الموبيلات الله يلعنهااااااااااااااااااا اسفه على الدعوة بس فعلا انا اتعقدت من كل الموبيلات وبكره نوع معين وبحس بيجيلى حاله عصبيه لما بشوفه
انا متجوزة من اربع سنين كل مشاكلنا على الموبيل بتاع جوزى على طول مخبيه منى فى جيبه على طول ولما بينام بيخفيه خالص ولما بيستحمى بياخده معاه الحمامممممممممممممممممم اتجننت منه كنا هاننفصل بسبب الموبيل
واهلى بيطلعونى انى غلطانه عشان بيقسم لهم انه مافيش حاجه فى موبيله
اقولكم بقى المرات اللى افشت الموبيل شفت ايه وتقولوا ليه حق اولا؟
اول مره كان ابنى عنده شهريين وقمت 7 الصبح لقيت واحده بتقوله وحشتنى موت مش هاعرف اقابلك لان مامتى فى المستشفى اوك رده ان الرساله جايه غلط وللعلم الرقم مسجل بأسم واحد صحبه وبيرنله كتير المهم اتصلت بالرقم على طول الاقيها الحيوانه تستنى تسمع الو الاول وبعدين تقفل فى وشى نزلت زى المجنونه الصبح ادور على سنترال عشان ترد عليه القيها ترفع وتقفل ترفع وتقفل طبعاا هى مش بترد على اى رقم اصلا
المهم انتهى الموقف بانى ماعرفتش حقيقه الموضوع وضليت فى حيره مع نفسى لمده سنتين كمان جوزى مش مأثر معايا ابدا عارفه مواعيد خروجه ودخوله وللعلم انا عارفه جوزى كويس مالوش انه يخون ابداا لاننا اخدين بعض عن حب طيب ايه الموضوع؟؟
بعد مرور سنتين والحال كما هو الموبيل لا اراه ابدااا ولو وقع فى ايدى اققلب يمين وشمال ومش بلاقى حاجه بس مخبيه وبيخاف يقع فى ايدى جداااااااااااااااااااا
من فتره جيت امسكه لقيت رساله بحبك موت من رقم مختلف اتجننت وانهرت وارتبكت لدرجه انى اخدت الموبيل وجريت على الحمام وتربسته عشان احفظ الرقم طبعا جرى جوزى ورايا وخبط على الحمام كان هايكسر البابببببببببببب طبعا خوفت وروحت رمياله الموبيل من غير مااحفظ الرقم مخى اتمسح قعد معايا وقالى هاحكيلك على الحقيقه كلها دى واحده انا مديرها فى الشغل وكنت بعلمها حاجات وكانت مجننانى وعاوزة تعمل علاقه معايا وشتمتها كتير ومافيش فايده وانا مش عاوزك تشوفى الرسايل عشان مش عاوز اعرضك للبنت دى لانها قليله ادب
صدقته وهديت بس من جوايا غير مقتنعه .
كانت ليه واحده كانت صديقتى جداا وكانت مرات صديق جوزى اوى جوزها كان بيحكيلها كل حاجه عن جوزى بس هى مش بترضه تقولى حاجه بس جت من شهر كده لقيتها بتتصل وتقولى ان واحده مسيحيه اكبر من زوجى بعشر سنوات ومطلقه وعندها طفل وغنيههههههههه جدا عاوزة تتجوز جوزى وبتموت فيه وبتلح عليه وهو مش قادر عليها او قادر يصدها لدرجه انها عاوزة تسلم عشان يتجوزها
طبعا صاحبتى طلبت منى انى اكون هاديه عشان نعرف نفكر ازاى نبعد الست دى عن جوزى وللعلم جوزى كان حكالى مره عنها انها ست فظيعه الجمال كانت ترئسه فى شركته القديمه بس ماحطيت فى بالى انها ممكن تلوف عليه
تفتكروا رد فعلى كان ايه طبعا انهرت وماقرتش اكون هاديه وعملت مشكله كبيره وكنا هاننفصل خلاص وانتهت على اننا اتصلحنا خلاص ووعدنى انه هايسيب موبيله وان الكلام اللى صحبتى قالته مبالغ فيه وجوزها بيكدب عليها عشان يبعد الشبهات عن نفسه لان جوزها خاين ليها بمعنى الكلمه.
اخواتى انا صدقت جوزى لانى بحبه جداا وعارفه ان ممكن بنات كتير تجرى وراه لانه مشاء الله عليه وسيم ومصدقاه انه مخلص ليه بس الست دى هى اللى كاتنت بتجرى وراه بس هو اقسم لى ان الست دى محترمه وعمر ماصدر شىء منها دلوقتى انا محتاره وخايفه جداا مش عارفه مين الصح ومين الغلط صديقتى دى طبعا جوزها حلف طلاق عليها انها ماتكلمنيش خالص اعمل ايه يا اخواتى؟
معلشى قلبت دماغكواا بس حبيت اسمع رئيكوا اعمل ايه؟
الروابط المفضلة