أرجوكون ساعدوني كيف بدي اتعامل مع زوجي...
جوزي انسان الو طبع خاص, بالرغم من انو ممكن يبين جلف احيانا لكن هو بالحقيقة انسان كتييير حساس, واحيانا بحاول يخفي حساسيتو الزايدة بتصرفاتو الجلفة, او بتصرفاتو الصبيانية ويلي فيا كتيييييير مرح....
مو هون القصة.. القصة انو من سنة الا كم يوم توفى اخو لزوجي,, وكان شب عمرو 35 سنة امو عم تخطبو.... مات اثر مرض عضال وكان بالغربة وعيلتو صرلا 4 سنين ما شافو.... هل القصة عملت غصة كبيييييرة بحياة جوزي... وتأثر فيا كتير كتير... احيانا بحس انو بلش يتخطى الموضوع , بس لهلأ بحسو انو واقف على شعرة وبيبكي ازا حكا عنو.... مشكلتي انو بعد عشر أيام بتمر السنوية تبع أخو... انا مو عرفانة شو بدي ساوي.... نحنا عايشين بغربة,, يعني اهلو مو معو..
شو الأحسن اني اتصرف على اساس انو هاد اليوم سنوية اخو وازكرو واحكي عنو واحكي مع اهلو وواسيون... ولا الأحسن اني ما كتير ازكر الموضوع.. وحاول اني اتجنب الحديث وكأنو يوم عاديييي.. خايفة قلب عليه المواجع, وبنفس الوقت خايفة اتصرف ببلادة وكأني مو حاسة بلي هو فيه...
انصحوني

مساء الخير الله يصبر زوجك واهلو على الفقيد ويسكنه فسيح جناته
بس لو انتي متاكدة بأن عائلة زوجك في السنوية بيواسو بعضهم البعض ويعملو لسنوية حساب لازم فيك تقومي بالواجب من باب الواجب اكيد بس لو تعرفيهم ان هذا اليوم راح يمر عادي خليك انتي كمان عادية وما تفتحي عليهم الجروح.

(الاحسن ما تزكرى الموضوع امامة وحاولى ان تجنبى الحديث معة وكانة يوم عادى)0

كتبت بواسطة نمارق النرجسية

مساء الخير الله يصبر زوجك واهلو على الفقيد ويسكنه فسيح جناته
بس لو انتي متاكدة بأن عائلة زوجك في السنوية بيواسو بعضهم البعض ويعملو لسنوية حساب لازم فيك تقومي بالواجب من باب الواجب اكيد بس لو تعرفيهم ان هذا اليوم راح يمر عادي خليك انتي كمان عادية وما تفتحي عليهم الجروح.

شكرا الك,, الله يسمع منك ويرحمو ويصبر اهلو...
انا بعرف انو اهل جوزي بيعملو للسنوية حساب... مو يوم عادي,

كتبت بواسطة هاجر97

(الاحسن ما تزكرى الموضوع امامة وحاولى ان تجنبى الحديث معة وكانة يوم عادى)0

شكرا على ردك هاجر...

الله يصبر زوجك واهل زوجك
انا اقول لا ذكريهم ولو انا متاكده اهل زوجك هم يذكرون وخاصة الام
وانا متاكده مرور الوقت يبرد قلبهم ان شالله يارب

خليكى حنونة فى هذا اليوم وتجنبى اى خلاف معاه و لا تذكرى الحدث الا لو هو ذكر.قولى له انك متذكرة و لكن خوفتى تقلبى عليه الاحزان

اه احتياطيا بلاش اى مظاهر فرح ف هدا اليوم:تلفاز,الوان مبهجةف الملابس,طلب خروج للتسوق او لفسحة الاولاد

شكرا على ردودكون..
عسل الفراشة انا كمان متأكدة انو هنن متزكرين, طبعا خاصة الام والأب.... بس حتى الاخوات كلون ما بتتصوري قديش كانت شغلة قاسية عليهون....بس الحمدلله كانو الكل قمة الصبر والايمان ....
الله يصبرون... الله يسمع منك ويبرد قلبون....

روى.. شكرا على ردك, ورح اعمل كل جهدي اني اتعامل معو بحنية....