السلام عليكم
قصتي سابداها بنبذة عن حياتي .. متزوجة من حوالي 6 سنوات زوجي انسان طيب وبسيط وحنون ومايتحمل اكون زعلانه من شي متسامح لابعد درجة عيوبه متعلق بجهاز الاب توب والتكنولوجيا بشكل عام يقضي عليه ساعات وساعات لدرجة انه مايجلس معانا ابدا طول الوقت على النت المشكله بدات من قبل حوالي اسبوعين انا من اول ماتزوجنا وانا مااحب افتش جواله او بريدة ابدا الثقة موجودة بيننا
ولكن في ذاك اليوم خرج زوجي للسيارة لدقايق وجلست مكانه ابغى ابحث عن موظوع في القوقل لقيت الماسنجر مفتوح وبفظول قرات القائمة معظمهم اصحاب اعرفهم وبعض من الاقارب ولكن ... لفت انتباهي بريد باسم انثى استغربت مين راح يكون واستبعدت انها تكون انثى وقلت لا مو معقول احتمال مالقى بريد بالهوتميل واختار هذا الاسم
لكن قلبي ماتطمن واخذت البريد..........وبعد كم يوم اظفته للماسنجر وقلت اتاكد قبل ان اسال واسوي بلبله .... المهم دخلت في يوم ووجدت هذا الشخص متصل وبتذاكي مني سويت نفسي زوجي ومغير البريد واخذنا الحديث .. واكتشفت انها بنت
وجلست اكلمها والنار تشب فيني وانا صابرة ... لمعرفه الحقيقة قمت سالتها تدرين كم لنا سوى قالت ايه 3 سنوات كانت هنا الصدمه الحقيقة وبعدها ماتمالكت نفسي واعترفت لها بالحقيقه وانصدمت واخذت ادعي عليها وخافت ووعدتني انها ماعاد تتكلم معاه وحلفت لي ان زوجي حاول يتركها وهي اللي ترجع وحلفتني اني ماطلب الطلاق واني اسامحها ومن هذا الكلام
المهم انا نسخت المحادثة واتصلت على زوجي ولما جا قلت له اقرا ودخلت غرفة النوم وبعد دقايق دخل الغرفة وجلس سالته مين هذي ولا تكلم حاول يبرر لكن انا سكته وطلبت الطلاق لاني مستحيل اعيش معاه وانا ياكلني الشك وبعد جدال طويل وبكاء من كلا الطرفين حلف لي بالله انها هي اللي وراه وانه حاول اكثر من مرة يتركهها وانها هي اللي ترجع وان الشيطان اعماه وتعرفون الرجال في هذا الموقف اللي صدمني زوجي مؤدب وما يحب يطالع في الحريم هذا مو قدامي لا ابدا انا جربته اكثر من مرة وكان فعلا موظع ثقة
المهم بنتي صغيرة مو فاهمة شي بس عرفت اني مابغاه يجلس معانا وانا مقفلة الغرفه بس كانت تدق الباب وتقول مانبغى بابا يروح والله انه بكى ونزلت دموعه وقال انا اعاهدك امام الله اني ماكلمها ولا اكلم بنت في حياتي مالي فيها صله قرابة وحاول يراضيني بكل الطرق
انا في الاخير استسلمت لقلبي وحبي له ولدموعه اللي ماهانت علي وبنتي
المهم تصالحنا ورجعنا زي اول لكن انا ............................اااااااااااااااااااااا اااااه
لا ليلي ليل ولا نهاري نهار طول وقتي تفكير اذا تذكرت اللي صار تنقلب نفسيتي واصير مااطيق اتكلم معاه بدون مايدري ايش فيني
حاولت ارتاح اتعوذ من ابليس لكن مافيه فايدة تعبت تعبت
والله اني احبه لدرجة الموت ... وادري انه يموت فيني لكن صدقوني حياتي انقلبت تفكير وهم ... حتى مع محاولاته في تغيير الجو
ساعدوني كيف ارتاح ... احس قلبي انكسر احس سد كبير انهدم مو قادرة اسامح
ايش الحل
الروابط المفضلة