السلام عليكم انا اول مرة اكتب هنا ياريت تقدروا تساعدونى انا مش قادرة احكى لحد انا هحاول اختصر انا متزوجة من سنتين لسه والدة اول طفل لينا من شهر واسبوعين تقريبا جوزى انسان والحمد لله كويس جدا وطيب جدا اكتر حاجة حبتها فيه لما عرفته تدينه واخلاقه حبيته جدا واتمسكت بيه وهو كمان حبنى وكان بيقولى احلى كلام فى الدنيا واهلى كمان حبوه جدا وارتبطوا بيه واتعود يجى عندنا على طول ويقعد معانا دايما من قبل منتجوز وانا مرتبطه بماما جدا المهم اتجوزنا وبيتى بعيد عن بيت ماما اول متجوزت كنت لازم ارحلها مرتين تلاته فى الاسبوع وجوزى مكنش مضايق لانه بيحبهم مع العلم شغل جوزى عند بيتنا البعيد المهم فات سنة مخلفتش بدأت اتابع مع دكتورة قريبه من بيت ماما لحد محملت والحمد لله خفت على الحمل وقعدنا عند ماما كل شهور الحمل مرحتش بيتى وجوزى استحمل وبقى يروح ويجى كل يوم على اساس لما اولد بأذن الله نرجع من اول مولدت وهو عايز يمشى مع العلم اهلى شايلنا من على الارض امى مش بتخلينى اعمل حاجة حتى ابنى لما جه هيا وبابا طايرين بيه فجأة جوزى اتغير مبقتش حاسة انه بيحبنى ولا حتى ابنه اللى استنيناه ودايما حزين وبعيد عنى من شهور مسمعتش كلامه الحلو لما فضلت اسأله مالك فضفض وقالى انتى انانية عاوزة راحتك وبس مدام مامتك مريحاكى خلاص انا اروح واجى كل يوم ساعة وبيتى جنب شغلى واستحملت عشان الحمل خلاص ابعدى عن حضن ماما شوية نفسى احس انى ليا زوجة انتى اللى تعملى كل حاجة مامتك كتر خيرها بس انتى اللى مراتى فين دورك ولما لمحت لماما ان احنا هنمشى فضلت تعيط وتحضن ابنى و متعذبة عشانها بس قرايبنا بيقولوا جوزك عنده حق لازم ترجعوا بيتكم وتزورى مامتك عادى زى اى واحدة وهو كمان بيقولى كده لازم يحس انه فى بيته يصرف هوه يقعد براحته يرتاح من المشوار هو كده ظالمنى و لا انا اللى ظالماه وامى هتتعود ازاى على غيابى انا وابنى
فى نقطة تانية انا بحب جوزى جدا وبغير عليه جدا بجنون برضه ياما استحملنى وجوزى شغله لازم يقابل زباين اكترهم ستات كان بيحكيلى كل حاجة و مش بيكدب عليا ابدا وكنت دايما اعمل مشكلة على كل واحدة كلمته و مسكتش لو اتكلم او ضحك فى وش زبونة شوية لو فكر يساعد واحدة ست والله انا بثق فيه جدا بس بخاف من اللى حواليه دايما شايفاه ملاك قدامى وكنت زمان بروح شغله معاه من ساعة الحمل مش باروح اول مرة اروح من شهور رحت من كام يوم لقيت ستات كتير معرفهاش ومحلات جنبه بيسلموا عليه عملت مشكلة كبيرة قالى بكل بساطة انا مالى هما اللى بيجوا وكمان انتى مش بتثقى فيا سيبينى اتصرف مش هاسمح اواحدة تزودها معايا قلتله مش بتحكيلى ليه قالى خلاص كان زمان كنت بحكيلك كل حاجة فضلتى تخنقينى وتكبرى كل حاجة مش بتثقى فيا ولا فى نفسك قلت احسن حاجة اريح دماغى وقالى ان ماما وبابا نفسهم قالوله بلاش تحكيلها كل حاجة عشان مخها صغير تخيلوا قالى انتى احلى من كل الستات دى ليه بتعملى كده بتغيرى من اى واحده حتى الممثلات الستات فى التليفزيون فى المجلات دايما بتراقبينى كأنك مخبر قلتله انا عارفة انك مش ممكن تعمل حاجة غلط قالى كان زمان برضه انا اتغيرت وانتى السبب قلتله انتى بتضحك عليا قالى خلاص انتى حرة قولولى انتم وريحونى هو متدين وحافظ للقران بس ميوله اتغيرت ولما اسأله ليه يقولى انا حر براحتى من حقى اشوف اللى انا عايزه من حقى اخرج مع اصحابى مش دايما معاكى وبس فعلا هو اتغير معقولة يكون عمل حاجة غلط ولا بيقول كده عشان يغيظنى وافوق انا واثقة فيه بس طمنونى انا هاموت لو عرفت انه حتى بص لاى واحدة تانية انا بحبه اكتر من الدنيا كلها و هوا مش حاسس خلاص بحبى شايفنى بس انانية و خنقاه و مش واثقه فيه ومش عايزاه يتقدم فى شغله انا فعلا كده انا خايفة اخسرة قولولى اعمل ايه انصحونى ارجع حبه ليا ازاى ويحكيلى كل حاجة تانى ازاى
الروابط المفضلة