بسم الله الرحمن الرحيم
السلام عليكم ورحمة الله وبركاته
قبل شوي كنت اغسل ملابس زوجي وتذكرت هالموقف فقلت اشوف تعليقاتكم
وكل وحدة تكتب موقف حصل معها
بالنسبة لي سافرت الشغالة بعد مانتقلت الى بيتي الجديد بشهرين وتراكمت علي الاعمال المنزلية
خصوصا ان البيت الجديد دورين وكله رخام و زوجي ابدا مايساعدني لانه على قولته يحب يعيش ملك
المهم وانا اغسل الصحون بعد الغدا دخلنا في مواضيع
رومانسية انا وزوجي وجلس معاي في المطبخ وقبل مااخلص بشوي قال بتطلعين قلت له باقي لي انشر الغسيل واستغليت الوضع
وتدلعت عليه شوي وخليته هو بنشر الغسيل
مابالغ لكم هذه المرة الاولى الي يساعدني فيها من خمس سنوات وكانت الاخيرة
المهم طلع الثوب الاول وطلع له ريال بالجيب
وقال بنعومه انتبهي الشغالة اذا نشرت الغسيل ممكن تاخذ هالفلوس وماحد يلومها
وطلع الثوب الثاني وطلع له بالجيب 10 ريال وبدا الوضع يصير جد
والصوت اخشن وقال لي حرام لو كل مرة كذا يصير و ..و..
وطلع الثوب الي بعده تطلع ل500 ريال وكانت الصاعقة
وبدا يخاصم ورديت عليه وانت ليه ماتهتم وتفرغ الجيوب بنفسك
وكلمه مني وكلمه منه انتهى الجو الرومانسي وتهاوشنا
وحرمت بعدها اطلب منه يساعدني بشي ومن يومها وصار ينتبه لجيوبه
كل وحدة تكتب موقف تعرضت له خلونا نضحك شوي
الروابط المفضلة