كنت اعرف واحدة جوزها كان بيتكام كلام خليع مع البنات على النت
سبحان الله ربنا ردها فيه وجت واحدة عملت نفسها بنت على الماسنجر وصاحبتها وقعدوا يتكلوا وفى مرة البنت ديه قالتلها عايزاكى تكلمينى عن علاقتك بجوزك الحميمية طبعا الست قالتلها ايه اللى بتقوليه ده وزعلت طبعا لانها كانت فاكراها صديقة محترمة وفجاة البنت قالتلها طب لو عرفتى انى شاب تحبى نتكلم
طبعاالست فوجئت وابتدى الشاب يبعت كلام بذئ ذى اللى كان جوزها بيبعتوا للبنات طبعا الست قفلت الماسنجر وراحت قالت لجوزها على الموضوع ده جوزها جن جنونه ازاى واحد يقول الكلام ده لمراتى وراح يشوف الميل بتاعها عشان يلغى الميل بتاع الشاب ده لاقاه باعتلها على الميل كلام بذئ وافلام علشان يمكن ترد عليه ولا حاجة طبعاالراجل تجنن
ومن ساعتها وهو بيكلم نفسه لو قعدت على النت شوية او اشتركت فى موقع او منتدى لان بيحصل ان شاب ممكن يلاقى اسم حريمى فيتكلم معاها طبعا هو واثق فى مراته بس حاسس ان ربنا ممكن يردله اللى كان بيعمله
طبعا هو خاف وبطل لانه كل اما يفكر انه يكلم حد بالكلام ده كان يتخيل مراته حد بيكلمها فيتراجع
الحكاية ديه احنا بنقولها شفوى كتير لكن لما الراجل بيجربها عملى بيتعلم الادب بجد
نصيحتى انا بقى حطى على الكمبيوتر برنامج مواقيت الصلاة والاذان حطى خاصية ان عند فتح ايكونة تنطق بسم الله
وابعثى فى قلب رجلك قدر بسيط من الغيرة لان طول ماهو حاسس انه فى امان هيسوء فيها بصوا ده مش كلامى ده كلام دكتور نفسى كانوا جايبينوا على المحور
الست ديه لما قالتلى انا ما اقدرش اقول لجوزى ان فيه حد بيكلمنى الكلام ده قولتلها بالعكس هو ده الحل عشان يحترم نفسه
طبعا الموضوع ده للى جوزها مش بيحترمها ومش بيحترم مشاعرها .
والله صدقونى هو ده الحل لو زرعتى جوه 1 % غيرة هيتأدب ويمشى على العجين ما يلخبطوش ههههههه
الروابط المفضلة