هاد ملخص لحقوق
وواجبات الزوج....(بنظر
الزوج طبعا)
من حق الزوج انو يقول لمرتو ليش الطبخة مو زابطة ازا ما عجبتو.... بس مو من واجبو انو يقلا يسلمو ايديكي ازا عجبتو وكانت طيبة
من حق
الزوج انو يقول لمرتو مو حلو لبسك ازا ماعجبو لبسا.... بس مو من واجبو انو يقلا حليانة ولابقلك ازا عجبو
من حق
الزوج انو لما يجي عل البيت يكون كلشي نضيف ومرتب...بس مو من واجبو انو يطوي بجامتو او يشيل كاسة المي يلي شرب منا
من حق
الزوج انو ينتقد اهل مرتو ايمتا ما بدو... ومن واجبو انو يمنعا تنتقد ايا تصرف من تصرفات اهلو
من حق
الزوج انو ينسب كل تصرف سيء بيعملو الولاد لأمون ولتقصير بتربية الام...ومن واجبو انو ينسب كل الايجابيات بالولاد الو او لأحد افراد عيلتو
من حق
الزوج انو يشكي كل همومو لمرتو... بس مو من واجبو انو يسمع هموما
من حق
الزوج انو مرتو تتحملو لما يكون معصب (لأنو مضغوط)... بس مو من واجبو انو يتحملا لأنها معصبة...ومو من حق الزوجة انها تكون مضغوطة
من حق
الزوج انو يشكي من قلة الدخل وغلاء المعيشة... بس مو من حق المرة انو تشتكي من نفس الاشياء
من حق
الزوج انو ينام لما يحس حالو نعسان حتى لو مرتو حابة تسهر معو... ومن حقو انو تم مرتو سهرانة معو قد مابدو لما مابكون بدو ينام حتى لو كانت رح تموووووت من التعب والنعس
من حق
الزوج انو يتدلل كتيييير لما يكون مرضان... بس مو من واجبو انو يدلل مرتو لما تكون هي مرضانة... حتى مو من واجبو انو يعد بالبيت لما تكون مرضانة لأنو بديق خلقو
من حق
الزوج انو يعصب ازا مرتو عزمت حدا بدون ما تخبرو..... بس مو من واجبو انو يخبرا او ياخد رأيا ازا هو حب يعزم حدا.... ومن حقو انو يعصب ازا ماكان كلشي على احسنو لما بيصلو ضيوفو
من حق
الزوج انو يشوف مرتو دائما مبتسمة وجميلة وتحكي معو حكي حلو... بس مو من واجبو انو يتجاوب معا او يعاملا بالمتل
هاد مو تحامل على الرجال.. بس في كتير رجال هيك
الروابط المفضلة