مرحبا كيفكم بتمنى تكونوا بخير وصحه وعافيه
ما اطول عليكم بتبدأ مشكلتي من وقت ما اتزوجت تزوجت من شاب بيقربني بس بيعيد عن المنطقه يلي بنعيش فيها اتزوجنا والحمدلله كل شى تمام وهوا كان منيح ما بيبين عليه اي شى (الشاب بيعيش بدولتين يعني هون شوي وببلد اجنبيه شوي تانيه) انا بعد ما اتزوجت بشهرين حملت والحمدلله بس هوا طلب مني اروح كمل حملي باالدوله وولادتي با الدوله الاجنبيه وهوا بيجي وقت ولادتي طبعا عندهم بيت هناك وكمان اخوانه واهلو رايحين جايين المهم انا رحت وعملت يلي قالولي عليه وولدت والحمدلله ووا اجا وقت الاولاده ووقعد معي شى شهر وسافر عن جديد وانا كملت باقي الاجرأت من العنايه بأبني واخده كل اسبوع للمعاينه ولخلاص فترت التطعيم يعني شى 7او 8 اشهر ورجعت والوضع عادي وبعدها بأربع اشهر حملت بطفلي التاني وطبعا نفس التفاصيل بس با المره التانيه كان وابوه موجود عندنا طبعا ابوه انسان شرير وسكران ومو منيح بكل الاحوال وبحاول على قد ما اقدر اتجنبه هوا عملي كتير مشاكل وطردني من البيت وما العلم انه انا وحيده ببلد الغربه وما عندي حدا وبقيت برا البيت يوم كامل عند عالم عرفتا با الصدفه وابو زوجي بسرعه اتصل بزوجي وقلو انه مرتك عملت مشاكل وانا طرتا من البيت واتصل لعند ناس بيعرفوا اهلي انه انا بطلع من البيت بروح عند واحد رفيقي وانا والله العظيم بريئه من كل هل الاتهامات وانا كنت بطلع بروح العياده لان ابني الصغير مريض وما عندي مين ياخدو ع المستشفى وكان راح يموت بس الحمدلله بفضل الله اتعافه وصار منيح وبهل الوقت ما كانوا بيسمحولي اتصل لعند زوجي او حتى اي حدا بعرفوا يعنى سجن بعد ما خلصت فتره التطعيم واللقاح تبع ابني رجعت لعد زوجي طبعا زوجي كان زعلان مني واتهمني بكل هل اتهامات وما اعطاني فرصه اني ادافع عن حالى وبعد هيك عرفت انه زوجي عم يسكر وبياخد حبوب مخدره بتجيب النوم وصار يتخانق معي على الطالعه والنازله كل يوم لمده سنه بعدها اكتشفت انه على علاقه ببنت من قبل 5 اعوام يعني من قبل ما نتجوز وبدو هلأ يتجوزا بعدها اجت فتر رحت فيها لبيت اهلى منشان غير جو واخدت اولادي طبعا كان مو راضي اخد اولادي معي بس خالتي قالت لأمه بعدها بمعانا وافقوا المهم رحت وقعدت عند اهلى بعدها بشهر اجى وقلي بدي اخد الاولاد ع البحر لان رفقاتي هنيك وحكى معي منيح وكأنه ما صار شى انا عطيتوا الاولاد بأالعلم انون اصغار اكتير يعني حتى الصغير ما بيعرفني لان عمرو سنه ونص وانا عم اتصل فيه قلي انه انا با البيت واخدتا معي وامي راح تربيهم قمت حكيت مع امه قالتلي انا ما بعرف انه اجى ليأخدهم وانا ما دخلني ابدا وسكرت بوجهي
مع العلم انه ابوه كان بيهددني دائما وانا لازم اتنازلوا عن الاولاد وخلاني اكتب ورقت تنازل عن الاولاد وانا عصب عني كتبنا وبصمني عليها بعرف انه غلط بس انا ما كان عندي حدا استنجد فيه لاني وحيده وبعيده عن اهلى وما عندي رفقات ولا حتى حدا بعرفو وهنى ناس شريرين وما عندا ضمير بس للأسف مابتعرف الانسان الالما تعيش معوا
مع العلم انه فترت زواجي كان ممنوع اعمل اي شى حتى اتصل لعند اهلي لأني اتجوزت خلاص صايره عم اتبعهم وانه البنت لما تتجوز خلاص بتقعد ببيت جوزها وما بتطلع على اي محل
اسفه طولت عليكم بس انا الان حايره وما بعرف الله وين حطني واولادي اتصلت فيهم منشان احكي معهم رد علي وقال السماء اقربلك وسكر وكل ما عم اتصل بيسكر بوجهي
سامحوني عم اكتب من قلبي ودموع بعيوني ما بعرف اذا مرتب او لا بس اني عم اكتب وعم فضفض
بتمنى تدعو انه اولادي يرجعوا الي سالمين غانمين لان هلأ مافى حل غير اني ادعي ربي بس انا مأمنه بربي كتير وبعرف انه ما بيظلم اي انسان بس ضاق فيي الحال حبيت افضفض عندكم لاني كنت بشاركه باهاالمنتدى من زمان وبعرف انه اعضائه كتير متعونين وبيساعدو بعض
تقبالو خالص تحياتي
الروابط المفضلة