بصراحة أختي الحبيبة أنا عندي رد ممكن يكون مختلف تماما عن اللي كل أخواتنا الفضليات قالوه
أنا مش هقولك متحبيش ابن خالك ... لأن دي مشاعر فطرية ربنا غرزها في الناس عموما و النساء خصوصا
بس هقولك خلي بالك من عدة أشياء
أولا أنتي لسه عندك 18 سنة يعني في مرحلة المراهقة و الحكم فيها على المشاعر غير ناضج بالدرجة الكافية
ثانيا في حاجة أعتقد إن هي خطأ ذكرتيها أثناء كلامك ...
و هي إنك أنت من بدأت و صرحتي له بمشاعرك
و هذا مهما كان الرجل الذي تقولين له هذا الكلام فلابد و أن يشعر غصبا عن إرادته أنك قليلة حتى و إن لم يخبرك به مباشرة أو حتى تلميحا و لكن يظل بداخله يشعر أنك من كنت تتوددين إليه
أنت تشعرين أن التصريح فيه مشكلة و لذلك لم تقدري على مواجهته في الواقع و أخبرتيه عبر الأنترنت ...
تاني شيء ... إن والدته غير موافقة على زواجه منك و هذا في حد ذاته و إن كان عنده الإمكانيات الكافية لزواجه منك هيسبب لك الكثير من المشاكل
و محدش بيتزوج حد و بيعشوا في جزيرة معزولة عن الناس ...
لازم هتحتكي بأهله و معارفه و هكذا
و واضح جدا إن الأهل حاسين إن دي مشاعر مراهقة و غير ناضجة و إنكم لسه مش مؤهلين لتحمل مسئولية كبيرة زي الزواج
بصي أختي الحبيبة أنا صريحة معك ...
و لكن في مثل بيتقال في المصري
يا بخت من بكاني و بكى علي و لا ضحكني و ضحك الناس علي
و عن تجارب ناس كتيرة مروا بنفس المشاعر اللي بتحكي عنها
أول الانزلاق بيبدأ بخطوة و يبدأ الشيطان يزود في الموضوع و يقنعك إن دي علاقة حب برئية و حب صادق
و لكن فعلا و الله حتى لو كان كده و الواحد لم يتقي الله و يحاول يكتم مشاعره دي
الشيطان بيخلي الإنسان ينزلق و يبعد و ينحدر
و أكيد كلنا عارفين بيت الشعر اللي بيقول
نظرة فابتسامة فسلام فكلام فموعد فلقاء
أختي الحبيبة أتمنى أنك تفكري في الكلام اللي قولتهولك بعقلك و تصلي ركعتين و تدعي ربنا يهديكي إلى سبيل الرشاد و يبصرك باطريق الصح و يعينك
و في النهاية إني أحبك في الله
الروابط المفضلة