حماتى ملاك..حماتى قنبله ذريه..!!!!!!

[enno]

السلام عليكم ورحمة الله وبركاته
ازيكم يااحلى عضوات واحلى مشرفات عاملين ايه
بصراحه انا مكونتش اعرف الركن هنا او بمعنى اصح ثقافتى عن المنتدى كانت محدوده شويه مقتصره على ابنى ومشاكله واكله وشربه ومقضياها امومه وطفوله وبس لحد ماقررت اوسع مداركى العقليه شويه واتصفح باقى المنتدى وفاجاه اكتشفت الركن العظييييم ده(طبعا حسستكو انى عبقريه واكتشفت امريكا بحالها)
المهم ندخل فى الموضوع اللاذلى اللى امة لا اله الا الله كلها اتكلمت فيه اما قالت يابس ومفيش فايده لسه اذلى
انا عارفه ان اكيد الركن هنا اتكلم فيه كتير بس انا حسيت انى عايزه اتكلم فيه بردو وبطريقتى معاكو


المهم ده رغى كتير وصدعنكو عارفه
سؤال هايجننى ياترى حماتى ملاك ولا قنبله ذريه
مش هاضحك عليكم انا لا حاساها كده ولا كده
انا حماتى طيبه جدايعنى خدومه بتعمل خير كتير ماشاء الله كريمه اوى يعنى ملاك بس بشر!!!!!!!!!!!!!
يعنى فى المقابل فى تصرفات ممكن تؤدى انها تكون قنبله ذريه تنفجر فى المكان لا ومش بس كده اول حد هايتأذى من القنبله دى هى وعجبىىىىىى!!!!!!!!


مش محتاجه اقول امثال لكده بس محتاجه استشارتكم فى اسئله كتييييير

اولا:حماتى ام ابنها حلو ايه الحدود اللى المفروض تتعامل بيها مع ابنها وهو متجوز
بمعنى ليها احقية النصيحه ماختلفناش بس لانهى درجه هل ليها الحق انها تتخانق لو النصيحه دى متنفذتش ؟؟؟؟؟؟؟؟؟؟؟؟؟

ثانيا هى جدة ابنى ممتاز
هل ليها الحق انها تتدخل تماام التدخل فى اكله وشربه ونومه ولبسه ورضاعته بمبرر انها عندها خبره اكتر وانى لازم استفيد من الخبره دى؟؟؟؟؟؟؟؟

ثالثا وده الاهم هى حماتى انا يعنى انا مرات ابنها مش بنتها
هل ليها الحق انا تدخل فى تفاصيل حياتى وتطالبنى انى اقولها اول باول تفايل حياتى واللى تعترض عليه المفروض ابعد عنه حتى لو الاعتراض ده زيادة عدد مرات مرواحى لاهلى مثلا؟؟؟؟؟

هل بقى وده الاهم
لو حاجه من الحاجات اللى فوق دى محصلتش ليها الحق انها تحكى وتفضح اى حاجه من الحاجات دى لكل اخواتها وولادها ومررتاتهم؟.؟؟؟؟؟؟؟؟


بصراحه انا خارجه من مشكله جامده جدا بسبب كلل ده وكنت مظلومه فيها جامد جدا بس الحمد لله زوجى واخو زوجى كانو شاهدين ظلمى
بس للاسف العيار اللى ميصيبش يدوش والعلاقات بين زوجى وامه متوتره وطبعا بينى وبينها منعدمه(بس علشان المشكله لسه طازه)
لكن انا مش عايزه اتحامل عليها عايزه اعرف ايه الحدود الصح علشان مكونش ظالماها اللى المفروض اتعامل بيها معاها اكتر من اللى باعمله
باحترم الكلام معاها وممنوع الرد عليها باى شكل من الاشكال ولو بهزار
محولش ابدا اوقع بين جوزى واهله ان كان اخوه او امه
باراعى ربنا فى علاقتها بابنها وحفيدها واهتم بالزيارات حتى لو انا معترضه على اسلوب كلامها او معيشتها او اى كلام اهانه بيترمى فى النص ليا عن طريق الهزار

انا عملت مشكله او بمعنى اصح هى اللى عملتها علشان اتدخلت بزيااااده او وبشكل ظالم جدا ليا فى طريقة تربيتى لابنى وفى نظافتى مع انه ربنا العالم انا باعمل ايه لبيتى ولابنى ولزوجى زى اى ست فى الدنيا
وكان التدخل بدل مايكون بطريقه مستوره حتى بينى وبينها لا كان عن طريق سلفتى يعنى كانت اهانه جامده جدا لان سلفتى لسه جديده فى العيله لسه عروسه من 3 شهور بس مع العلم
انها طول عمرها تقولى جمله واحده بس انا اكتر حاجه بتحببنى فيكى حبك لابنى واهتمامك بحفيدى
معرفش ليه كل ده اتقلب هل علشان سمحتلها بتدخل زياده؟؟؟؟ اكيد
لانى مكونتش باسمح بكده بس بردو كانت بتعملها مشكله انى مش باسمح ولما سمحت خناقه وتدخلالالالات زياده عن اللزوم





انا رغيت كتير اوى بس اصلى مبأوأه شويتين وحاسه انى عايزه اتكلم ومش بس اتكلم لا واستفيد من خبرتكم ياريت تفيدونى فى الحدود الصح اللى المفروض تتحط بين الحما ومرات ابنها علشان الحماه لا تبقى ملالالالالالالالالالالالالالالاك ولا تبقى قنبله ذرييييييييييييييه

[ملاك العبيدي]

اختي العزيزة



طبعا صحيح غير متزوجة لكن عشت في بيت جد ورأيت امي ونساء اعمامي


وعندنا عادي المرأة تتزوج في بيت اهل زوجها فلدي خبرة ههههههه


لاتقولي لها كل شئ تعرفي كانت زوجة عمي هكذا


من النوع كتومه حتى تعود عمي كذلك بحيث ليس كل شئ يقال


يبقى بينهم وهذا افضل شئ


وحاولي تكوني دبلماسيه معها وارضيها باسلوب واعملي لها ماتريد امامها فقط


حيث كانت زوجة عمي لاتهتم وتعبر وتحاول تبعد المشكلة


طبعا اتحدث عن زوجة عمي لان كانت جدتي خالة امي وطباعهم متشابهة


وطباع زوجة عمي تختلف لذلك اتحدث عنها


ارجوان ان تتقبلي مروري



والله يسعدك يارب







وجزاك الله خيرا

[أم نور الدين1]

بصى حبيبتى علشان متتعبيش المشاكل دى عادية جدا جدا وبتمر مع الذمن هى بس كده فى الأول بس دائما خليكى ذكية واكسبى زوجك دائما ومهما حدث تكلمى عنها امامة باحترام وباختصار هقولك ( حماتى قنبلة نووية) الله يسامحها

[صاحبة البيت]

غاليتى
لن أتحدث كثيرا ولكن
وبعد إكتشاف قارة أمريكا الجديدة
(بعد مصر الجديدة)
وجدت شىء مهم جدا
أهلك لتهلك
يعنى
مهما حصل من أهله فهو عائد عائد
(أهلك لتهلك)
لذلك توخى الحذر فى كلامك عنهم
حتى لو جاء زوجك يشتكيهم أليكى
فلا تفرطى كثيرا فى الكلام
ولكن أختصريه بكلمة ....الله يهدى الأحوال
ولا تعطيه رأى يريحه فى أى مشكلة مع أهله
لأن الخلاف سيزول وتبقى كلمتك ترن فى أذنه
وخلاصة ما تقوليه أيضا
ربنا يصلحلكم الحال
أنتم مهما حصل أهل فى بعضكم
الله يهديكم
يارب أكون أفدتك
تقبلى مرورى

[enno]

بصى حبيبتى علشان متتعبيش المشاكل دى عادية جدا جدا وبتمر مع الذمن هى بس كده فى الأول بس دائما خليكى ذكية واكسبى زوجك دائما ومهما حدث تكلمى عنها امامة باحترام وباختصار هقولك ( حماتى قنبلة نووية) الله يسامحها

الله يهديهم ويسامحهم كلهم والله انا فعلا خايفه من كده بس هى بتزن على ودانه جامد مع انها بتشكر فيا جدا معرفش ازاى يعنى بتشكر فيا وبتكلمنى وبتعاملنى معامله فوق الممتازه واكتشف فاجاه ان فى مصيبه حلت على دماغى وبصراحه حاجات اتفه من التفاهه والله ومش مشاكل اصلا حتى ولادها هما اللى مقتنعين بكده بس الزن على الودان امر من السحر هى بتقول انها بتعمل كده من باب النصيحه لكن لما كل شويه مراتك مراتك وحاجات مستفزه حتى كانت تشتكيلى انا من ابنها اللى هو جوزى فى حاجات غريبه بردو من ضمنها وكانت خناقه عجييييبه انه بيجيب فاكهه من واحد مبتحبش فاكهته وكذا مره تلفت انتباهه وهو مش بيديها اهتمام فده قوم حريقه انه ازاى ميهتمش ويجيب فاكهه من الراجل اللى قالت عليه
عموما انا فعلا هاخلى بالى من الكلام عليها ان شاء الله وربنا يستر علينا

غاليتى
لن أتحدث كثيرا ولكن
وبعد إكتشاف قارة أمريكا الجديدة
(بعد مصر الجديدة)
وجدت شىء مهم جدا
أهلك لتهلك
يعنى
مهما حصل من أهله فهو عائد عائد
(أهلك لتهلك)
لذلك توخى الحذر فى كلامك عنهم
حتى لو جاء زوجك يشتكيهم أليكى
فلا تفرطى كثيرا فى الكلام
ولكن أختصريه بكلمة ....الله يهدى الأحوال
ولا تعطيه رأى يريحه فى أى مشكلة مع أهله
لأن الخلاف سيزول وتبقى كلمتك ترن فى أذنه
وخلاصة ما تقوليه أيضا
ربنا يصلحلكم الحال
أنتم مهما حصل أهل فى بعضكم
الله يهديكم
يارب أكون أفدتك
تقبلى مرورى

صح والله انا فعلا هاتبع كده بس الكارثه انها هى اللى بتدخلنى انا وسلفتى فى كل حاجه وبتحكيلنا حاجات اصلا عن بعض مش المفروض تتحكى
واصلا لانا ولا هى واجوازنا بنتكلم فى حاجه لاننا عارفين طبعها كلنا لكن هى بتسال اسئله دقيقه ولازم اجابه ولما بنهرب بتبقى خناقه على الاقل مع ولادها

اختي العزيزة



طبعا صحيح غير متزوجة لكن عشت في بيت جد ورأيت امي ونساء اعمامي


وعندنا عادي المرأة تتزوج في بيت اهل زوجها فلدي خبرة ههههههه


لاتقولي لها كل شئ تعرفي كانت زوجة عمي هكذا


من النوع كتومه حتى تعود عمي كذلك بحيث ليس كل شئ يقال


يبقى بينهم وهذا افضل شئ


وحاولي تكوني دبلماسيه معها وارضيها باسلوب واعملي لها ماتريد امامها فقط


حيث كانت زوجة عمي لاتهتم وتعبر وتحاول تبعد المشكلة


طبعا اتحدث عن زوجة عمي لان كانت جدتي خالة امي وطباعهم متشابهة


وطباع زوجة عمي تختلف لذلك اتحدث عنها


ارجوان ان تتقبلي مروري



والله يسعدك يارب







وجزاك الله خيرا

[enno]

اختي العزيزة



طبعا صحيح غير متزوجة لكن عشت في بيت جد ورأيت امي ونساء اعمامي


وعندنا عادي المرأة تتزوج في بيت اهل زوجها فلدي خبرة ههههههه


لاتقولي لها كل شئ تعرفي كانت زوجة عمي هكذا


من النوع كتومه حتى تعود عمي كذلك بحيث ليس كل شئ يقال


يبقى بينهم وهذا افضل شئ


وحاولي تكوني دبلماسيه معها وارضيها باسلوب واعملي لها ماتريد امامها فقط


حيث كانت زوجة عمي لاتهتم وتعبر وتحاول تبعد المشكلة


طبعا اتحدث عن زوجة عمي لان كانت جدتي خالة امي وطباعهم متشابهة


وطباع زوجة عمي تختلف لذلك اتحدث عنها


ارجوان ان تتقبلي مروري



والله يسعدك يارب







وجزاك الله خيرا

اولا انا اصلا مش ساكنه معاها انا بعديه عنها جدااا مشواااار
ثانيا انا اصلا واللى مضايقها منى فى الاساس انى كتومه ومش باتكلم وكل شويه علشان كده تقولى انتى كل حاجه من دماغك المفروض تسالى وتاخدى الخبره عايزانى احكى على كل حاجه واى حاجه بس فى احيان هى بتسال مباشر واتصالات يوميه حتى لو انا متصلتش هى تتصل تشوفنى فى البيت ولا لا وروحت فين وبنعمل ايه والولد كل ايه حاجات كده
عموما بعد المشكله دى اعتقد حاجات كتير هاتقف عند حدها لان التداخل منها كان زياده اوى اوى اعتقد دلوقتى حتى لو هى ضدى بالظلم المهم انها مش هاتدخل بزياده كده الا اللى انا عايزه اقوله بس
شكرا جدا جدا لردك

[enno]

نسيت اشكركم كلللكم على كلامك والله ونصايحكم اللى بجد باحس انها خالصه ومن قلبكم
جزاكم الله كل خير

[صاحبة البيت]

صح والله انا فعلا هاتبع كده بس الكارثه انها هى اللى بتدخلنى انا وسلفتى فى كل حاجه وبتحكيلنا حاجات اصلا عن بعض مش المفروض تتحكى

واصلا لانا ولا هى واجوازنا بنتكلم فى حاجه لاننا عارفين طبعها كلنا لكن هى بتسال اسئله دقيقه ولازم اجابه ولما بنهرب بتبقى خناقه على الاقل مع ولادها

حاولى غاليتى أن تتهربى من الأجابة
ولو حتى تقولى إنها تسأل صاحب الشأن
فيما تريده
ماهو لما مترديش أحسن ما تردى بكلمة
ترجعى تندمى عليها
تكون فى نظرك عادية ولكن فى نظرهم لا تغتفر
غاليتى ..كونى حريصة جدا جدا جدا وليس معنى أنها هى التى
تحكى فهى واثقة بكم
ولكن كما قلت لكى من قبل
أختصرى كلامك بكلمة
الله يهدى الأحوال أو ربنا يهدى النفوس وكونى حريصة
حتى من سلفتك أيضا ولو كانت معك أكتر من أختك
الحرص الحرص غاليتى
ومحدش عارف الأيام مخبية أيه اللى النهاردة حبيبك ممكن بكرة
يبقى عدوك كلنا أتقرصنا ومحدش بيتعلم بالساهل
تقبلى مرورى مرة أخرى
والله يسترها عليكى حبيبتى

[NB006]

غاليتى
لن أتحدث كثيرا ولكن
وبعد إكتشاف قارة أمريكا الجديدة
(بعد مصر الجديدة)
وجدت شىء مهم جدا
أهلك لتهلك
يعنى
مهما حصل من أهله فهو عائد عائد
(أهلك لتهلك)
لذلك توخى الحذر فى كلامك عنهم
حتى لو جاء زوجك يشتكيهم أليكى
فلا تفرطى كثيرا فى الكلام
ولكن أختصريه بكلمة ....الله يهدى الأحوال
ولا تعطيه رأى يريحه فى أى مشكلة مع أهله
لأن الخلاف سيزول وتبقى كلمتك ترن فى أذنه
وخلاصة ما تقوليه أيضا
ربنا يصلحلكم الحال
أنتم مهما حصل أهل فى بعضكم
الله يهديكم
يارب أكون أفدتك
تقبلى مرورى

معاها

[ندى بنتى]

الله يصلحلك الاحوال يارب ويهديهالك
الحماة حماة حتى لو كانت نازلة من السما
مفيش حماة بتعتبر كنتها زى بنتها كتير بيعتبروها عدوتها او دخيلة عليها او سبحت البساط منها
بس نقول ايه يعنى اهم حاجة ماتتكلميش عليها قصاده او مامتك عملت او سوت او كانت تقصد يبقى بتخربى ع نفسك لا قدر الله واستعينى بالله
واحيانا بيكون اللف والدوران ومعسول الكلام
يعنى لفى ودورى ف الكلام وما وصكيش باللسان الحلو وبعد ما تمشى اعملى اللى عوزاه
والله يهديها ويهدينا اجمعين