى الشقه فاضيه بس ماحد بيطمن عليها وكل شويه نتصل نتحايل عليهم يتطمنوا عليهالكن براحتهم بيروحوا اللى حصل ان فى مسوره مياه غرقت الدنيا من قبل رمضان بأسبوعين وقولت لزوجى خلى حد يعطى مفتاح الشقه لماما ولما قال لخاله اللى بيروح يشوف الشقه قاللوا استنى لما اقول لمامتك الاول عشان ماتزعلش ومن ساعتها دخلت على شهر ولا فكروا يبعتوا مفتاح مش من حقى أمى يكون معاها مفتاح شقتى اللى انا مش أخدته أساسا وكمان هى حماتى تزعل ليه وده حقى وكمان أمى اقرب لشقتى تروح تطمن عليها وتهتم لو فى حاجه وهما مش كده .ممكن تدلونى بسرعه انا والله مخنوقه وتعبت مش حسه ان حقى حاجه وكمان زعلانه جدا من زوجى ارجوكم ساعدونى

يا حبيبتي اولا الف مبروك علي الزواج
و ثانيه اولا الزواج بيكون فيه مشاكل كتير بتعدي مع الايام
المهم لازم مامتك تتكلم هي مع جماتك و تطلب منها المفتاح علشان تطمئن علي الشقه بما انها هي الاقرب زي ما انت بتقولي
ممكن تجيبهالها بطريقه حلوه تقولها مثلا بدل ما تتعبي انا هاخد بالي من الشقه
و ربنا ييسرلك الخير ان شاء الله و زي ما بنقول في مصر ربنا يهدي سرك

كتبت بواسطة samah_hany

كل سنه وانتم طيبين معلش ياريت تساعدونى لأن نفسيتى والله تعبانه جدا انا تزوجت وسافرت الامارات مع زوجى بعد4 ايام المهم احنا مش طولنا فى الخطوبه احنا كتبنا الكتاب على طول المهم هو بصراحه كويس جدااا الحمدلله بس فى مشكله ان شقتى بقرب ماما لكن حماتى ساكنه بعيد المهم اللى مضايقنى ان مفتاح شقتى النسختين مع حماتى هى الشقه فاضيه بس ماحد بيطمن عليها وكل شويه نتصل نتحايل عليهم يتطمنوا عليهالكن براحتهم بيروحوا اللى حصل ان فى مسوره مياه غرقت الدنيا من قبل رمضان بأسبوعين وقولت لزوجى خلى حد يعطى مفتاح الشقه لماما ولما قال لخاله اللى بيروح يشوف الشقه قاللوا استنى لما اقول لمامتك الاول عشان ماتزعلش ومن ساعتها دخلت على شهر ولا فكروا يبعتوا مفتاح مش من حقى أمى يكون معاها مفتاح شقتى اللى انا مش أخدته أساسا وكمان هى حماتى تزعل ليه وده حقى وكمان أمى اقرب لشقتى تروح تطمن عليها وتهتم لو فى حاجه وهما مش كده .ممكن تدلونى بسرعه انا والله مخنوقه وتعبت مش حسه ان حقى حاجه وكمان زعلانه جدا من زوجى ارجوكم ساعدونى

بصى با حببتى الاصول متزعلش وكل حاجه مع التهذيب والذوق مفهاش حاجه انتى متدخليش مامتك فى حاجه يعنى ماتحريجيهاش مع حماتك.....وبعدين جوزك هو اللى يكلم مامتك بدون استئذان ولا حاجه لانه مينفعش يستاذن فى ملكه وكده حتدوها الحق فى انها توافق او ترفض بس اهم حاجه متتكلموش بطريقه تزعلها ...يقولها ماما فلان حييجى ياخد المفتاح بتاع الشقه بتاعتى وانتى ساعتها تبعتى حد معرفه انتى تعرفيه ياخد المفتاح واوعى لما ترجعى يكون فى حد من اهلك واهله معاه المفتاح منعا للمشاكل ومن الاول انتى شخصيتك تكون واضحه وصريحه لان اول سنه فى جوازك هى اللى بتحدد شخصيتك وبناء عليها حيتعاملو معاكى .....اخد الحق حرفه

طيب أنا معاملتى معاهم كويسه جدا وهما يعنى بيعاملونى فى حدود انى لما اتكلم يتكلموا كويس يعنى مش جت حماتى يوم اتصلت وتطمنت عليا قولت عادى كانت ماما تتصل كل يومين تقريبا تطمن عليها تكلمها كويس بس هى مااتصلت بأمى وبعدين انا كل الكلام ده بينى وبينى مش عرفت ماما ولا اى حد عندى على موضوع الشقه بس انا متضايقه لأن جوزى عارف ان ده مزعلنى ومش همه قولولى اعمل أيه النهارده مش رضيت اقوله انا متضايقه من أيه لكن هو لماهاييجى من الشغل هايحاول يعرف مش عارفه اعمل ايه؟

والله يبارك فيكى ياmayooyaوشكرا لأهتمامك يامرات جوزها

السلام عليكم انا بشكر مرات جوزها على الرد الجميل الملخص اللى قالت فية كل حاجة انا كنت حقولها بطريقة سلسة وجميلةومش عيزاكى تزعلى نفسك ولا تعملى مشكلة بينك وبين جوزك روق يا قمر كل دى حاجات بسيطة هتتحلوياريت بذكائك تحليها من غير ما تزعلى حدمنك تحديدا حماتك

يا حبيبتى اول مبروك على الجواز و الحمل و يارب يكرمك و يتملك على الف خير
و عموما يا قمر مش مشكله ان المفتاح مش مع مامتك انا متجوزه من سنتين و 5 شهور و مسافره
بقالى سنه و مامتى مش معاها مفتاح شقتى لانى حسيت ان اهل جوزى معندهمش استعداد ان
اهلى ياخدوا المفتاح متكلمتش و ماما كمان قالتلى مش عايزاه طبعا هى عايزه تاخد بالها من
حاجتى و كل حاجه بس مش عايزه اهل جوزى يتضايقه ممكن يا قمر لما يكون حد من اهل جوزك
رايح شقتكم مامتك تروح معاه تطمن على حاجتك براحتها بس لو اخد المفتاح هيضايقهم يبقى
بلاش منه احسن و ريحى دماغك و ربنا يكرمك و يهدى سرك يارب و يوفقك فى حياتك يارب

طيب هو في مشكلة لو جوزك كلم مامتة و قالها انا هبعت حد ياخد مفتاح الشقة علشان المسورة ضربت و مغرقة الدنيا و يقولها حماتي هتجيب واحدة تنضفها و عايزة اقلك على حاجة قولي لجوزك على كل الي مضايقك علشان تصفي الي جواكي اول بأول و متبقيش شايلة منه ده مهم اوي فى الجواز و شوفي رد فعلى هيكون ايه يمكن عندة رد منطقي يهديكي او يمكن هو مش فاهم ان الموضوع ده ممكن يزعلك

طيب ليه ما جربتى تقولى لها : يا حماتى يا حبيبتى انا مش عايزة اتعبك المشوار عليكى بعيد انا بس هخلى حد من عند ماما يبعت ياخد المفتاح ويطمن على الشقة ويشوف حكاية الماسورة لان الشقة اكيد محتاجة تتنظف بعد مووضوع الماسورة ده ...وخليكى انتى يا حماتى ياحبيتى بدل ما تتعبى فى المشوار البعيد .. ربنا يبارك فيكى احنا تعبناكى معانا كتير ربنايخليكى لينا ... والله ده انا مكسوفة منك اننا متقليين عليكى طول الفترة اللى فاتت .. خلى ماما بقى تشيل عنك شوية .......
ايه رايكم فى الحوار ده اكيد يلين الحجر وما يخلى حد ابدا يزعل منك ........جربى

انا مع كلام حبه الؤلؤ احكي
معها باللكلام الحلو والمعسول
ا